സെക്രട്ടറി ഫോറം യാത്രയയപ്പു നല്‍കി
പത്തനംതിട്ട ജില്ലയിലെ വിരമിക്കുന്ന സഹകരണവകുപ്പ് ഉദ്യോഗസ്ഥര്‍ക്കു തിരുവല്ലയിലെ സഹകരണബാങ്ക് സെക്രട്ടറി ഫോറം യാത്രയയപ്പു നല്‍കി. ജോയിന്റ് രജിസ്ട്രാര്‍ എം.പി. ഹിരണ്‍, ജോയിന്റ് ഡയറക്ടര്‍ ജയശ്രീ, മുണ്ടിയപ്പള്ളി സര്‍വീസ് സഹകരണബാങ്ക് ജീവനക്കാരനും കോ-ഓപ്പറേറ്റീവ് എംപ്ലോയീസ് ഫ്രണ്ട് സംസ്ഥാനസെക്രട്ടറിയുമായ വി.ജെ. റെജി എന്നിവര്‍ക്കാണു യാത്രയയപ്പു നല്‍കിയത്.
ഫോറം പ്രസിഡന്റ് പി.ശ്യാംകുമാര്‍ അധ്യക്ഷനായിരുന്നു. അസിസ്റ്റന്റ് രജിസ്ട്രാര്‍ പി.കെ. അജിതകുമാരി, ഫോറം സെക്രട്ടറി കെ. വിപിന്‍, ഖജാന്‍ജി സി. സേതു, വിശാഖ്കുമാര്‍, അനിത, സരിത, മുരളീധരക്കൈമള്‍ എന്നിവര്‍ സംസാരിച്ചു.
