കേരള ബാങ്കിന്റെ കോഴിക്കോട് റീജിയണല്‍ ഓഫീസിന് മിനിസ്റ്റേഴ്‌സ് ട്രോഫി

Deepthi Vipin lal

‘കേരള ബാങ്കിന്റെ ബി ദ നമ്പര്‍ വണ്‍’ പുരസ്‌കാരങ്ങള്‍ സഹകരണ മന്ത്രി വി.എന്‍. വാസവന്‍ പ്രഖ്യാപിച്ചു. കേരള ബാങ്ക് രൂപീകരണത്തിന്റെ രണ്ടാം വാര്‍ഷികത്തോടനുബന്ധിച്ചു ഭരണ സമിതി അംഗങ്ങളേയും ജീവനക്കാരെയും പങ്കെടുപ്പിച്ചു സംസ്ഥാനതലത്തില്‍ സംഘടിപ്പിച്ച ‘ബി ദ നമ്പര്‍ വണ്‍’ ക്യാംപെയിനിന്റെ ഭാഗമായാണു പുരസ്‌കാരങ്ങള്‍ നല്‍കുന്നത്. ജൂലൈ 22ന് വൈകിട്ട് 3.30ന് വെള്ളാര്‍ ക്രാഫ്റ്റ് വില്ലേജിലാണ് പുരസ്‌കാരദാന ചടങ്ങ്.

മികച്ച റീജിയണല്‍ ഓഫീസായി കോഴിക്കോട് തെരഞ്ഞെടുക്കപ്പെട്ടു. മികച്ച ക്രെഡിറ്റ് പ്രോസസിങ് സെന്ററും കോഴിക്കോടാണ്. മിനിസ്റ്റേഴ്‌സ് ട്രോഫിയും ഫലകവും മൂന്നു ലക്ഷം രൂപയുമാണ് പുരസ്‌കാരം. സംസ്ഥാനത്തെ മികച്ച ശാഖയ്ക്കുള്ള പുരസ്‌കാരം കോഴിക്കോട് ജില്ലയിലെ കൊയിലാണ്ടിയും വയനാട് ജില്ലയിലെ കേണച്ചിറയും പങ്കുവച്ചു. തൃശ്ശൂര്‍, കണ്ണൂര്‍ റീജിയണല്‍ ഓഫീസുകള്‍ മികച്ച രണ്ടാമത്തെ റീജിയണല്‍ ഓഫീസിനുള്ള പുരസ്‌കാരങ്ങള്‍ നേടി. കണ്ണൂര്‍ ക്രെഡിറ്റ് പ്രൊസസിങ് സെന്ററാണ് മികച്ച രണ്ടാമത്തെ ക്രെഡിറ്റ് പ്രൊസസിങ് സെന്റര്‍. ക്യാംപെയിന്‍ കാലയളവില്‍ മൂന്നു മാസം എസ്.എം.എ സ്ലിപ്പേജ് ഒഴിവാക്കിയ ക്രെഡിറ്റ് പ്രോസസിങ് സെന്ററിനുള്ള പുരസ്‌കാരം തൃശ്ശൂര്‍ സി.പി.സിയും എന്‍.പി.എ ശതമാനം ഏറ്റവും കുറഞ്ഞ സി.പി.സിക്കുള്ള പുരസ്‌കാരം ആലപ്പുഴ സി.പി.സിയും നേടി.

എന്‍.പി.എയില്‍ ഏറ്റവും കൂടുതല്‍ തുക പിരിച്ചെടുത്ത സി.പി.സി കണ്ണൂര്‍, സൊസൈറ്റി എന്‍.പി.എയില്‍ ഏറ്റവും കൂടുതല്‍ തുക പിരിച്ചെടുത്ത സി.പി.സി, തിരുവനന്തപുരം, തുടര്‍ച്ചയായി മൂന്നു വര്‍ഷം എന്‍.പി.എ പൂജ്യത്തില്‍ എത്തിച്ച ശാഖ കോഴിക്കോട് വാണിമേല്‍, തുടര്‍ച്ചയായി രണ്ടു വര്‍ഷം എന്‍.പി.എ പൂജ്യത്തില്‍ എത്തിച്ച ശാഖ കോഴിക്കോട് കുറ്റിക്കാട്ടൂര്‍, നാദാപുരം ടൗണ്‍, 2021-22 സാമ്പത്തിക വര്‍ഷം എന്‍.പി.എ പൂജ്യത്തില്‍ എത്തിച്ച ശാഖ എറണാകുളം ഇലഞ്ഞി, പത്തനംതിട്ട നിരണം വെസ്റ്റ് എന്നിവയാണ് സംസ്ഥാനതലത്തിലെ മറ്റു പുരസ്‌കാരങ്ങള്‍.

ജില്ലാതലത്തിലെ മികച്ച ശാഖകള്‍ക്ക് ട്രോഫിയും 50,000 രൂപയുടെ ക്യാഷ് പ്രൈസും ലഭിക്കും. തിരുവനന്തപുരം കല്ലിയൂര്‍, കൊല്ലം പട്ടാഴി നോര്‍ത്ത്, പത്തനംതിട്ട പന്തളം, ആലപ്പുഴ കായംകുളം, കോട്ടയം വൈക്കം എം. ആന്‍ഡ് ഇ, ഇടുക്കി നെടുങ്കണ്ടം മെയിന്‍, എറണാകുളം മൂവാറ്റുപുഴ ടൗണ്‍, തൃശ്ശൂര്‍ ഇരിങ്ങാലക്കുട, പാലക്കാട് നെന്‍മാറ, കോഴിക്കോട് ഉള്ളിയേരി, വയനാട് വിടുവഞ്ചാല്‍, കണ്ണൂര്‍ മയ്യില്‍, കാസര്‍കോഡ് മുള്ളേരിയ എന്നിവയാണ് പുരസ്‌കാരങ്ങള്‍ നേടിയ ശാഖകള്‍.

പ്രാഥമിക കാര്‍ഷിക വായ്പാ സഹകരണ സംഘങ്ങളുടേയും അര്‍ബന്‍ ബാങ്കുകളുടേയും 2020-21ലെ പ്രവര്‍ത്തന മികവിന്റെ അടിസ്ഥാനത്തില്‍ കേരളത്തിലെ 1506 പ്രാഥമിക കാര്‍ഷിക വായ്പാ സഹകരണ സംഘങ്ങളില്‍നിന്നും 51 അര്‍ബന്‍ ബാങ്കുകളില്‍നിന്നും തെരഞ്ഞെടുത്ത സംഘത്തിനുള്ള എക്‌സലന്‍സ് പുരസ്‌കാരങ്ങളും ചടങ്ങില്‍ പ്രഖ്യാപിച്ചു. പ്രാഥമിക കാര്‍ഷിക വായ്പാ സഹകരണ സംഘങ്ങളുടെ വിഭാഗത്തില്‍ സംസ്ഥാന തലത്തില്‍ കണ്ണൂര്‍ കതിരൂര്‍ സര്‍വീസ് സഹകരണ ബാങ്ക് ഒന്നാം സ്ഥാനവും കോഴിക്കോട് കൊടിയത്തൂര്‍ സര്‍വീസ് സഹകരണ ബാങ്ക് രണ്ടാം സ്ഥാനവും തൃശ്ശൂര്‍ പാപ്പിനിവട്ടം സര്‍വീസ് സഹകരണ ബാങ്ക് മൂന്നാം സ്ഥാനവും നേടി.

സംസ്ഥാനതലത്തില്‍ ഒറ്റപ്പാലം കോ-ഓപ്പറേറ്റീവ് അര്‍ബന്‍ ബാങ്ക് (പാലക്കാട്) ഒന്നാം സ്ഥാനം നേടി. സുല്‍ത്താന്‍ ബത്തേരി സഹകരണ അര്‍ബന്‍ ബാങ്ക് (വയനാട്), ദി കോസ്റ്റല്‍ അര്‍ബന്‍ സഹകരണ ബാങ്ക് (കൊല്ലം) എന്നിവയ്ക്കാണ് രണ്ടും മൂന്നും സ്ഥാനം.

ജില്ലാതലത്തില്‍ കാലിക്കറ്റ് സിറ്റി ബാങ്കിന് ഒന്നാം സ്ഥാനം

ജില്ലാതലത്തില്‍ കോഴിക്കോട് ജില്ലയില്‍ കാലിക്കറ്റ് സിറ്റി സര്‍വീസ് സഹകരണ ബാങ്ക് ഒന്നാം സ്ഥാനം നേടി. ഏറാമല സര്‍വീസ് സഹകരണ ബാങ്ക്, കാരശേരി സര്‍വീസ് സഹകരണ ബാങ്ക് എന്നിവ രണ്ടാം സ്ഥാനവും വടകര സഹകരണ റൂറല്‍ ബാങ്ക് മൂന്നും സ്ഥാനവും നേടി.

പുരസ്‌കാരങ്ങള്‍ നേടിയ മറ്റു ജില്ലയിലെ സഹകരണ സ്ഥാപനങ്ങള്‍

തിരുവനന്തപുരം ജില്ലയില്‍ ബാലരാമപുരം സര്‍വീസ് സഹകരണ ബാങ്ക് ഒന്നാം സ്ഥാനം നേടി. കരകുളം സര്‍വീസ് സഹകരണ ബാങ്ക്, മൈലച്ചല്‍ സര്‍വീസ് സഹകരണ ബാങ്ക് എന്നിവയ്ക്കാണ് രണ്ടും മൂന്നും സ്ഥാനം.

കൊല്ലം ജില്ലയില്‍ കടയ്ക്കല്‍ സര്‍വീസ് സഹകരണ ബാങ്ക് ഒന്നാം സ്ഥാനം നേടി. പുനലൂര്‍ സര്‍വീസ് സഹകരണ ബാങ്ക്,
കുലശേഖരപുരം സര്‍വീസ് സഹകരണ ബാങ്ക് എന്നിവയ്ക്കാണ് രണ്ടും മൂന്നും സ്ഥാനം.

ആലപ്പുഴ ജില്ലയില്‍ ചേര്‍ത്തല തെക്ക് സര്‍വീസ് സഹകരണ ബാങ്ക് ഒന്നാം സ്ഥാനം നേടി. കണ്ടല്ലൂര്‍ സര്‍വീസ് സഹകരണ ബാങ്ക്, പറയകാട് സര്‍വീസ് സഹകരണ ബാങ്ക് എന്നിവയ്ക്കാണ് രണ്ടും മൂന്നും സ്ഥാനം.

പത്തനംതിട്ട ജില്ലയില്‍ മെഴുവേലില്‍ സര്‍വീസ് സഹകരണ ബാങ്ക് ഒന്നാം സ്ഥാനം നേടി. അങ്ങാടി സര്‍വീസ് സഹകരണ ബാങ്ക്, വള്ളിക്കോട് സര്‍വീസ് സഹകരണ ബാങ്ക് എന്നിവയ്ക്കാണ് രണ്ടും മൂന്നും സ്ഥാനം.

കോട്ടയം ജില്ലയില്‍ കടത്തുരുത്തി റീജിയണല്‍ സര്‍വീസ് സഹകരണ ബാങ്ക് ഒന്നാം സ്ഥാനം നേടി. വലവൂര്‍ സര്‍വീസ് സഹകരണ ബാങ്ക്, ഇരങ്ങാട്ടുപിള്ളി സര്‍വീസ് സഹകരണ ബാങ്ക് എന്നിവയ്ക്കാണ് രണ്ടും മൂന്നും സ്ഥാനം.

ഇടുക്കി ജില്ലയില്‍ കട്ടപ്പന സര്‍വീസ് സഹകരണ ബാങ്ക് ഒന്നാം സ്ഥാനം നേടി. അടിമാലി സര്‍വീസ് സഹകരണ ബാങ്ക്, കൂട്ടാര്‍ സര്‍വീസ് സഹകരണ ബാങ്ക് എന്നിവയ്ക്കാണ് രണ്ടും മൂന്നും സ്ഥാനം.

തൃശ്ശൂര്‍ ജില്ലയില്‍ കുറ്റിക്കാട് ഫാര്‍മേഴ്സ് സര്‍വീസ് സഹകരണ ബാങ്ക് ഒന്നാം സ്ഥാനം നേടി. കടവല്ലൂര്‍ സര്‍വീസ് സഹകരണ ബാങ്ക്, പെരിങ്ങണ്ടൂര്‍ സര്‍വീസ് സഹകരണ ബാങ്ക്, പുല്ലൂര്‍ സര്‍വീസ് സഹകരണ ബാങ്ക് എന്നിവയ്ക്കാണ് രണ്ടും മൂന്നും സ്ഥാനം.

എറണാകുളം ജില്ലയില്‍ കവളങ്ങാട് സര്‍വീസ് സഹകരണ ബാങ്ക് ഒന്നാം സ്ഥാനം നേടി. കൊങ്ങോര്‍പ്പിള്ളി ഫാര്‍മേഴ്സ് സര്‍വീസ് സഹകരണ ബാങ്ക്, വാരപ്പെട്ടി സര്‍വീസ് സഹകരണ ബാങ്ക് എന്നിവയ്ക്കാണ് രണ്ടും മൂന്നും സ്ഥാനം.

പാലക്കാട് ജില്ലയില്‍ മണ്ണാര്‍ക്കാട് റൂറല്‍ സര്‍വീസ് സഹകരണ ബാങ്ക് ഒന്നാം സ്ഥാനം നേടി. കണ്ണമ്പ്ര സര്‍വീസ് സഹകരണ ബാങ്ക്,
തിരുമിറ്റകോഡ് സര്‍വീസ് സഹകരണ ബാങ്ക് എന്നിവയ്ക്കാണ് രണ്ടും മൂന്നും സ്ഥാനം.

വയനാട് ജില്ലയില്‍ തരിയോട് സര്‍വീസ് സഹകരണ ബാങ്ക് ഒന്നാം സ്ഥാനം നേടി പൂതാടി സര്‍വീസ് സഹകരണ ബാങ്ക്, മടക്കിമല സര്‍വീസ് സഹകരണ ബാങ്ക് എന്നിവയ്ക്കാണ് രണ്ടും മൂന്നും സ്ഥാനം.

കണ്ണൂര്‍ ജില്ലയില്‍ ചെറുതാഴം സര്‍വീസ് സഹകരണ ബാങ്ക് ഒന്നാം സ്ഥാനം നേടി മാടായി സഹകരണ റൂറല്‍ ബാങ്ക്, കടന്നപ്പള്ളി പാണപ്പുഴ സര്‍വീസ് സഹകരണ ബാങ്ക് എന്നിവയ്ക്കാണ് രണ്ടും മൂന്നും സ്ഥാനം.

കാസര്‍ഗോഡ് ജില്ലയില്‍ പനയാല്‍ സര്‍വീസ് സഹകരണ ബാങ്ക് ഒന്നാം സ്ഥാനം നേടി പനത്തടി സര്‍വീസ് സഹകരണ ബാങ്ക്, നീലേശ്വരം സര്‍വീസ് സഹകരണ ബാങ്ക് എന്നിവയ്ക്കാണ് രണ്ടും മൂന്നും സ്ഥാനം.

Leave a Reply

Your email address will not be published.

Latest News