പാപ്‌കോ അഗ്രി പ്രൊഡ്യൂസര്‍ കമ്പനി വാര്‍ഷികം നടത്തി
കേരളബാങ്കിന്റെ നേതൃത്വത്തില്‍ എറണാകുളം ജില്ലയില്‍ പ്രവര്‍ത്തിക്കുന്ന കാര്‍ഷികഉത്പാദകസംഘമായ (എഫ്.പി.ഒ.) പാപ്‌കോ അഗ്രി പ്രൊഡ്യൂസര്‍ കമ്പനിയുടെ വാര്‍ഷികപൊതുയോഗം കേരളബാങ്ക് റിസോഴ്‌സ് പേഴ്‌സണ്‍ എസ്. കുമാര്‍ ഉദ്ഘാടനം ചെയ്തു. പാപ്‌കോ ചെയര്‍മാന്‍ കെ.വി. ഏലിയാസ്, ഡയറക്ടര്‍മാരായ പി.പി. ബേബി, ജോളി എം.പി, കേരളബാങ്ക് റിസോഴ്‌സ് പേഴ്‌സണ്‍ ഷാജി സക്കറിയ, ഏരിയാ മാനേജര്‍ സിന്ധു ടി.എസ്. എന്നിവര്‍ സംസാരിച്ചു. ചടങ്ങില്‍ കേരളബാങ്ക് ന്യൂസ് ലെറ്ററായ മഴവില്ലിന്റെ എഫ്.പി.ഒ. സ്‌പെഷ്യല്‍ പതിപ്പ് പ്രകാശനം ചെയ്തു.
