ഓണ ഉല്സവബത്ത
സഹകരണ നിക്ഷേപഗ്യാരണ്ടി ഫണ്ട് ബോര്ഡ്, കേരളസഹകരണവികസനക്ഷേമനിധി ബോര്ഡ്, കേരളസംസ്ഥാനസഹകരണ എംപ്ലോയീസ് വെല്ഫയര് ബോര്ഡ് എന്നിവയില് 35000രൂപവരെ ആകെവേതനമുള്ളവര്ക്കു 6000രൂപയും, അതിലേറെ വേതനമുള്ളവര്ക്കു 4500രൂപയും, ദിവസവേതന-കരാര്ജീവനക്കാര്ക്കു 3000രൂപയും ഉല്സവബത്ത അനുവദിക്കാന് സര്ക്കാര് അനുമതിയായി. ഇവയിലെ സ്ഥിരംജീവനക്കാര്ക്ക് ഒരുമാസത്തെ ശമ്പളപരമാവധി 20,000രൂപ അഡ്വാന്സ് അനുവദിക്കാം. ഇതു 10 തുല്യതവണയായി ശമ്പളത്തില്നിന്നു പിടിക്കണം.
ബോണസില്ലാത്തവര്ക്കു പ്രത്യേകബത്ത
സഹകരണവകുപ്പിനു കീഴിലെ സഹകരണസ്ഥാപനങ്ങളില് കമ്മീഷന്വ്യവസ്ഥയില് ജോലി ചെയ്യുന്ന നിക്ഷേപ/വായ്പാകളക്ഷന് ഏജന്റുമാരും സെക്യൂരിറ്റി ജീവനക്കാരും അടക്കം ബോണസിന് അര്ഹതയില്ലാത്ത എല്ലാ താല്കാലികജീവനക്കാര്ക്കും ഓണത്തിന് 5000രൂപ പ്രത്യേക ഉത്സവബത്ത അനുവദിച്ചു.