കോഴിക്കോട് ജില്ലാ സഹകരണ ബാങ്കിന് റെക്കാര്‍ഡ് നേട്ടം – വിദേശ നിക്ഷേപത്തിലും സാങ്കേതിക രംഗത്തും വന്‍ കുതിപ്പ് – അറ്റലാഭം 35.31 കോടി.
കോഴിക്കോട് ജില്ലാ സഹകരണ ബാങ്കിന്റെ 101 വര്‍ഷത്തെ പ്രവര്‍ത്തന ചരിത്രത്തില്‍ റെക്കാര്‍ഡ് നേട്ടം കൈവരിച്ച 2017 – 18 സാമ്പത്തിക വർഷത്തെ മികവിനാണ് സംസ്ഥാന സഹകരണ വകുപ്പിന്റെ ഒന്നാമത്തെ ജില്ലാ സഹകരണ ബാങ്കിനുള്ള അവാർഡ് ലഭിച്ചത്. അവാര്‍ഡ്, 06 .07 .2019 ന് അന്തര്‍ദേശീയ സഹകരണ ദിനത്തോടനുബന്ധിച്ച് എറണാകുളം ടൗൺ ഹാളില്‍ നടന്ന ചടങ്ങില്‍ സഹകരണ വകുപ്പു മന്ത്രി കടകംപള്ളി സൂരേന്ദ്രനില്‍ നിന്നും കോഴിക്കോട് ജില്ലാ സഹകരണ ബാങ്ക് അഡ്മിനിസ്‌ട്രേറ്റര്‍ വി.കെ രാധാകൃഷ്ണന്‍, ജനറല്‍ മാനേജര്‍ കെ.പി.അജയകുമാര്‍, റിക്കവറി സെല്‍ സീനിയര്‍ മാനേജര്‍ കെ.ശശികുമാര്‍, പബ്ലിക് റിലേഷന്‍സ് സീനിയര്‍ മാനേജര്‍ സുനില്‍.കെ. ഫൈസല്‍. പി.എ ടു അഡ്മിനിസ്‌ട്രേറ്റര്‍ ധര്‍മ്മജന്‍ എം.വി, ജനറല്‍ സെക്ഷന്‍ മാനേജര്‍ പി.പ്രേമാനന്ദന്‍ എന്നിവര്‍ ചേർന്ന് സ്വീകരിച്ചു .
2016 – 17 ലെ ഒന്നാം സ്ഥാനവും കോഴിക്കോട് ജില്ലാ സഹകരണ ബാങ്കിനായിരുന്നു. 31 .03 .2018 ലെ അറ്റലാഭം 35.31 കോടിയാണ് . സാങ്കേതിക രംഗത്ത് മുറ്റേമുണ്ടാകുകയും എന്‍ ആര്‍ ഇ , എന്‍ ആര്‍ ഓ നിക്ഷേപത്തില്‍ 430.6 % വളര്‍ച്ചാ നിരക്ക് രേഖപ്പെടുത്തുകയും ചെയ്ത കാലയളവാണിത്. 7607 കോടിയുടെ ബിസിനസ് നടത്തി. മൊത്തം നിക്ഷേപം 4083 കോടിയും വായ്പാ ബാക്കി നില്‍പ്പ് 3524 കോടിയുമാണ് .
നോട്ടു നിരോധനത്തെ തുടർന്ന് 2017 – 18 സാമ്പത്തിക വർഷം സഹകരണ മേഖല അഭിമുഖീകരിച്ച ഒട്ടേറെ പ്രതികൂല സാഹചര്യങ്ങളിലും 291 കോടിയുടെ വര്‍ദ്ധനവ് മുന്‍ വര്‍ഷത്തേക്കാള്‍ ബിസിനസ്സിലുണ്ടായി. നിഷ്ക്രിയ ആസ്തിയും ഗണ്യമായി കുറഞ്ഞു. ബാങ്കിന്റെ അറ്റ നിഷ്ക്രിയ ആസ്തി 5.53 % മാണ്.
ബാങ്കിന്റെ അംഗീകൃത ഓഹരി മൂലധനം 250 കോടി രൂപയും അടച്ചു തീര്‍ത്ത ഓഹരി മൂലധനം 112.04 കോടി രൂപയുമാണ്. ഇതില്‍ മുന്‍വര്‍ഷത്തെ അപേക്ഷിച്ച് 29 ലക്ഷത്തിന്റെ വര്‍ദ്ധനവുണ്ടായി.
ബാങ്കിന്റെ മൂലധന അടിത്തറ റിസര്‍വ്വ് ബാങ്ക് നിര്‍ദ്ദേശിച്ച സുരക്ഷിത നിരക്കായ 9 % ല്‍ നിന്നും 11 % മായി വര്‍ദ്ധിച്ചത് ബാങ്കിന്റെ 2017-18 ലെ സുപ്രധാന നേട്ടങ്ങളിലൊന്നാണ്.
ആഡിറ്റ് ക്ലാസിഫിക്കേഷന്‍ പ്രകാരം കെ.ഡി.സി. ബാങ്ക് തുടര്‍ച്ചയായി എ ഗ്രേഡില്‍ പ്രവര്‍ത്തിച്ചു വരുന്നു.
സർഫാസി, എ ആർ സി / ഇ പി നടപടികൾ, 2017 ലെ നവകേരളീയം കുടിശ്ശിക നിവാരണ പദ്ധതി, ഒറ്റതവണ തീർപ്പാക്കൽ പദ്ധതി തുടങ്ങിയ വിവിധ കുടിശ്ശിക നിവാരണ പദ്ധതികളിലൂടെ 2017-18 സാമ്പത്തിക വർഷം 4,26,32,446 രൂപ വിവിധ വായ്പകളിലായി പലിശ ഇളവ് ആനുകൂല്യം ബാങ്ക് അനുവദിച്ചിട്ടുണ്ട്.ഇതിലൂടെ നിഷ്ക്രിയ വായ്പകളിന്മേൽ മാറ്റി വെച്ച കരുതൽ ധനം കുറക്കുക വഴി ബാങ്കിന്റെ ആദായം വർദ്ധിപ്പിക്കുന്നതിന് സഹായകരമായി.
സാങ്കേതികരംഗത്ത് പുതിയതായി ഇ കൊമേഴ്‌സ് , മൊബൈല്‍ബാങ്കിങ് , ഐ. എം. പി .എസ് എന്നിവ നടപ്പിലാക്കി.
ഇടപാടുകാര്‍ക്ക് ഒട്ടേറെ സൗജന്യ സേവനങ്ങള്‍ ബാങ്ക് നല്‍കി വരുന്നു. കെ.ഡി. സി ബാങ്ക് എ. ടി .എം കാര്‍ഡ് ഉപയോഗിച്ച് എല്ലാ ബാങ്കുകളുടെയും എ.ടി.എം സെന്ററുകളില്‍ സൗജന്യമായി യഥേഷ്ടം ഇടപാട് നടത്താം. എത്ര തവണ എ.ടി.എം ഇടപാട് നടത്തിയാലും ചാര്‍ജ്ജ് ഈടാക്കുന്നില്ല. ആര്‍.ടി.ജി.എസ് , എന്‍.ഇ. എഫ് .ടി . സേവനങ്ങള്‍ സൗജന്യമായാണ് നല്‍കി വരുത്. നാഷണല്‍ ക്ലിയറിങ് ഹൌസില്‍ അംഗമായ ബാങ്ക് നല്‍കുന്ന സി.ടി.എസ് ചെക്കുകള്‍ക്ക് ചാര്‍ജ്ജ് ഈടാക്കുന്നില്ല.
കോഴിക്കോട് ജില്ലാ സഹകരണ ബാങ്കിന്റെ നേതൃത്വത്തില്‍ ജില്ലാ സഹകരണ ബാങ്കും 31 പ്രാഥമിക സര്‍വീസ് സഹകരണ ബാങ്കുകളും ഒന്നിച്ച് രൂപീകരിച്ച കൺസോര്‍ഷ്യത്തിലൂടെ കോഴിക്കോട് നഗരത്തിലെ റോഡുകളുടെ വികസനത്തിന് ഫണ്ട് സ്വരൂപിച്ചത്പുതിയ സഹകരണ വികസന മാതൃകയായി ശ്രദ്ധ നേടുകയുണ്ടായി.
കോഴിക്കോട് ജില്ലയില്‍ നഷ്ടത്തില്‍ പ്രവര്‍ത്തിച്ചു വരു ഒട്ടേറെ സഹകരണ സംഘങ്ങളെ , ലാഭത്തിലാക്കുന്നതിനും പ്രവര്‍ത്തനം മെച്ചപ്പെടുത്തുതിനും നബാര്‍ഡ് മാര്‍ഗ്ഗ നിര്‍ദേശങ്ങളോടെ ജില്ലാ ബാങ്കില്‍ പ്രവര്‍ത്തിക്കുന്ന പാക്‌സ് ഡവലപ്‌മെന്റ് സെല്‍ മുഖേന സാധിച്ചിട്ടുണ്ട്.
512 ജീവനക്കാര്‍ ജോലി ചെയ്യുന്ന ബാങ്കിന് നിലവില്‍ 63 ശാഖകളും 28 എ ടി എം സെന്ററുകളുമാണുള്ളത്.
ക്ഷീരനിധി പദ്ധതിയുടെ ഭാഗമായി ക്ഷീര സഹകരണ സംഘങ്ങളില്‍ നൂറോളം മൈക്രോ എ ടി എം സ്ഥാപിക്കുകയ്യും ക്ഷീര സഹകരണ സംഘങ്ങൾ ബാങ്കിന്റെ ബിസിനസ് കറസ്പോണ്ടൻമാരായി പ്രവർത്തിക്കുകയും ചെയ്യുന്ന പദ്ധതിക്ക് തുടക്കം കുറിച്ചത് 2017-18 സാമ്പത്തിക വർഷമാണ്.
സ്റ്റുഡന്റ്‌സ് റുപേ കാർഡ് സഹകരണ മേഖലയിൽ ഇന്ത്യയിൽ ആദ്യമായി നടപ്പിലാക്കിയത് കോഴിക്കോട് ജില്ലാ സഹകരണ ബാങ്കാണ്. ജില്ലയിലെ വിദ്യാര്‍ത്ഥികളെ ബാങ്കിന്റെ ഇടപാടുകാരാക്കുക എന്ന ലക്ഷ്യത്തോടെയുള്ള ക്യാമ്പയിനുകൾ നടന്നു വരുന്നു.
റുപേ ഡെബിറ്റ് കാർഡ് ഉപയോഗിച്ച് പി ഓ എസ് , ഇ കൊമേഴ്‌സ് മുഖേന കാഷ്‌ലെസ്സ് ഇടപാടുകൾ കൂടുതൽ നടത്തിയ ജില്ലാ സഹകരണ ബാങ്കിനുള്ള നാഷണൽ പേയ്മെന്റ് കോർപ്പറേഷൻ ഓഫ് ഇന്ത്യയുടെ ബഹുമതിയും കോഴിക്കോട് ജില്ലാ സഹകരണ ബാങ്കിന് ലഭിച്ചിട്ടുണ്ട്. ബാങ്കിന്റെ റുപേ ഡെബിറ്റ് കാർഡ് ഉപയോഗിച്ചുള്ള കാഷ്‌ലെസ്സ് ഇടപാടുകളെക്കുറിച്ച് ഇടപാടുകാരെ ബോധവൽക്കരിക്കുന്നതിനുള്ള ക്ലാസ്സുകൾ ബാങ്കിന്റെ ഫിനാൻഷ്യൽ ലിറ്ററസി ആൻഡ് ക്രഡിറ്റ് കൗൺസിൽ മുഖേന നടത്തി വരുന്നു.
2018 – 2019 സാമ്പത്തിക വർഷം പ്രളയ ദുരന്തം , മൊറട്ടോറിയം , നിപാ തുടങ്ങിയ പ്രതികൂല സാഹചര്യങ്ങളിലും മികച്ച നേട്ടമാണ് കോഴിക്കോട് ജില്ലാ സഹകരണ ബാങ്കിനുണ്ടായത്. 4304 കോടി ഡെപ്പോസിറ്റും 4015 കോടി വായ്പാ ബാക്കി നിൽപ്പുമായി 31 . 03 .2019 ന് 8319 കോടി രൂപയുടെ ബിസിനസ്സാണ് 2018 – 2019 ൽ ബാങ്ക് നടത്തിയത്.
[mbzshare]
