കേന്ദ്രസഹകരണനയം നടപ്പാക്കല്: യങ് പ്രൊഫഷണലുകളാകാന് അവസരം
ദേശീയസഹകരണനയം നടപ്പാക്കുന്നതിന്റെ ഭാഗമായി കേന്ദ്രസഹകരണമന്ത്രാലയം യങ് പ്രൊഫഷണലുകളെ നിയമിക്കുന്നു. ഒരുവര്ഷത്തേക്കു കരാറടിസ്ഥാനത്തിലാണു നിയമനം. ഇതിനായി അപേക്ഷ ക്ഷണിച്ചിട്ടുണ്ട്. കരാര് ഒരുവര്ഷംകൂടി നീട്ടിക്കിട്ടിയേക്കാം. മെയ് എട്ടിനകം അപേക്ഷിക്കണം. നിര്ദിഷ്ടമാതൃകയിലാണ് അപേക്ഷിക്കേണ്ടത്. നാലു പ്രൊഫഷണലുകളെയാണ് ആവശ്യം. നാലുവിഭാഗങ്ങളിലാണ് ഇവരെ നിയോഗിക്കുക. നയം, സഹകരണത്തില്നിന്ന് അഭിവൃദ്ധിയിലേക്ക്, സഹകരണവികസനം, കേന്ദ്രസഹകരണരജിസ്ട്രാര് ഓഫീസ് എന്നീ വിഭാഗങ്ങളാണിവ. വ്യത്യസ്തങ്ങളായ അക്കാദമിക്-പ്രൊഫഷണല് പശ്ചാത്തലങ്ങളുള്ളവരെയാണു തേടുന്നത്.
ധനശാസ്ത്രത്തിലോ പൊതുനയത്തിലോ ബിരുദാനന്തരബിരുദമുള്ളവരോ എംബിഎക്കാരോ ആയിരിക്കണം അപേക്ഷകര്. പ്രവൃത്തിപരിചയമുള്ളവര്ക്കു മുന്ഗണന. പ്രായപരിധി മുപ്പതുവയസ്സ്. നല്ല വിശകല-പ്രശ്നപരിഹാരമികവുണ്ടായി
ഡല്ഹിയില് കേന്ദ്രസഹകരണമന്ത്രാലയത്തിലും കേന്ദ്രസഹകരണരജിസ്ട്രാര് ഓഫീസിലുമുള്ള കേന്ദ്രസഹകരണമന്ത്രാലയ അഡീഷണല് സെക്രട്ടറിയുടെയും ജോയിന്റ് സെക്രട്ടറിമാരുടെയും മേല്നോട്ടത്തിലായിരിക്കും പ്രവര്ത്തിക്കേണ്ടിവരുക. തിരഞ്ഞെടുക്കപ്പെടുന്നവര്ക്കു സഹകരണരംഗവുമായി ബന്ധപ്പെട്ട വിവിധമേഖലകളെപ്പറ്റിയുള്ള ഇന്ഡക്ഷന് പ്രോഗ്രാം ഉണ്ടാകും. ഇതിലൂടെ സഹകരണമേഖലയെപ്പറ്റി സമഗ്രമായി പഠിക്കാനും സ്വയം വികസിക്കാനും അവസരം ലഭിക്കുമെന്നു മന്ത്രാലയം അറിയിച്ചു. സഹകരണമേഖലയുടെ സമഗ്രവികസനത്തിനുതകുന്ന വിവിധ മേഖലകളിലാവും യങ് പ്രൊഫഷണലുകളെ നിയോഗിക്കുകയെന്നും മന്ത്രാലയം അറിയിച്ചു.
അപേക്ഷകള് ആദ്യം സ്ക്രീനിങ് കമ്മറ്റി വിലയിരുത്തും. അതിനുശേഷം ഓരോഒഴിവിനും മൂന്നുപേരെന്ന തോതില് ചുരുക്കപ്പട്ടിക തയ്യാറാക്കും. ചുരുക്കപ്പട്ടിക കണ്സള്ട്ടന്സി ഇവാലുവേഷന് കമ്മറ്റിയുടെ പരിശോധനക്കു വിധേയമാക്കും. ഈ കമ്മറ്റിയുടെ ശുപാര്ശയനുസരിച്ച് റിസര്വ് ഉദ്യോഗാര്ഥികളടങ്ങുന്ന പട്ടിക തയ്യാറാക്കും. അന്തിമമായി തിരഞ്ഞെടുക്കപ്പെടുന്നവര് രേഖാമൂലമുള്ള സമ്മതപത്രവും കരാറും ഒപ്പിടണം. അഭിമുഖത്തില് പങ്കെടുക്കുന്നവര്ക്ക് യാത്രയ്ക്കും താമസത്തിനുമുള്ള ചെലവുകള് മന്ത്രാലയം നല്കും.
അപേക്ഷ തപാലിലോ ഇ-മെയിലിലോ അയക്കാം. തപാലിലാണെങ്കില് അണ്ടര് സെക്രട്ടറി (എസ്റ്റാബ്ലിഷ്മെന്റ്), മിനിസ്ട്രി ഓഫ് കോഓപ്പറേഷന്, അതല് അക്ഷയ ഊര്ജഭവന്, സിജിഒ കോംപ്ലക്സ്, പ്രഗതി വിഹാര്, ന്യൂഡല്ഹി, ഡല്ഹി 110003 എന്ന വിലാസത്തിലാണ് അയക്കേണ്ടത്. ഇ-മെയിലാണെങ്കില് [email protected] എന്ന ഇ-മെയില് ഐഡിയിലേക്കാണ് അയക്കേണ്ടത്.
അപേക്ഷ തപാലിലോ ഇ-മെയിലിലോ അയക്കാം. തപാലിലാണെങ്കില് അണ്ടര് സെക്രട്ടറി (എസ്റ്റാബ്ലിഷ്മെന്റ്), മിനിസ്ട്രി ഓഫ് കോഓപ്പറേഷന്, അതല് അക്ഷയ ഊര്ജഭവന്, സിജിഒ കോംപ്ലക്സ്, പ്രഗതി വിഹാര്, ന്യൂഡല്ഹി, ഡല്ഹി 110003 എന്ന വിലാസത്തിലാണ് അയക്കേണ്ടത്. ഇ-മെയിലാണെങ്കില് [email protected] എന്ന ഇ-മെയില് ഐഡിയിലേക്കാണ് അയക്കേണ്ടത്.
തങ്ങള്ക്കറിയാവുന്ന രണ്ടുപേരുടെ ശുപാര്ശക്കത്തുകള് ഉദ്യോഗാര്ഥി സമര്പ്പിക്കണം. നിലവില് ഉദ്യോഗാര്ഥി പ്രവര്ത്തിക്കുന്നതോ/പഠിക്കുന്
