പ്രതീക്ഷഉണര്‍ത്തും പുത്തന്‍ കോഴ്‌സുകള്‍
ഡോ. ടി. പി. സേതുമാധവന്‍
( വിദ്യാഭ്യാസ, കരിയര്‍ കണ്‍സള്‍ട്ടന്റും
ലോക ബാങ്ക് കണ്‍സള്‍ട്ടന്റും.
Email : [email protected] )
കോവിഡ് 19 നുശേഷം ഉന്നത വിദ്യാഭ്യാസ, തൊഴില്‍ മേഖലകളില്‍ ഏറെ മാറ്റങ്ങള്‍ക്കു സാധ്യതയുണ്ട്. ആരോഗ്യ, വിദ്യാഭ്യാസ, ഭക്ഷ്യ സംസ്‌കരണ മേഖലകളില്‍ പുത്തന്‍ സാങ്കേതികവിദ്യകള്‍ കൂടുതലായി വിപുലമായി വരും. ഡിജിറ്റല്‍ സാങ്കേതികവിദ്യ എല്ലാ മേഖലകളിലും കൂടുതല്‍ പ്രാവര്‍ത്തികമാക്കിവരികയാണ്. ഭക്ഷ്യ റീട്ടെയില്‍, അക്കൗണ്ടിംഗ്, മാനേജ്‌മെന്റ് മേഖലകളില്‍ ഏറെ തൊഴിലവസരങ്ങള്‍ രൂപപ്പെടും. പുത്തന്‍ തൊഴില്‍ മേഖലയ്ക്കാനുപാതികമായി കോഴ്‌സുകളുടെ സാധ്യതകളിലും മാറ്റം പ്രതീക്ഷിക്കാം. ഭാവിതൊഴിലുകളില്‍ ഇന്നവേഷന്‍, ഓട്ടോമേഷന്‍ എന്നിവയ്ക്കു കൂടുതല്‍ പ്രാധാന്യം ലഭിക്കുമ്പോള്‍ കൃത്രിമ ബുദ്ധി, ഡാറ്റാ സയന്‍സ്, ഡിജിറ്റല്‍ മാര്‍ക്കറ്റിങ്, ബയോ മെഡിക്കല്‍ എന്‍ജിനിയറിങ്, ഡിസൈന്‍, ഫാഷന്‍, നിയമ കോഴ്‌സുകള്‍ക്കു പ്രസക്തിയേറും. കോവിഡിനു ശേഷം ജീവശാസ്ത്ര കോഴ്‌സുകളില്‍ മൈക്രോ ബയോളജി, വൈറോളജി, ഹെല്‍ത്ത് അനലിറ്റിക്‌സ്, വാക്‌സിന്‍ ഡിസൈന്‍ ആന്റ് ഡ്രഗ് ഡെവലപ്‌മെന്റ്, ടോക്‌സിക്കോളജി, എപ്പിഡമോളജി, പബ്ലിക് ഹെല്‍ത്ത് കോഴ്‌സുകള്‍ക്കു സാധ്യത കൂടുതലാണ്. മോളിക്കുലാര്‍ ബയോളജി, മോളിക്കുലാര്‍ ജെനറ്റിക്‌സ്, എംബ്രിയോളജി, ബിഗ് ഡാറ്റ അനലിറ്റിക്‌സ്, ഹെല്‍ത്ത് ഇന്‍ഫര്‍മാറ്റിക്‌സ് എന്നിവയ്ക്കും ഉപരിപഠന, ഗവേഷണ സാധ്യതകളുണ്ട്.
പ്ലസ് ടുവിനു ശേഷം ബിരുദ പ്രോഗ്രാമിനു ചേരാനാഗ്രഹിക്കുന്ന വിദ്യാര്‍ഥികള്‍ അവരുടെ താല്‍പ്പര്യം, അഭിരുചി, മനോഭാവം, ലക്ഷ്യം എന്നിവ വിലയിരുത്തണം. കോഴ്‌സ് പൂര്‍ത്തിയാക്കുമ്പോഴുള്ള അവസരങ്ങള്‍ മുന്‍കൂട്ടി അറിഞ്ഞിരിക്കണം. ആത്മവിശ്വാസത്തോടെ താല്‍പ്പര്യമുള്ള കോഴ്‌സുകള്‍ കണ്ടെത്തണം. ഉപരിപഠന സാധ്യത ഇന്ത്യയ്ക്കകത്തും വിദേശത്തുമുണ്ടെന്ന കാര്യം അറിയാന്‍ ശ്രമിക്കണം.
ഭാവിയില്‍ ഏറെ തൊഴില്‍ സാധ്യതയുള്ള കോഴ്‌സുകളെ ഒന്നു പരിചയപ്പെടാം :
1. ജീവശാസ്ത്ര
കോഴ്‌സുകള്‍
കോവിഡാനന്തരം ജീവശാസ്ത്ര കോഴ്‌സുകള്‍ക്കു ലോകമെങ്ങും ഉപരിപഠന, ഗവേഷണ, തൊഴില്‍ സാധ്യതകളുണ്ട്. ഇവ രോഗ നിര്‍ണയം, വാക്്‌സിന്‍ ഉല്‍പ്പാദനം, രോഗപര്യവേഷണം, ഹെല്‍ത്ത് അനലിറ്റിക്‌സ് എന്നിവയുമായി ബന്ധപ്പെട്ട കോഴ്‌സുകളാണ്. ഇവയില്‍ ചില കോഴ്‌സുകള്‍ ബിരുദതല കോഴ്‌സുകളല്ല. ബിരുദാനന്തര, ഗവേഷണ തലത്തില്‍ നിരവധി കോഴ്‌സുകളുണ്ട്. മൈക്രോ ബയോളജി, വൈറോളജി, ബയോ ടെക്‌നോളജി ആന്റ് ബയോ ഇന്‍ഫര്‍മാറ്റിക്‌സ്, എപ്പിഡമിയോളജി, വാക്‌സിന്‍ ഡിസൈന്‍ ആന്റ് ഡ്രഗ് ഡെവലപ്‌മെന്റ്, ഹെല്‍ത്ത് അനലിറ്റിക്‌സ്, ബയോ മെഡിക്കല്‍ സയന്‍സ്, ഹെല്‍ത്ത് ഇന്‍ഫര്‍മാറ്റിക്‌സ്, ഡാറ്റാ അനലിറ്റിക്‌സ് എന്നിവ പ്രധാനപ്പെട്ട കോഴ്‌സുകളാണ്.
പ്ലസ് ടു ഫിസിക്‌സ്, കെമിസ്ട്രി, ബയോളജി ഗ്രൂപ്പെടുത്തവര്‍ക്ക് ഈ മേഖലയുമായി ബന്ധപ്പെട്ട കോഴ്‌സുകള്‍ പഠിയ്ക്കാന്‍ ബി.എസ്‌സി. മൈക്രോ ബയോളജി, ബി.എസ്‌സി. ഡാറ്റാ സയന്‍സ്, പബ്ലിക് ഹെല്‍ത്ത്, ബയോ ടെക്‌നോളജി, ബയോ ഇന്‍ഫര്‍മാറ്റിക്‌സ്, വൈറോളജി, ബാക്ടീരിയോളജി, ബയോ മെഡിക്കല്‍ സയന്‍സ്, ബയോ മെഡിക്കല്‍ എന്‍ജിനിയറിങ്, ടോക്‌സിക്കോളജി കോഴ്‌സുകള്‍ക്കു ചേരാം. സുവോളജി, ബോട്ടണി, ലൈഫ് സയന്‍സ്, എന്‍വിറോണ്‍മെന്റല്‍ സയന്‍സ്, ഇക്കോളജിക്കല്‍ സ്റ്റഡീസ്, ഇന്റഗ്രേറ്റഡ് എം.എസ്‌സി. പൂര്‍ത്തിയാക്കിയവര്‍ക്കും പ്രൊഫഷണല്‍ കോഴ്‌സുകളായ എം.ബി.ബി.എസ്, ബി.ഡി.എസ്, ബി.വി.എസ്‌സി. ആന്റ് എ.എച്ച്, ബി.എസ്‌സി. അഗ്രിക്കള്‍ച്ചര്‍, നഴ്‌സിംഗ്, ബി.എസ്‌സി., എം.എല്‍.ടി., പൂര്‍ത്തിയാക്കിയവര്‍ക്കും കോവിഡ് സാധ്യതാമേഖലകളില്‍ ഉപരിപഠനവും ഗവേഷണവും തുടരാം.
മോളിക്കുലാര്‍ ബയോളജി, മോളിക്കുലാര്‍ ജനറ്റിക്‌സ്, ആര്‍ട്ടിഫിഷ്യല്‍ ഇന്റലിജന്‍സ് ഇന്‍ ബയോ ടെക്‌നോളജി, ഡ്രഗ് ഡിസ്‌ക്കവറി, ജീന്‍ സീക്വന്‍സിംഗ്, ക്ലിനിക്കല്‍ ഡാറ്റാ മാനേജ്‌മെന്റ്, കാന്‍സര്‍ ബയോളജി, ഇമ്യൂണോ ജീനോമിക്‌സ്, സ്റ്റെം സെല്‍ ടെക്‌നോളജി, ബയോ സ്റ്റാറ്റിസ്റ്റിക്്‌സ്, മെഡിക്കല്‍ കോഡിംഗ്, ഫോറന്‍സിക്് ആന്റ് ഫാര്‍മ ഇന്റലിജന്‍സ്, ഇന്‍ഫര്‍മാറ്റിക്‌സ് ആന്റ് ഡ്രഗ്് ഡിസ്‌കവറി, സ്‌പേസ് ബയോളജി, മൈക്രോബയോം, ന്യൂറോ ബയോളജി, കമ്പ്യൂട്ടര്‍ എയ്ഡഡ് ഡ്രഗ് ഡിസൈന്‍, എന്‍സൈം ബയോട്ടിക്‌സ്, ഫുഡ് സയന്‍സ് ആന്റ് ടെക്‌നോളജി, നാനോ ബയോ ടെക്‌നോളജി, പ്രിസിഷന്‍ മെഡിസിന്‍, മെറ്റാബോളോമിക്‌സ് ആന്റ് സിസ്റ്റംസ് ബയോളജി, ലീഗല്‍ ജെനിറ്റിക്‌സ് തുടങ്ങിയ കോഴ്‌സുകള്‍ക്കു കോവിഡാനന്തരം ഏറെ സാധ്യതകളാണുള്ളത്.
പ്ലസ് ടു ബയോളജി ഗ്രൂപ്പെടുത്ത വിദ്യാര്‍ഥിയ്ക്കു ബയോളജിയധിഷ്ഠിത മേഖലയില്‍ ഉപരിപഠനം നടത്താന്‍ മികച്ച ബിരുദ പ്രോഗ്രാമുകള്‍ തിരഞ്ഞെടുക്കാം. ഐസറുകള്‍, ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് സയന്‍സ്, ഐ.ഐ.ടി.കള്‍, നാഷണല്‍ ഇന്‍സ്റ്റിറ്റ്യൂട്ട് ഓഫ് വൈറോളജി, മണിപ്പാല്‍ ഇന്‍സ്റ്റിറ്റ്യൂട്ട് ഓഫ് വൈറോളജി, ഐ.സി.എം.ആര്‍. ഇന്‍സ്റ്റിറ്റ്യൂട്ട് ഓഫ് എപ്പിഡെമിയോളജി, ചെന്നൈ, പബ്ലിക് ഹെല്‍ത്ത് ഫൗണ്ടേഷന്‍ ഇന്‍ ഇന്ത്യ. ബാംഗ്ലൂര്‍ , നാഷണല്‍ ഇന്‍സ്റ്റിറ്റ്യൂട്ട് ഓഫ് ഹെല്‍ത്ത് ആന്റ് ഫാമിലി വെല്‍ഫെയര്‍, ഡല്‍ഹി, സി.എസ്.ഐ.ആര്‍. ഇന്‍സ്റ്റിറ്റ്യൂട്ട് ഓഫ് ടോക്‌സിക്കോളജി ആന്റ് റിസര്‍ച്ച്, ലഖ്‌നൗ, NIFER, NISER, NIFTEM, TIFR, TISS ഹരിയാന, CFTR മൈസൂര്‍ തുടങ്ങി നിരവധി നാഷണല്‍ ഇന്‍സ്റ്റിറ്റ്യൂട്ടുകളുണ്ട്.
രാജ്യത്തെ എല്ലാ സര്‍വ്വകലാശാലകളിലും അഫിലിയേറ്റഡ് കോളേജുകളിലും ജീവശാസ്ത്ര അനുബന്ധ ബിരുദ പ്രോഗ്രാമുകളുണ്ട്. വിദേശ സര്‍വ്വകലാശാലകളില്‍ പ്ലസ് ടു പരീക്ഷയെഴുതി അണ്ടര്‍ഗ്രാഡുവേറ്റ് ബി.എസ്. കോഴ്‌സിന് അഡ്മിഷന്‍ നേടാം. ജീവശാസ്ത്ര ബിരുദം നേടിയവര്‍ക്കു ഗവേഷണ മേഖലകളില്‍ ഏറെ അവസരങ്ങളുണ്ട്. STEM കോഴ്‌സുകളില്‍ (സയന്‍സ്, ടെക്‌നോളജി, എന്‍ജിനിയറിങ്, മാത്തമാറ്റിക്‌സ് ) 40 ശതമാനം അവസരങ്ങളും ഇവയിലുണ്ട്. പരമ്പരാഗത മേഖലയിലുള്ള ബിരുദാനന്തര കോഴ്‌സുകള്‍ക്കുപരിയായി പുത്തന്‍ തൊഴിലുകളും ന്യൂജനറേഷന്‍ കോഴ്‌സുകളുമുണ്ട്.
ലൈഫ് സയന്‍സ് ബിരുദധാരികള്‍ക്കു പഠിച്ച മേഖലയില്‍ ബിരുദാനന്തര ബിരുദം, ഗവേഷണം എന്നിവ ചെയ്യാം. അക്കാദമിക് ഗവേഷണ മേഖലകളില്‍ തൊഴില്‍ ചെയ്യാന്‍ താല്‍പ്പര്യമുള്ളവര്‍ക്കു വിദേശത്തു നിരവധി അവസരങ്ങളുണ്ട്. എംബ്രിയോളജി, അസിസ്റ്റഡ് റീപ്രൊഡക്ഷന്‍ എന്നിവയില്‍ ബിരുദ/ ഇന്റഗ്രേറ്റഡ് ബിരുദാനന്തര പഠനത്തിനു ചേരാം. ഏറെ തൊഴിലവസരങ്ങളാണ് ഈ മേഖലയിലുള്ളത്. പ്രതിമാസം ഒരു ലക്ഷം രൂപയിലധികം വേതനം എംബ്രിയോളജിസ്റ്റുകള്‍ക്കു രാജ്യത്തു ലഭിച്ചുവരുന്നു. വിദേശത്തും നിരവധി സാധ്യതകളുണ്ട്.
മൈക്രോ ബയോളജി, ബയോ കെമിസ്ട്രി, ഇമ്യൂണോളജി, ജനറ്റിക്‌സ്, സൈക്കോളജി തുടങ്ങിയ കോഴ്‌സുകള്‍ പൂര്‍ത്തിയാക്കിയവര്‍ക്കു ക്ലിനിക്കല്‍ മേഖലകളില്‍ മൈക്രോ ബയോളജിസ്റ്റ്, ബയോ കെമിസ്റ്റ്, ഇമ്യൂണോളജിസ്റ്റ്, സൈറ്റോ ജനറ്റിസിസ്റ്റ്, സൈക്കോളജിസ്റ്റുകളാകാം. രോഗപര്യവേഷണ രംഗത്തു പ്രവര്‍ത്തിയ്ക്കാവുന്ന എപ്പിഡമോളജിസ്റ്റാകാന്‍ എപ്പിഡമോളജിയില്‍ ബിരുദാനന്തര പഠനത്തിനു ചേരാം. ബയോമെഡിക്കല്‍ സയന്‍സ്, ഫുഡ് സയന്‍സ്, ന്യൂട്രീഷന്‍ ആന്റ് ഡയറ്റെറ്റിക്‌സ് എന്നിവ പൂര്‍ത്തിയാക്കുന്നവര്‍ക്കു ഗവേഷണ – അക്കാദമിക്ക് മേഖലകളിലും സ്വകാര്യ മേഖലകളിലും തൊഴിലുകള്‍ ലഭിയ്ക്കും. ബയോ ഇന്‍ഫോര്‍മാറ്റിക്‌സ് രംഗത്തു ഫാര്‍മസി ബിരുദധാരികള്‍ക്ക് അവസരങ്ങളുണ്ട്. ഡിസാസ്റ്റര്‍ മാനേജ്‌മെന്റ്, പബ്ലിക് ഹെല്‍ത്ത്, ബയോസ്റ്റാറ്റിസ്റ്റിക്‌സ്, വെറ്റ്‌ലാന്റ് / റിവര്‍ / ഇക്കോസിസ്റ്റം / കമ്യൂണിറ്റി ഇക്കോളജി, അഗ്രി ബിസിനസ്, ഫുഡ് പ്രോസസിംഗ്, നാനോ ടെക്‌നോളജി മുതലായവ മികച്ച ഉപരിപഠന മേഖലകളാണ്.
അമേരിക്കയില്‍ അണ്ടര്‍ ഗ്രാഡുവേറ്റ് പഠനത്തിനായി SAT / ACT , ജി.ആര്‍.ഇ, ടോഫല്‍ എന്നിവയും മറ്റു വികസിത രാജ്യങ്ങളില്‍ സാറ്റും ഐ.ഇ.എല്‍.ടി.എസ്സും ഉയര്‍ന്ന സ്‌കോറോടെ പൂര്‍ത്തിയാക്കണം. ഗ്രാഡുവേറ്റ് പഠനത്തിനായി ജി.ആര്‍.ഇ, ടോഫല്‍ എന്നിവയും മറ്റു വികസിതരാജ്യങ്ങളില്‍ സാറ്റും ഐ.ഇ.എല്‍.ടി.എസ്സും പൂര്‍ത്തിയാക്കണം. നൂറുകണക്കിനു ഗവേഷണ മേഖലകളില്‍ അവര്‍ക്കു പ്രവര്‍ത്തിക്കാനവസരങ്ങള്‍ ലഭിയ്ക്കും. അമേരിക്കയിലെ US Fish And Wild Life (www.fws.gov) ല്‍ ജീവശാസ്ത്ര ബിരുദധാരികള്‍ക്കു നിരവധി അവസരങ്ങളുണ്ട്. യു.കെ.യിലെ BBSRC ബയോടെക്‌നോളജി ആന്റ് ബയോളജിക്കല്‍ സയന്‍സസ് റിസര്‍ച്ച് കൗണ്‍സിലില്‍ ( www.bbsrc.ukri.org ) US Federal Assistance (www.studentaid.ed.gov/sa/tata), ഇന്‍ലാക്‌സ് ഷിവദാസനി ഫൗണ്ടേഷന്‍ സ്‌കോളര്‍ഷിപ്പ്, Aichi Scholarship for Asian students, DST Astar Singapore – India Research grants, Fulbright scholarships, Campus France Charpak Scholarship, ഓക്‌സ്‌ഫോര്‍ഡ് ആന്റ് കേംബ്രിഡ്ജ് സൊസൈറ്റി ഓഫ് ഇന്ത്യ സ്‌കോളര്‍ഷിപ്പ്്, സര്‍ രത്തന്‍ ടാറ്റ ഫെല്ലോഷിപ്പ്, സ്റ്റാന്‍ഫോര്‍ഡ് റിലയന്‍സ് ധിരുബായ് ഫെല്ലോഷിപ്പ് എന്നിവ ബയോളജി വിദ്യാര്‍ഥികള്‍ക്ക് ആശ്രയിക്കാവുന്ന സാമ്പത്തിക സ്രോതസ്സുകളാണ്.
2. മാനേജ്‌മെന്റ്
കോഴ്‌സുകള്‍
കോവിഡാനന്തരമുള്ള സാമ്പത്തിക മാന്ദ്യത്തിനുശേഷം കരുത്താര്‍ജിക്കുന്ന കോഴ്‌സുകളാണു മാനേജ്‌മെന്റ് പ്രോഗ്രാമുകള്‍. 2008 – 2009 ലെ സാമ്പത്തിക മാന്ദ്യത്തിനുശേഷം ഏറെ സാധ്യതയുണ്ടായിരുന്നതു മാനേജ്‌മെന്റ് കോഴ്‌സുകള്‍ക്കായിരുന്നു. പ്ലസ് ടു പൂര്‍ത്തിയാക്കിയ വിദ്യാര്‍ഥികള്‍ക്കു ബി.ബി.എ., ഇന്റഗ്രേറ്റഡ് മാനേജ്‌മെന്റ് പ്രോഗ്രാമുകള്‍ക്കു ചേരാവുന്നതാണ്. ബി.ബി.എ. ( ബാച്ചിലര്‍ ഓഫ് ബിസിനസ് അഡ്മിനിസ്‌ട്രേഷന്‍ ) യില്‍ നിരവധി മേഖലകളില്‍ തുടര്‍ന്നും സ്‌പെഷലൈസ് ചെയ്യാം. സേവന മേഖലകളിലെ വളര്‍ച്ച കോര്‍പ്പറേറ്റ് തലത്തില്‍ കൂടുതല്‍ തൊഴിലവസരങ്ങള്‍ ലഭിയ്ക്കാനുപകരിക്കും. മാര്‍ക്കറ്റിങ്, ഹ്യൂമണ്‍ റിസോഴ്‌സ്, ഫൈനാന്‍സ് എന്നിവയ്ക്കപ്പുറം നൂറോളം മേഖലകളില്‍ മാനേജ്‌മെന്റ് സ്‌പെഷ്യലൈസേഷനുകളുണ്ട്. ഡുവല്‍ മാനേജ്‌മെന്റ് പ്രോഗ്രാമുകളുണ്ട്. സപ്ലൈ ചെയിന്‍, ലോജിസ്റ്റിക്‌സ്, ഓപ്പറേഷന്‍സ്, അഗ്രി ബിസിനസ്്, റീട്ടെയില്‍, ഇ-കൊമേഴ്‌സ്, എന്റര്‍പ്രണര്‍ഷിപ്പ്, ഐ.ടി, ബിസിനസ്, ടെക്‌നോളജി മുതലായവയില്‍ നിരവധി മാനേജ്‌മെന്റ് പ്രോഗ്രാമുകളുണ്ട്. ബി.ബി.എ. പൂര്‍ത്തിയാക്കിയവര്‍ക്കു മികച്ച ബിസിനസ് സ്‌കൂളുകളില്‍ എം.ബി.എ. പ്രോഗ്രാമിനു രാജ്യത്തിനകത്തും വിദേശത്തും പഠിയ്ക്കാം. ഐ.ഐ.എമ്മുകള്‍ ഇവയില്‍ പ്രധാനപ്പെട്ടവയാണ്. അഡ്മിഷനു കാറ്റ് സ്‌കോര്‍ ആവശ്യമാണ്. വിദേശത്തു പ്രവേശനത്തിന് GMAT സ്‌കോര്‍ ആവശ്യമാണ്. ഇതോടൊപ്പം, ഇംഗ്ലീഷ് പ്രാവീണ്യ ടെസ്റ്റ് സ്‌കോറുകളും ( IELTS / TOEFL ). വേണം. ബി.ബി.എ. ഓഫര്‍ ചെയ്യുന്ന മികച്ച സ്ഥാപനങ്ങള്‍ രാജ്യത്തിനകത്തുണ്ട്.
പ്ലസ്് ടു വിദ്യാര്‍ഥികള്‍ക്ക് അപേക്ഷിക്കാവുന്ന മികച്ച ഉപരിപഠന മേഖലയാണ് ഐ.ഐ.എം. ഇന്‍ഡോറിന്റെ അഞ്ചു വര്‍ഷ ഇന്റഗ്രേറ്റഡ് മാനേജ്‌മെന്റ് പ്രോഗ്രാം. ഈ പ്രോഗ്രാമിന് അസോസിയേഷന്‍ ഓഫ് എം.ബി.എ., അമേരിക്കയിലെ AACSB, യൂറോപ്യന്‍ യൂണിയന്റെ EQUIS എന്നിവയുടെ അക്രഡിറ്റേഷനുകളുണ്ട്. 2001 ആഗസ്റ്റ്് ഒന്നിനു ശേഷം ജനിച്ചവരും പ്ലസ് ടു പൂര്‍ത്തിയാക്കിയവരുമായവര്‍ക്കും 2021-ല്‍ പരീക്ഷയെഴുതുന്നവര്‍ക്കും അപേക്ഷിക്കാം. പ്ലസ് ടു പാസായവര്‍ പത്താം ക്ലാസില്‍ 60 ശതമാനം മാര്‍ക്ക് നേടിയിരിക്കണം. കൂടുതല്‍ വിവരങ്ങള്‍ക്ക് www.iimidr.ac.in സന്ദര്‍ശിക്കുക.
3. ബിസിനസ്
കോഴ്‌സുകള്‍
ബിസിനസ്, അനുബന്ധ കോഴ്‌സുകള്‍ക്കു എല്ലായിടത്തും സാധ്യതയേറി വരുന്നുണ്ട്. ബിസിനസ് അധിഷ്ഠിത കോഴ്‌സുകളെ രണ്ടായി തിരിക്കാം. ടെക്‌നോളജി അധിഷ്ഠിതവും അല്ലാത്തവയും. ഇവയില്‍ ടെക്‌നോളജി അധിഷ്ഠിത കോഴ്‌സുകളാണു ബിസിനസ് അനലിറ്റിക്‌സ്, ഇ-കൊമേഴ്‌സ്, ഇ-റീട്ടെയില്‍, ഡിജിറ്റല്‍ മാര്‍ക്കിങ് മുതലായവ. ഇതുമായി ബന്ധപ്പെട്ട് ബിസിനസ് ഇക്കണോമിക്‌സ്, ഡെവലപ്‌മെന്റല്‍ സയന്‍സ്, എന്റര്‍പ്രണര്‍ഷിപ്പ്, ഇന്റര്‍നാഷണല്‍ ബിസിനസ് കോഴ്‌സുകളുമുണ്ട്. ഇവയ്ക്കു ഭാവിയില്‍ ഏറെ അവസരങ്ങളാണു വരാനിരിക്കുന്നത്. ബി.എ., ബി.കോം., ബി.ബി.എ. ബിരുദ പ്രോഗ്രാമുകളും തുടര്‍ന്നു ബിരുദാനന്തര പ്രോഗ്രാമുകളുമുണ്ട്.
4. അക്കൗണ്ടിങ്
കോഴ്‌സ്
കോവിഡാനന്തരം അക്കൗണ്ടിങ് കോഴ്‌സുകള്‍ക്കു പ്രിയമേറും. ഇവയില്‍ പ്ലസ് ടു വിദ്യാര്‍ഥികള്‍ക്കു തിരഞ്ഞെടുക്കാവുന്ന നിരവധി കോഴ്‌സുകളുണ്ട്. ബി.കോം. കോഴ്‌സിനു ഏറെ സാധ്യതകളിന്നുണ്ട്. പ്ലസ് ടു കഴിഞ്ഞവര്‍ക്കു ചാര്‍ട്ടേഡ് അക്കൗണ്ടന്റ് പ്രോഗ്രാമുകളിലേയ്ക്കുള്ള CPT എഴുതാം. ACCA, CMA, CIMA പ്രോഗ്രാമുകള്‍ക്കും എന്റോള്‍ ചെയ്യാം. ബി.കോം. പൂര്‍ത്തിയാക്കിയവര്‍ക്കും ഈ പ്രോഗ്രാമുകള്‍ക്കു ചേരാം. ആക്ച്വറിയല്‍ സയന്‍സ്, ഫിനാന്‍ഷ്യല്‍ അനലിസ്റ്റ് പ്രോഗ്രാമുകള്‍ പൂര്‍ത്തിയാക്കിയവര്‍ക്കു രാജ്യത്തിനകത്തും വിദേശത്തും സാമ്പത്തിക മേഖലയില്‍ അവസരങ്ങളേറെയുണ്ട്.
5.നിയമ
കോഴ്‌സുകള്‍
ഇന്റഗ്രേറ്റഡ് നിയമ കോഴ്‌സുകളായ BA LLB, BBA LLB, BSc. LLB, B.Com. LLB പ്രോഗ്രാമുകള്‍ക്കു സാധ്യതയേറിവരുന്നു. പരമ്പരാഗത നിയമ മേഖലകള്‍ക്കപ്പുറം കോര്‍പ്പറേറ്റ് ലോ, ബിസിനസ് ലോ, ഫുഡ് ലോ, കണ്‍സ്യൂമര്‍ ലോ, മെഡിക്കല്‍ ലോ, ഫാമിലി ലോ, പാറ്റന്റ് ലോ, ഇന്റലക്ച്വല്‍ പ്രോപ്പര്‍ട്ടി ലോ തുടങ്ങിയ മേഖലകളില്‍ ഏറെ സാധ്യതകളിന്നുണ്ട്. രാജ്യത്തെ 17 ദേശീയ നിയമ സര്‍വ്വകലാശാലകളിലും സംസ്ഥാനത്തെ ലോ കോളേജുകളിലും ഇന്റഗ്രേറ്റഡ് നിയമ പ്രോഗ്രാമുകളുണ്ട്. ദേശീയ നിയമ അഭിരുചി പരീക്ഷയായ CLAT ലൂടെ ദേശീയ നിയമ സര്‍വ്വകലാശാലകളില്‍ അഡ്മിഷന്‍ നേടാം. കോഴ്‌സ് പൂര്‍ത്തിയാക്കിയവര്‍ക്കു വിവിധ മേഖലകളില്‍ സ്‌പെഷ്യലൈസേഷനുള്ള അവസരങ്ങളുണ്ട്.
6. ഓട്ടോമൊബൈല്‍
ഡിസൈന്‍
ഡിസൈന്‍ രംഗത്തു സാധ്യതയുള്ള കോഴ്‌സാണ് ഓട്ടോമൊബൈല്‍ ഡിസൈന്‍. പെട്രോള്‍, ഡീസല്‍ കാറുകള്‍ക്കു പകരം ഇലക്ട്രിക്, സോളാര്‍, ഹൈബ്രിഡ് കാറുകളാണു റോഡുകളില്‍ വ്യാപകമാകുന്നത്. ഇത് ഓട്ടോമൊബൈല്‍ ഡിസൈന്‍, എന്‍ജിനിയറിങ് എന്നിവയുടെ സാധ്യത വര്‍ധിപ്പിക്കും. 2030 ഓടെ ഇന്ത്യ അടക്കമുള്ള രാജ്യങ്ങള്‍ പെട്രോള്‍, ഡീസല്‍ വാഹനങ്ങളില്‍ നിന്നും പുത്തന്‍ ടെക്‌നോളജിയിലേക്കു മാറാനുള്ള തയാറെടുപ്പിലാണ്. ഓട്ടോമൊബൈല്‍ ഡിസൈനില്‍ നാലു വര്‍ഷ ബി.ഡെസ് പ്രോഗ്രാമുണ്ട്. ബി.ടെക് ഓട്ടോമൊബൈല്‍ എന്‍ജിനിയറിങ്ങിനും സാധ്യതയുണ്ട്. ഓട്ടോമൊബൈല്‍ ഡിസൈന്‍ കോഴ്‌സ് പൂര്‍ത്തിയാക്കിയവര്‍ക്ക് ഇന്ത്യയ്ക്കകത്തും ജര്‍മനി, ഫ്രാന്‍സ്, കാനഡ അടക്കമുള്ള വിദേശ രാജ്യങ്ങളിലും തൊഴിലവസരങ്ങളുണ്ട്. പ്രതിമാസം നാലു ലക്ഷം രൂപയിലധികം ശമ്പളം പ്രതീക്ഷിക്കാം. ഓട്ടോമൊബൈല്‍ ഡിസൈന്‍ പ്രോഗ്രാമുകള്‍ നടത്തുന്ന നിരവധി സ്ഥാപനങ്ങള്‍ ഇന്ത്യയിലുണ്ട്. ബിഇ/ബി.ടെക്/എം.ഇ/എം.ടെക്/എം.എസ്/CAD,CAM പ്രോഗ്രാമുകളുണ്ട്. എന്‍ജിനിയറിങ് ബിരുദധാരികള്‍ക്കുള്ള ബിരുദാനന്തര ഡിപ്ലോമ പ്രോഗ്രാമുകളുണ്ട്.
ഇന്‍സ്റ്റിറ്റ്യൂട്ട് ഓഫ് ഇന്‍ഡസ്ട്രിയല്‍ ഡിസൈനിന്റെ കീഴില്‍ ചെന്നൈ, ബാംഗ്ലൂര്‍, പുണെ, ന്യൂഡല്‍ഹി, ഹൈദരാബാദ് എന്നിവിടങ്ങളില്‍ ഓട്ടോമോബൈല്‍ ഡിസൈന്‍ കോഴ്‌സുകളുണ്ട്. കൂടുതല്‍ വിവരങ്ങള്‍ക്ക് www.iidsign.co.in സന്ദര്‍ശിക്കുക. അഹമ്മദാബാദിലെയും ബാംഗ്ലൂരിലെയും നാഷണല്‍ ഇന്‍സ്റ്റിറ്റ്യൂട്ട് ഓഫ് ഡിസൈനില്‍ നാലു വര്‍ഷ ബി.ഡെസ്, ബിരുദാനന്തര എം.ഡെസ് പ്രോഗ്രാമുകളുണ്ട്. പ്രവേശന പരീക്ഷയിലൂടെയാണ് അഡ്മിഷന്‍. രാജ്യത്തെ തിരഞ്ഞടുത്ത ഐ.ഐ.ടി. കളില്‍ ബി.ഡെസ്, എം. ഡെസ് പ്രോഗ്രാമൂകളുണ്ട്. UCEED പ്രവേശന പരീക്ഷ വഴിയാണ് അഡ്മിഷന്‍.
വിദേശ രാജ്യങ്ങളില്‍ ഡിഗ്രി പൂര്‍ത്തിയാക്കിയവര്‍ക്കുള്ള ഡിസൈന്‍ കോഴ്‌സുകളുണ്ട്. സ്വകാര്യ മേഖലയിലും ഏറെ കോഴ്‌സുകളുണ്ട്. ഡ്രാഫ്റ്റിങ് ആന്റ് ഡിസൈന്‍ എന്‍ജിനിയറിങ്്, ഇലക്ട്രിക്കല്‍ എന്‍ജിനിയറിങ്് ആന്റ് ഇലക്‌ട്രോണിക്‌സ്, എന്‍വിറോണ്‍മെന്റല്‍ എന്‍ജിനിയറിങ്, ഇന്‍ഡസ്ട്രിയല്‍ എന്‍ജിനിയറിങ് , മാനുഫാക്ചറിംഗ് എന്‍ജിനിയറിങ്, മെക്കാനിക്കല്‍, എയ്‌റോനോട്ടിക്കല്‍, എയ്‌റോ സ്‌പേസ്, മെക്കാനിക്‌സ് എന്നിവയോടൊപ്പം ട്രാന്‍സ്‌പോര്‍ട്ട് ഡിസൈന്‍ സ്‌പെഷലൈസേഷനുകളുമുണ്ട്.
എയര്‍്ക്രാഫ്റ്റ് ഡിസൈന്‍, ഷിപ്പ് ബില്‍ഡിങ് ആന്റ് നേവല്‍ ആര്‍ക്കിടെക്ചര്‍, ബി.ടെക് പ്രോഗ്രാമുകള്‍ കൊച്ചി ശാസ്ത്ര സാങ്കേതിക സര്‍വ്വകലാശാലയിലുണ്ട് ( www.cusat.ac.in ). ഐ.ഐ.ടി. മുംബൈ, ഗുവാഹത്തി, ഡല്‍ഹി, കാണ്‍പൂര്‍ എന്നിവിടങ്ങളില്‍ ഡിസൈനിങ് പ്രോഗ്രാമുകളുണ്ട്. മുംബൈ, അഹമ്മദാബാദ് എന്നിവിടങ്ങളില്‍ ഓട്ടോമോബൈല്‍, ട്രാന്‍സ്‌പോര്‍ട്ട് ഡിസൈന്‍ കോഴ്‌സുകളുണ്ട്. പൂനെയിലെ സ്‌കൂള്‍ ഓഫ് ഡിസൈന്‍ DSK, സ്‌കൂള്‍ ഓഫ് ഡിസൈന്‍ MIT എന്നിവിടങ്ങളിലും ഡിസൈനിങ്് കോഴ്‌സുകളുണ്ട്. www.idc.iitb.ac.in, www.nid.edu, www.dsksic.com, www.mitpune.com.
പുണെയിലെ DYPDC സെന്റര്‍ ഫോര്‍ ഓട്ടോമോട്ടീവ് റിസര്‍ച്ച് ആന്റ് സ്റ്റഡീസില്‍ ഓട്ടോമൊബൈല്‍ സ്റ്റൈലിങ്ങില്‍ മൂന്നു വര്‍ഷത്തെ ഡിപ്ലോമയും രണ്ടു വര്‍ഷത്തെ ബിരുദാനന്തര ഡിപ്ലോമയുമുണ്ട് ( www.dypdc.com. ). കോഴ്‌സ് പൂര്‍ത്തിയാക്കിയവര്‍ക്കു പ്രൊഡക്ട് ഡെവലപ്‌മെന്റ്, മാനുഫാക്ചറിങ് എന്‍ജിനിയറിങ് തസ്തികകളില്‍ പ്രവര്‍ത്തിക്കാം.
വിദേശ ഡിസൈന്‍
കോഴ്‌സുകള്‍
ചൈനയിലെ ബീജിംഗ് സര്‍വ്വകലശാല, നെതര്‍ലാന്‍ഡ്‌സിലെ ഹാന്‍ യൂണിവേഴ്‌സിറ്റി, ലിത്വാനയിലെ കൗനാസ് യൂണിവേഴ്‌സിറ്റി ഓഫ് ടെക്‌നോളജി, ജര്‍മനിയിലെ ഇ.ബി.എസ്. ബിസിനസ് സ്‌കൂള്‍, ഫിന്‍ലാന്‍ഡ് ആള്‍ട്ടോ യൂണിവേഴ്‌സിറ്റി, ഹംഗറിയിലെ SI യൂണിവേഴ്‌സിറ്റി, ഇംഗ്ലണ്ടിലെ ബ്രൂണെ ഇന്റര്‍നാഷണല്‍ യൂണിവേഴ്‌സിറ്റി, മിഡില്‍ സെക്‌സ്, സെന്‍ട്രല്‍ ലന്‍കാഷെയര്‍, കാനഡയിലെ യൂണിവേഴ്‌സിറ്റി ഓഫ് ബ്രിട്ടീഷ് കൊളംബിയ എന്നിവിടങ്ങളില്‍ ഓട്ടോമോബൈല്‍ ഡിസൈനിങ്ങില്‍ ബിരുദ, ബിരുദാനന്തര പ്രോഗ്രാമുകളുണ്ട്. Academy of Art Univsersity, Art Center College of Design ,
Carleton University – School of Industrial Design, Carnegie Mellon University – College of Fine Arts, CCA – California College of the Arts, CCS – College for Creative Studies, Cleveland Institute of Art (CIA),
Cranbrook Academy of Art, www.uwtsd.ac.uk
7.ആക്ച്വറിയല്‍
സയന്‍സ്
ലോകത്ത് ഏറെ ഡിമാന്റുള്ള തൊഴിലാണ് ആക്ച്വറി. ബാങ്കുകളുടെയും ധനകാര്യ സ്ഥാപനങ്ങളുടെയും സാമ്പത്തിക വിശകലനം ആക്ച്വറിയല്‍ സയന്‍സില്‍പ്പെടുന്നു. കണക്ക്, അനലിറ്റിക്‌സ്, ഡാറ്റാ സയന്‍സ്, സ്റ്റാറ്റിസ്റ്റിക്‌സ് എന്നിവയില്‍ തല്‍പര്യമുള്ളവര്‍ക്കു മികച്ച കോഴ്‌സാണിത്. ബാങ്ക്, ഇന്‍ഷ്വറന്‍സ്, സാമ്പത്തിക മേഖലകളില്‍ മികച്ച തൊഴിലിന് ആക്ച്വറിയല്‍ സയന്‍സ് ഉപകരിക്കും. ആക്ച്വറികള്‍ സേവനത്തിനും ഉല്‍പ്പന്നത്തിനും എത്ര വില നിശ്ചയിക്കണം എന്നതില്‍ പ്രധാന പങ്ക് വഹിക്കുന്നു. അതതു കാലയളവില്‍ വേണ്ട സാമ്പത്തിക വിശകലനം ആക്ച്വറികള്‍ നടത്തിവരുന്നു. പുതിയ സാങ്കേതിക വിദ്യ, തൊഴില്‍ പ്രവണത എന്നിവയ്ക്കിണങ്ങിയ സാമ്പത്തിക ഉപദേശക സംവിധാനം ആക്ച്വറിയ്ക്കുണ്ട്. ആഗോള സമ്പദ് വ്യവസ്ഥയില്‍ കോര്‍പ്പറേറ്റുകള്‍ക്കും സ്വകാര്യ സ്ഥാപനങ്ങള്‍ക്കും ഒഴിവാക്കാനാവാത്ത തസ്തികയാണിത്. എന്നാല്‍, ഇന്ത്യയില്‍ ആക്ച്വറിയല്‍ കോഴ്‌സ് നടത്തുന്ന സ്ഥാപനങ്ങളുടെ എണ്ണം കുറവാണ്. ഡാറ്റാ സ്‌കില്‍ ഉപയോഗിച്ചുള്ള റിസ്‌ക് വിശകലനം, ബിസിനസ് പ്രോത്സാഹിപ്പിക്കാനുള്ള നിര്‍ദേശങ്ങള്‍ എന്നിവ ആക്ച്വറി വിദഗ്ധര്‍ക്കു നല്‍കാന്‍ സാധിക്കും.
ആക്ച്വറിയല്‍ അപ്രന്റിസ്ഷിപ്പ് പ്രോഗ്രാം രണ്ട് രീതിയിലുണ്ട്. ആക്ച്വറിയില്‍ ടെക്‌നീഷ്യന്‍ അപ്രന്റിസ് പ്രോഗ്രാമും അപ്രന്റിസ്ഷിപ്പും. അപ്രന്റിസ്ഷിപ്പ് കസ്റ്റമൈസ്ഡ് പ്രോഗ്രാമാണ്. ഇന്‍ഡസ്ട്രിയ്ക്കനുസരിച്ച പ്രോഗ്രാമാണിത്. രണ്ടു മുതല്‍ മൂന്നു വര്‍ഷം വരെയുള്ള പഠനം പൂര്‍ത്തിയാക്കേണ്ടതുണ്ട്. തുടര്‍ന്ന് സര്‍ട്ടിഫൈഡ് ആക്ച്വറിയല്‍ അനലിസ്റ്റാകാം. IFOA യും അമേരിക്ക കേന്ദ്രീകരിച്ച് പ്രവര്‍ത്തിക്കുന്ന സൊസൈറ്റി ഓഫ് ആക്ച്വറീസും ചേര്‍ന്നുള്ള സര്‍ട്ടിഫിക്കേഷന്‍ പ്രോഗ്രാമാണിത്. ഇതിനായി CAA ഗ്ലോബല്‍ പ്രോഗ്രാമുണ്ട്. ആഗോളതലത്തില്‍ ഏതു രാജ്യത്തും കോഴ്‌സ് പൂര്‍ത്തിയാക്കിയവര്‍ക്കു പ്രവര്‍ത്തിക്കാന്‍ സാധിക്കും. IFOA യില്‍ പഠിയ്ക്കുന്ന വിദ്യാര്‍ഥികള്‍ 21 – 43 വയസ്സിനിടയില്‍ പ്രായമുള്ളവരാണ്. ഇവരില്‍ 61 ശതമാനവും യു.കെ. ക്കു പുറത്താണു തൊഴില്‍ ചെയ്യുന്നത്.
IFOA ക്കു ബീജിംഗ്, എഡിന്‍ബറോ, ഹോങ്കോംഗ്, ലണ്ടന്‍, ഓക്‌സ്‌ഫോര്‍ഡ്, സിംഗപ്പൂര്‍ എന്നിവിടങ്ങളില്‍ ശാഖകളുണ്ട്. ഇന്ത്യയില്‍ നിന്നുള്ള വിദ്യാര്‍ഥികള്‍ക്കു കോഴ്‌സിനു ചേരാന്‍ ഇംഗ്ലീഷ് പ്രാവീണ്യ പരീക്ഷയായ BEC, TOEFL, IELTS എന്നിവയിലേതെങ്കിലുമൊന്ന് ആവശ്യമാണ്. കോഴ്‌സ് പൂര്‍ത്തിയാക്കിയവര്‍ക്കു തൊഴിലിന് അപേക്ഷിക്കാവുന്ന നിരവധി ഓണ്‍ലൈന്‍ പോര്‍ട്ടലുകളുണ്ട്. പ്ലസ് ടു പൂര്‍ത്തിയാക്കിയവര്‍ക്കും സര്‍ട്ടിഫൈഡ് പ്രോഗ്രാമിന് അപേക്ഷിക്കാം.
കണക്കിനോടും സ്റ്റാറ്റിസ്റ്റിക്‌സിനോടും താല്‍പര്യമുള്ളവര്‍ക്കു വിശകലന നൈപുണ്യമുണ്ടെങ്കില്‍ ആക്ച്വറിയല്‍ കോഴ്‌സിന് അപേക്ഷിക്കാം. ആക്ച്വറിയല്‍ സയന്‍സിനു മാത്തമാറ്റിക്‌സ്, ഇക്കണോമിക്‌സ്, കെമിസ്ട്രി, ഫിസിക്‌സ്, എന്‍ജിനിയറിങ് ബിരുദധരികള്‍ക്ക് അപേക്ഷിക്കാം. ബിരുദം പൂര്‍ത്തിയാക്കിയവര്‍ക്കും പ്ലസ്് ടു മികച്ച മാര്‍ക്കോടെ പൂര്‍ത്തിയാക്കിയവര്‍ക്കുമുള്ള കസ്റ്റമൈസ്ഡ് പ്രോഗ്രാമുകളുണ്ട്. ഫിനാന്‍ഷ്യല്‍ മാത്തമാറ്റിക്‌സ്, ഫിനാന്‍സ് ആന്റ് ഫിനാന്‍ഷ്യല്‍ റിപ്പോര്‍ട്ടിങ്, പ്രോബബിലിറ്റി ആന്റ് മാത്തമാറ്റിക്കല്‍ സ്റ്റാറ്റിസ്റ്റിക്‌സ്, ബിസിനസ് എവെയര്‍നസ്, മോഡല്‍ ഡോക്യുമെന്റേഷന്‍, അനാലിസിസ് ആന്റ് റിപ്പോര്‍ട്ടിങ് തുടങ്ങിയവ പ്രധാനപ്പെട്ട പഠനവിഷയങ്ങളാണ്. ആക്ച്വറിക്കു പ്രതിമാസം മൂന്നു ലക്ഷം രൂപയിലധികം ശമ്പളം ലഭിയ്ക്കും. നിരവധി സര്‍വ്വകലാശാലകള്‍ ഇന്ത്യയ്ക്കകത്തും വിദേശത്തും ആക്ച്വറിയല്‍ സയന്‍സ് മേഖലയിലുണ്ട്. കൂടുതല്‍ വിവരങ്ങള്‍ക്ക് www.actuaries.org.uk , www.aonearlycareers.co.uk , www.aprlip.com , www.xafinity.com , www.actuariesindia.org സന്ദര്‍ശിക്കുക.
ഇന്ത്യയിലെ ആക്ച്വറിയല്‍ കോളേജുകളുടെ പട്ടിക : 1. Aligarh Muslim University, Aligarh 2. University of Mumbai, Mumbai 3. AMITY School of Insurance and Actuarial Science, Noida(ASIAS) 4. University of Madras, Chennai 5. Annamalai University,Tamil Nadu 6. University of Kalyani, West Bengal 7. Andhra University, Visakhapatnam 8. University of Delhi, Delhi 9. Berhampur University,Orissa 10. RNIS College of Insurance, New Delhi 11. Birla Institute of Management Technology, New Delhi 12. Narsee Monjee Institute of Management Studies, Mumbai 13. Bishop Herber College, Tiruchirappalli 14. Manipur University ,Canchipur, Imphal 15. CMD School of Insurance and Actuarial Sciences, Uttarpradesh 16. Kurukshetra University,Kurukshetra 17. DS Actuarial Education Services (DS ActEd), Mumbai 18. Jaipuria Institute of Management, Lucknow 19. Dr. Ram Manohar Lohia Avadh University, Faizabad, U.P. 20. Institute for Integrated Learning in Management (IILM), Noida 21. Gurunanak Dev University, Amritsar 22. Goa University, Goa
8.എന്‍ജിനിയറിങ്
കോഴ്‌സുകള്‍
തൊഴില്‍ നൈപുണ്യം കൈവരിച്ചവര്‍ക്കു മാത്രമെ എന്‍ജിനിയറിങ്ങില്‍ മികച്ച തൊഴില്‍ ലഭിക്കൂ. എന്‍ജിനിയറിങ് പഠനത്തോടൊപ്പം ആശയ വിനിമയം, ഇംഗ്ലീഷ് പ്രാവീണ്യം എന്നിവയും സാങ്കേതിക സ്‌കില്ലുകളും സ്വായത്തമാക്കാന്‍ ശ്രമിക്കണം. കമ്പ്യൂട്ടര്‍ സയന്‍സ് എന്‍ജിനിയറിങ്, ഇലക്‌ട്രോണിക്‌സ് ആന്റ് കമ്യൂണിക്കേഷന്‍, മെക്കാനിക്കല്‍, ബയോമെഡിക്കല്‍, ഫുഡ് എന്‍ജിനിയറിങ്, ഫുഡ് ടെക്‌നോളജി എന്നിവയ്ക്ക് സാധ്യതയേറും. 5G ഇലട്രോണിക്‌സ് ആന്റ് കമ്യൂണിക്കേഷനും ഓട്ടമേഷന്‍ മെക്കാനിക്കല്‍ എന്‍ജിനിയറിങ്ങിനും ഗുണകരമാകും. ഇന്റഗ്രേറ്റഡ് എന്‍ജിനിയറിങ് ബ്രാഞ്ചുകളോടൊപ്പം സ്‌പെഷലൈസ്ഡ് എന്‍ജിനിയറിങ് ശാഖകള്‍ക്കു പ്രിയമേറും. കമ്പ്യൂട്ടര്‍ സയന്‍സ്, എന്‍ജിനിയറിങ് പൂര്‍ത്തിയാക്കിയവര്‍ക്ക് ആര്‍ട്ടിഫിഷ്യല്‍ ഇന്റലിജന്‍സ്, ഐ.ഒ.ടി, ഡാറ്റാ എന്‍ജിനിയറിങ്്, ഡാറ്റാ അനലിറ്റിക്‌സ്, ബ്ലോക്ക് ചെയിന്‍ ടെക്‌നോളജി എന്നിവയില്‍ തൊഴില്‍ സാധ്യതയേറും. സിവില്‍ എന്‍ജിനിയറിങ് പൂര്‍ത്തിയാക്കിയവര്‍ക്കു 2022 മുതല്‍ കരുത്താര്‍ജിക്കുന്ന നിര്‍മാണ, ഭൗതിക സൗകര്യ വികസന മേഖലകളില്‍ പ്രവര്‍ത്തിയ്ക്കാം. രാജ്യത്തിനകത്തും വിദേശത്തുമുള്ള സര്‍വ്വകലാശാലകളില്‍ ബിരുദാനന്തര പഠനത്തിനും ഗവേഷണത്തിനും അവസരങ്ങളുണ്ട്.
ആര്‍ട്ടിഫിഷ്യല്‍
ഇന്റലിജന്‍സ്
ഭാവിയില്‍ ഏറെ തൊഴിലവസരങ്ങള്‍ക്കു വഴിയൊരുക്കുന്ന മേഖലയാണ് എ.ഐ. എന്ന ചുരുക്കപ്പേരിലറിയപ്പെടുന്ന ആര്‍ട്ടിഫിഷ്യല്‍ ഇന്റലിജന്‍സ.് നിരവധി തൊഴില്‍ മേഖലകളില്‍ മാറ്റം വരുത്താന്‍ എ.ഐ. ക്കാകും. ഭാവിതൊഴിലില്‍ വരുന്ന മൂന്നു പതിറ്റാണ്ടോളം എ.ഐ. ക്കു സാധ്യതയുണ്ടാകും. എ.ഐ. ക്കു സേവന മേഖലയിലാണു കൂടുതല്‍ തൊഴിലവസരങ്ങള്‍ വരാനിരിക്കുന്നത്. ഹെല്‍ത്ത്, ടൂറിസം, വിദ്യാഭ്യാസം തുടങ്ങി നിരവധി മേഖലകളില്‍ എ.ഐ. ഫലപ്രദമായി പ്രാവര്‍ത്തികമാക്കാം.
ഗൂഗിള്‍ ആര്‍ട്ടിഫിഷ്യല്‍ ഇന്റലിജന്‍സില്‍ വന്‍കിട പദ്ധതികളാണു നടപ്പാക്കുന്നത്. ആമസോണ്‍, മൈക്രോസോഫ്റ്റ് എന്നിവയുടെ പ്രൊജക്ടുകളില്‍ നിന്നു വിഭിന്നമായി ക്ലൗഡ് സേവനങ്ങളിലുള്‍പ്പെടുത്തി എ.ഐ, സെക്യൂരിറ്റി സാങ്കേതിക വിദ്യകളാണു പ്രാവര്‍ത്തികമാക്കുന്നത്. 3D ഗെയിം ആന്റ് ഡിസൈന്‍ ഡെവലപ്‌മെന്റ് പ്ലാറ്റ്‌ഫോം, പബ്ലിക് ക്ലൗഡ് സേവനങ്ങള്‍ എന്നിവയില്‍ വന്‍ വളര്‍ച്ചയാണു പ്രതീക്ഷിക്കുന്നത്. ക്ലൗഡ് ഇന്‍ഫ്രാസ്ട്രക്ചര്‍ രംഗത്തു ഡാറ്റാ സെന്ററുകള്‍, ഫൈബര്‍ ഓപ്റ്റിക് സബ്മറൈന്‍ കേബിള്‍സ്, ഹൈപ്പര്‍ ഫാസ്റ്റ് മെഷീന്‍ ടു മെഷീന്‍ ഇന്റര്‍ കണക്ട്‌സ് എന്നിവ വിപുലമായിവരുന്നു. സാമ്പത്തിക സേവന മേഖലയില്‍ സിസ്‌കോയുമായി ചേര്‍ന്നു ഹൈബ്രിഡ് ക്ലൗഡും പ്രവര്‍ത്തനക്ഷമമാകും. ഹെല്‍ത്ത് കെയര്‍ മെഷീന്‍ ലേണിംഗ്, നാഷണല്‍ ഇന്‍സ്റ്റിറ്റ്യൂട്ട് ഓഫ് ഹെല്‍ത്തുമായി ചേര്‍ന്നാണാരംഭിക്കുന്നത്.
കോണ്‍ഫെഡറേഷന്‍ ഓഫ് ഇന്ത്യന്‍ ഇന്‍ഡസ്ട്രീസിന്റെ കണക്കനുസരിച്ച് ഇന്ത്യയില്‍ മെഡിക്കല്‍ ടൂറിസം രംഗത്ത് 2022 ഓടെ 900 കോടി ഡോളറിന്റെ വളര്‍ച്ച കൈവരിക്കും. ഗുണമേന്മയും ചെലവു കുറഞ്ഞ സേവനങ്ങളുമാണു വിദേശീയരെ ഇന്ത്യയിലേക്കാകര്‍ഷിച്ചിരുന്നത്. റോബോട്ടുകള്‍ സേവന മേഖലയില്‍ കൂടുതല്‍ സ്ഥാനം കൈവരിക്കുമെന്നു പഠനങ്ങള്‍ വ്യക്തമാക്കുന്നു. 2025 ഓടെ അമേരിക്കന്‍ വിപണിയില്‍ റോബോട്ടുകള്‍ 400 കോടി ഡോളറിന്റെ വളര്‍ച്ച കൈവരിക്കുമെന്നാണു പ്രവചനം. ആമസോണ്‍ ഈ രംഗത്ത് ആന്‍ഡ്രോയിഡുകളിലുള്ള ടെക്‌നോളജി പ്രാവര്‍ത്തികമാക്കാനാണു ശ്രമിക്കുന്നത്. നിരവധി കമ്പനികള്‍ ആഭ്യന്തര ഉപയോഗത്തിനു റോബോട്ടുകളെ ഉപയോഗിക്കുന്നുണ്ട്. ആല്‍ഫബെറ്റ്, ഹുവായ്, സോണി, എല്‍ജി തുടങ്ങി നിരവധി കമ്പനികളാണ് ഈ രംഗത്തുള്ളത്. ഹുവായുടെ ഹോം റോബോട്ട് കുട്ടികളെ ഇംഗ്ലീഷും ചൈനീസും പഠിപ്പിയ്ക്കാന്‍ സഹായിക്കും. സാന്‍ഫ്രാന്‍സിസ്‌കോവിലും ബോസ്റ്റണിലും കമ്പനി പ്രവര്‍ത്തിച്ചു വരുന്നു. സിലിക്കണ്‍ വാലിയിലെ ഉഡാസിറ്റി എന്ന എഡ്യുക്കേഷന്‍ ആന്റ് ലേണിംഗ് പ്ലാറ്റ്‌ഫോം നിരവധി ഇ-കൊമേഴ്‌സ് കമ്പനികളുമായി ചേര്‍ന്നു മെഷീന്‍ ലേണിംഗ്, ഡീപ്പ് ലേണിംഗ്, എ.ഐ. കോഴ്‌സുകള്‍ നടത്തിവരുന്നു. ബിരുദ തലത്തിലും ബിരുദാനന്തര തലത്തിലും എ.ഐ. കോഴ്‌സുകളുണ്ട്. കമ്പ്യൂട്ടര്‍ പ്രാവീണ്യമുള്ളവര്‍ക്കു മാത്രമെ എ.ഐ. ക്കു ചേരാന്‍ സാധിക്കൂ. പ്ലസ് ടു ഫിസിക്‌സ്, കെമിസ്ട്രി, മാത്തമാറ്റിക്‌സ്, കമ്പ്യൂട്ടര്‍ സയന്‍സ് പൂര്‍ത്തിയാക്കിയവര്‍ക്കു ബി.ടെക്, ബി.സി.എ, ബി.എസ്‌സി കമ്പ്യൂട്ടര്‍ സയന്‍സിനോടൊപ്പം എ.ഐ. സ്‌പെഷലൈസേഷന്‍ കോഴ്‌സുകളുണ്ട്. ബിരുദാനന്തര തലത്തില്‍ എം.എസ്., എം.ടെക് പ്രോഗ്രാമുകളുണ്ട്. എ.ഐ. വിദഗ്ധര്‍ക്കു പ്രതിമാസം മൂന്നു ലക്ഷം രൂപ വരെ ശമ്പളം പ്രതീക്ഷിക്കാം.
ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് സയന്‍സ് ബാംഗ്ലൂര്‍, ഐ.ഐ.ടി, മുംബൈ, ഖരഗ്പൂര്‍, ഹൈദരാബാദ്, മദ്രാസ് എന്നിവിടങ്ങളില്‍ ആര്‍ട്ടിഫിഷ്യല്‍ ഇന്റലിജന്‍സില്‍ ബിരുദാനന്തര പ്രോഗ്രാമുകളുണ്ട്. ബിടെക്, ബി.ഇ, ബി.എസ്‌സി, എം.സി.എ, കമ്പ്യൂട്ടര്‍ സയന്‍സ്, ഐ.ടി. എന്നിവ പൂര്‍ത്തിയാക്കിയവര്‍ക്കു ബിരുദാനന്തര ബിരുദ പ്രോഗ്രാമുകള്‍ക്കു ചേരാം. അമേരിക്ക, യു.കെ, കാനഡ, സിംഗപ്പൂര്‍ എന്നിവിടങ്ങളില്‍ മെഷിന്‍ ലേണിംഗില്‍ ബിരുദാനന്തര പ്രോഗ്രാമുകളുണ്ട്. അമേരിക്കയിലെ യൂണിവേഴ്‌സിറ്റി ഓഫ് സതേണ്‍ കാലിഫോര്‍ണിയ, ജോര്‍ജിയ ഇന്‍സ്റ്റിറ്റ്യൂട്ട് ഓഫ് ടെക്‌നോളജി, ന്യൂജേഴ്‌സി ഇന്‍സ്റ്റിറ്റ്യൂട്ട് ഓഫ് ടെക്‌നോളജി, കാലിഫോര്‍ണിയ ഇന്‍സ്റ്റിറ്റ്യൂട്ട് ഓഫ് ടെക്‌നോളജി, കാര്‍ണിജെ മിലന്‍ യൂണിവേഴ്‌സിറ്റി, ടെക്‌സാസ് യൂണിവേഴ്‌സിറ്റി എന്നിവിടങ്ങളില്‍ എ.ഐ. യില്‍ ഗ്രാഡുവേറ്റ് പ്രോഗ്രാമുകളുണ്ട്. യു.കെ.യിലെ ഗ്ലാസ്‌ഗോ, നാഷണല്‍ യൂണിവേഴ്‌സിറ്റി ഓഫ് സിംഗപ്പൂര്‍, കാനഡയിലെ യൂണിവേഴ്‌സിറ്റി ഓഫ് ബ്രിട്ടീഷ് കൊളംബിയ, സിഡ്‌നി യൂണിവേഴ്‌സിറ്റി എന്നിവിടങ്ങളില്‍ ഗ്രാഡുവേറ്റ് ഡോക്ടറല്‍ പ്രോഗ്രാമുകളുണ്ട്. അമേരിക്കയില്‍ ഗ്രാഡുവേറ്റ് പഠനത്തിനു ജി.ആര്‍.ഇ. ജനറല്‍ ടെസ്റ്റും ടോഫലും മികച്ച സ്‌കോറോടെ പൂര്‍ത്തിയാക്കണം. മറ്റു രാജ്യങ്ങളില്‍ IELTS 9 ല്‍ 7 ബാന്‍ഡോടെ പൂര്‍ത്തിയാക്കണം.
ഡാറ്റാ സയന്‍സ്
ആന്റ് അനലിറ്റിക്‌സ്
ഡാറ്റാ സയന്‍സ്, ഡാറ്റാ മാനേജ്‌മെന്റ്, ഡാറ്റാ അനലിറ്റിക്‌സ് മേഖലകളിലാണു തൊഴിലവസരങ്ങള്‍ വരാനിരിക്കുന്നത്. ഡാറ്റാ സയന്‍സ് ബിരുദ പ്രോഗ്രാമുകളില്‍ കണക്ക്, സ്റ്റാറ്റിസ്റ്റിക്‌സ്, കമ്പ്യൂട്ടര്‍ സയന്‍സ് എന്നിവ ഉള്‍പ്പെടുന്നു. കോഴ്‌സ് പൂര്‍ത്തിയാക്കിയവര്‍ക്കു ഡാറ്റാ മാനേജ്‌മെന്റില്‍ ബിരുദാനന്തര കോഴ്‌സിനു ശേഷം ഡാറ്റാ സയന്റിസ്റ്റ്, ഡാറ്റാ സ്‌പെഷ്യലിസ്റ്റ്, അനലിറ്റിക്‌സ് സ്‌പെഷലിസ്റ്റ് തുടങ്ങി വിവിധ മേഖലകളില്‍ പ്രവര്‍ത്തിക്കാം. നേരിട്ട് ഡാറ്റാ സയന്‍സിനു പ്രവേശനം ലഭിച്ചില്ലെങ്കില്‍ കണക്ക്, സ്റ്റാറ്റിസ്റ്റിക്‌സ്, കമ്പ്യൂട്ടര്‍ സയന്‍സ് ഉള്‍പ്പെട്ട ബിരുദ കോഴ്‌സുകളെടുത്തു ബിരുദാനന്തരതലത്തില്‍ ഡാറ്റാ മാനേജ്‌മെന്റ്, ഡാറ്റാ സയന്‍സ് കോഴ്‌സുകളെടുക്കാം.
മാസ്റ്റര്‍ ഓഫ് കമ്പ്യൂട്ടര്‍ സയന്‍സ് ഇന്‍ ഡാറ്റാ സയന്‍സ് പ്രോഗ്രാം അമേരിക്കയിലെ ഇല്ലിനോയിസ് സര്‍വ്വകലാശാലയിലുണ്ട്. ഡ്യൂക്ക്, ജോണ്‍ ഹോപ്കിന്‍സ്, മിഷിഗണ്‍, കാലിഫോര്‍ണിയ സര്‍വ്വകലാശാലകളില്‍ മികച്ച ഡാറ്റാ സയന്‍സ് പ്രോഗ്രാമുകളുണ്ട്. മെഷീന്‍ ലേണിംഗ്, ബിഗ് ഡാറ്റ, ഡീപ് ലേണിംഗ് എന്നിവയിലും മികച്ച കോഴ്‌സുകള്‍ അമേരിക്കന്‍, കനേഡിയന്‍ സര്‍വ്വകലാശാലകളിലുണ്ട്. Edx, Coursera പ്ലാറ്റ്‌ഫോമില്‍ നിരവധി കോഴ്‌സുകളുണ്ട്. മണിപ്പാല്‍ അക്കാദമി ഓഫ് ഹയര്‍ എഡ്യുക്കേഷന്‍, ഇന്ത്യന്‍ സ്റ്റാറ്റിസ്റ്റിക്കല്‍ ഇന്‍സ്റ്റിറ്റ്യൂട്ട് എന്നിവയിലും മികച്ച പ്രോഗ്രാമുകളുണ്ട്. ബിരുദധാരികള്‍ക്കും ജോലിയെടുക്കുന്നവര്‍ക്കും ചെയ്യാവുന്ന കോഴ്‌സുകളാണിവ. കൂടുതല്‍ വിവരങ്ങള്‍ക്ക് www.coursera.org, www.edx.org, www.manipal.edu, www.datajobs.com, www.datascience.com സന്ദര്‍ശിക്കുക.
അനലിറ്റിക്‌സിന്റെ
കാലം
ഐ.ടി. അധിഷ്ഠിത മേഖലയില്‍ അനലിറ്റിക്‌സിന്റെ കാലമാണിത്. ഹെല്‍ത്ത്, ബിസിനസ്, ഗൂഗിള്‍, അഗ്രി അനലിറ്റിക്‌സ് എന്നിവ കരുത്താര്‍ജിച്ചു വരുന്നു. അനലിറ്റിക്‌സില്‍ ബിരുദ പ്രോഗ്രാമുകളില്‍ കമ്പ്യൂട്ടര്‍ സയന്‍സും സ്റ്റാറ്റിസ്റ്റിക്‌സുമുണ്ട്. തീരുമാനങ്ങളെടുക്കാന്‍ സഹായിക്കുന്ന മേഖലയാണിത്. അഡ്വാന്‍സ്ഡ് അനലിറ്റിക്‌സ്, ബിഗ് ഡാറ്റാ ആപ്ലിക്കേഷന്‍ ഡെവലപ്‌മെന്റല്‍ പ്രൊജക്ട്, പ്രോഗ്രാം മാനേജ്‌മെന്റ്, ഐ.ടി, ആര്‍ക്കിടെക്ചര്‍, ഇന്‍ഷൂറന്‍സ് ആന്റ് ഫിനാന്‍ഷ്യല്‍ സര്‍വീസസ്, ഐ.ടി എന്നിവയില്‍ അനലിറ്റിക്‌സിനു പ്രാധാന്യമേറുകയാണ്. അനലിറ്റിക്‌സ് ബിരുദ പ്രോഗ്രാമുകള്‍ പൂര്‍ത്തിയാക്കിയവര്‍ക്കു ഡാറ്റാ ആന്റ് അനലിറ്റിക്‌സ് ഓഫീസര്‍, ഡിജിറ്റല്‍ അനലിറ്റിക്‌സ് സ്‌പെഷലിസ്റ്റ്, ഹെല്‍ത്ത് അനലിസ്റ്റ് തുടങ്ങി വിവിധ തസ്തികകളില്‍ രാജ്യത്തിനകത്തും വിദേശത്തും പ്രവര്‍ത്തിക്കാം. അമേരിക്കയിലാണ് അനലിറ്റിക്‌സിനു സാധ്യതയേറെയുള്ളത്. H1B വിസയില്‍ അമേരിക്കയില്‍ തൊഴില്‍ ചെയ്യാം. അമേരിക്കയില്‍ അനലിറ്റിക്‌സില്‍ ബിരുദാനന്തര പഠനം പൂര്‍ത്തിയാക്കി മികച്ച തൊഴില്‍ മേഖലയിലെത്താം.
കോവിഡാനന്തരം ഹെല്‍ത്ത് അനലിറ്റിക്‌സ് രംഗത്തും വന്‍ വളര്‍ച്ച പ്രകടമാണ്. 60 ശതമാനം മരണങ്ങള്‍ക്കും ലൈഫ് സ്റ്റൈല്‍ രോഗങ്ങളാണിടവരുത്തുന്നത്. സ്മാര്‍ട്ട് ഹെല്‍ത്ത് സേവനങ്ങള്‍ വീടുകളില്‍ ലഭ്യമാണ്. University of Warwick, UK , University of Pennsylvania, USA , IE University- www.ie.edu/universtiy ,
IIM, Bangalore , IIM, Ahmedabad , IIT, Kharagpur , Indian Statistical Institute, Kolkata , www.analyticsindiamag.com.
സൈബര്‍
സെക്യൂരിറ്റി
വിവര സാങ്കേതികകരംഗത്ത് ഇന്റര്‍നെറ്റിന്റെ ഉപയോഗവും ഡാറ്റാ സയന്‍സും വിപുലപ്പെടുമ്പോള്‍ സുരക്ഷാ ഭീഷണിയും വര്‍ധിച്ചു വരികയാണ്. ഇവ നേരിടാന്‍ പ്രോഗ്രാമിനെക്കാള്‍ കരുത്താര്‍ജിച്ച സുരക്ഷാ മേഖലകളാവശ്യമാണ്. ഈ രംഗത്തു സൈബര്‍ സെക്യൂരിറ്റി കോഴ്‌സുകള്‍ക്കു സാധ്യതയേറുന്നു. ബി.എസ്‌സി. ബി.ടെക്, ബി.സി.എ, സൈബര്‍ സെക്യൂരിറ്റി, സൈബര്‍ ഫോറന്‍സിക് കോഴ്‌സുകളുണ്ട്. ഐ.ടി. വികസനത്തിനാനുപാതികമായി സൈബര്‍ സെക്യൂരിറ്റി മികച്ച തൊഴില്‍ മേഖലയാകുന്നു. ഇതോടൊപ്പം ക്ലൗഡ് സേവനങ്ങള്‍ക്കും പ്രസക്തിയേറുകയാണ്. ബിരുദ തലത്തില്‍ സൈബര്‍ സെക്യൂരിറ്റി, ക്ലൗഡ് സര്‍വീസസ് കോഴ്‌സുകള്‍ക്കു സാധ്യത വര്‍ധിക്കുന്നു. ഇവയില്‍ ബിരുദാനന്തര കോഴ്‌സുകളേറെയുണ്ട്. H1B യില്‍ അമേരിക്കയിലും 45 ശതമാനം വിസയില്‍ ആസ്‌ട്രേലിയയിലും തൊഴില്‍ ലഭിയ്ക്കും. പ്രതിമാസം മൂന്നു ലക്ഷം രൂപയിലധികം ശമ്പളം ലഭിക്കും. നിരവധി സൈബര്‍ സെക്യൂരിറ്റി കമ്പനികള്‍ വിദേശത്തും ഇന്ത്യയിലുമുണ്ട്. www.iisecurity.in , www.nielit.gov.in , www.cdac.in , www.ncdrc.res.in , Amity University, Noida , Amrita Universtiy , ISTAR, Anand , www.upes.ac.in.
ബ്ലോക്ക് ചെയിന്‍
ടെക്‌നോളജി
ബിറ്റ്‌കോയിന്‍ / ക്രിപ്‌റ്റോ കറന്‍സിക്കു പിന്നിലെ സാങ്കേതിക രഹസ്യം ബ്ലോക്ക് ചെയിന്‍ ടെക്‌നോളജിയാണ്. ക്രിപ്‌റ്റോ കറന്‍സി നിയമവിരുദ്ധമാണെങ്കിലും ബ്ലോക്ക് ചെയിന്‍ ടെക്‌നോളജി സാമ്പത്തിക മേഖലയില്‍ ഭാവിയില്‍ കരുത്താര്‍ജിക്കും. ബാങ്കുകളില്‍ പണമിടപാടിലുള്ള സുരക്ഷിതത്വം ഉറപ്പു വരുത്തുന്നതിലൂടെ കുറഞ്ഞ ചെലവില്‍ മണി ട്രാന്‍സ്ഫറിംഗിന് ഇതു വഴിയൊരുക്കും. അമേരിക്ക, യു.കെ, ജപ്പാന്‍, കാനഡ തുടങ്ങിയ രാജ്യങ്ങളില്‍ ബ്ലോക്ക് ചെയിന്‍ ടെക്‌നോളജിയില്‍ പതിനായിരക്കണക്കിന് ഒഴിവുകളുണ്ട്. പ്രതിമാസ ശമ്പളം നാലു ലക്ഷം രൂപയിലധികം വരും. കമ്പ്യൂട്ടര്‍ സയന്‍സ് പഠിച്ചവര്‍ക്കു ബ്ലോക്ക് ചെയിന്‍ കോഴ്‌സുകള്‍ പഠിയ്ക്കാം. ബ്ലോക്ക് ചെയിനില്‍ ബിരുദ സര്‍ട്ടിഫിക്കറ്റ് കോഴ്‌സുകളുണ്ട്. Edx, Coursera പ്ലാറ്റ്‌ഫോമില്‍ നിരവധി കോഴ്‌സുകളുണ്ട്. ബ്ലോക്ക് ചെയിന്‍ പ്രോഗ്രാമിംഗ്, ഡവലപ്‌മെന്റ് എന്നിവ സാധ്യതയുള്ള കോഴ്‌സുകളാണ്. സാമ്പത്തിക മേഖലയുമായി ബന്ധപ്പെട്ട് ഫിന്‍ടെക് കമ്പനികള്‍ കൂടുതലായി വരുന്നതും സ്റ്റാര്‍ട്ടപ്പുകള്‍ രൂപപ്പെടുന്നതും ബ്ലോക്ക് ചെയിന്‍ ടെക്‌നോളജി കോഴ്‌സ് പൂര്‍ത്തിയാക്കിയവര്‍ക്കു കൂടുതല്‍ തൊഴിലവസരങ്ങള്‍ സൃഷ്ടിക്കാന്‍ സഹായിക്കും. യൂണിവേഴ്‌സിറ്റി ഓഫ് നിക്കോസിയ, സൈപ്രസ്, അമേരിക്കയിലെ പ്രിന്‍സ്ടണ്‍, സ്റ്റാന്‍ഫോര്‍ഡ്, കാലിഫോര്‍ണിയ സര്‍വ്വകലാശാലകള്‍ ബ്ലോക്ക് ചെയിന്‍ സാങ്കേതിക വിദ്യയില്‍ കോഴ്‌സുകള്‍ നടത്തിവരുന്നു. പ്ലസ് ടു പൂര്‍ത്തിയാക്കിയവര്‍ക്കു SAT, TOEFL പരീക്ഷകളെഴുതി അണ്ടര്‍ ഗ്രാഡുവേറ്റ് പ്രോഗ്രാമിനു പഠിയ്ക്കാം. ഇന്ത്യയിലും നിരവധി സ്ഥാപനങ്ങള്‍ കോഴ്‌സുകള്‍ നടത്തി വരുന്നുണ്ട്. www.openaccessgovernment.org , www.tun.com , www.blockchain.open.ac.uk , www.ed.ac.uk , www.blockchainresearchinstitute.org , www.blockchaincanada.org.
9.കുലിനറി
ആര്‍ട്‌സ്
രാജ്യത്തിനകത്തും വിദേശത്തും ഏറെ സാധ്യതയുള്ള കോഴ്‌സുകളുണ്ട്. പാചകം, ഭക്ഷ്യ വിഭവങ്ങള്‍ ഉണ്ടാക്കല്‍, ടേബിള്‍ മാനേഴ്‌സ് തുടങ്ങി കാറ്ററിംഗുമായി ബന്ധപ്പെട്ട കാര്യങ്ങളെല്ലാം കുലിനറി ആര്‍ട്‌സില്‍പ്പെടുന്നു. പാചക മേഖലയിലുള്ള ഷെഫ്, കുക്ക് എന്നിവരാകാനും കുലിനറി ആര്‍ട്‌സ് പഠിയ്ക്കണം. ഈ മേഖലയും കരുത്തു നേടിവരികയാണ്. വന്‍കിട ഹോട്ടലുകളില്‍ മികച്ച വേതനം കൈപ്പറ്റുന്ന ഷെഫുകള്‍ പഠിയ്ക്കുന്നത് കുലിനറി ആര്‍ട്‌സ് കോഴ്‌സാണ്. ഏറെ തൊഴിലവസരങ്ങള്‍ ഈ മേഖലയിലുണ്ട്. ബി.എ. കുലിനറി ആര്‍ട്‌സ് നിരവധി സര്‍വ്വകലാശാലകളിലുണ്ട്. മണിപ്പാല്‍ യൂണിവേഴ്‌സിറ്റി വെല്‍ക്കം ട്രസ്റ്റുമായി ചേര്‍ന്നു നടത്തുന്ന കുലിനറി ആര്‍ട്‌സില്‍ 100 ശതമാനം കാമ്പസ് പ്ലേസ്‌മെന്റുണ്ട്. കോഴ്‌സ് പൂര്‍ത്തിയാക്കിയവര്‍ക്കു പ്രതിമാസം രണ്ട് ലക്ഷം രൂപയിലധികം വേതനം പ്രതീക്ഷിക്കാം. ഉപരിപഠന സാധ്യതകളേറെയുള്ള കോഴ്‌സാണിത്. ബിരുദാനന്തര ബിരുദം, ഡിപ്ലോമ എന്നിവയുമുണ്ട്. കോഴ്‌സ് പൂര്‍ത്തിയാക്കിയവര്‍ക്കു ഹോസ്പിറ്റാലിറ്റി, ഹോട്ടല്‍ മാനേജ്‌മെന്റ് മേഖലകളിലും കാറ്ററിംഗ് കോളേജുകളിലും പ്രവര്‍ത്തിക്കാം. www.manipal.edu ,. Culinary Academy of India (Osmania University) , Institute of Hotel Management, Pusa., Amrapali Institute of Hotel Management, Haldwani., Oberoi Centre of Learning and Development, New Delhi. , Merit Swiss Asian School of Hotel Management, Udhagamandalam, Otoy , International Institute of Culinary Arts, New Delhi , www.nchm.nic.in , IIT, Bombay , Delhi University colleges.
10. കാര്‍ഷിക
കോഴ്‌സുകള്‍
കോവിഡാനന്തരം സുസ്ഥിര കൃഷിരീതികള്‍ക്കു പ്രാധാന്യം കൈവരും. അഗ്രി ബിസിനസ്, സപ്ലൈ ചെയിന്‍, ലോജിസ്റ്റിക്‌സ്, എന്റര്‍പ്രണര്‍ഷിപ്പ് മാനേജ്‌മെന്റ് എന്നിവയ്ക്കു കാര്‍ഷിക മേഖലയില്‍ പ്രസക്തിയേറും. ബിരുദ കോഴ്‌സുകളായ അഗ്രിക്കള്‍ച്ചര്‍, ഫോറസ്ട്രി, ഫിഷറീസ് സയന്‍സ്, വെറ്ററിനറി സയന്‍സ് എന്നിവക്ക് അവസരങ്ങള്‍ കൂടും. കോവിഡിനു ശേഷം ലോകത്തെമ്പാടും കാര്‍ഷിക വിദ്യാഭ്യാസ മേഖലയില്‍ ഇന്റര്‍ ഡിസിപ്ലിനറി ഗവേഷണം കൂടുതല്‍ കരുത്താര്‍ജിക്കും. നാലു വര്‍ഷ ബി.എസ്‌സി. (ഓണേഴ്‌സ്) അഗ്രിക്കള്‍ച്ചര്‍ ബി.എസ്‌സി. (ഓണേഴ്‌സ്) ഫോറസ്ട്രി, ബാച്ചിലര്‍ ഓഫ് ഫിഷറീസ് സയന്‍സ്, അഞ്ച് വര്‍ഷ ബാച്ചിലര്‍ ഓഫ് വെറ്ററിനറി സയന്‍സ് ആന്റ് അനിമല്‍ ഹസ്ബന്ററി എന്നിവയ്ക്കുള്ള സെലക്ഷന്‍ നീറ്റ് റാങ്ക് ലിസ്റ്റില്‍ നിന്നാണ്. ബി.എസ്‌സി അഗ്രിക്കള്‍ച്ചര്‍, ഫോറസ്ട്രി എന്നിവ കേരള കാര്‍ഷിക സര്‍വ്വകലാശാലയുടെ കീഴിലും ബാച്ചിലര്‍ ഓഫ് ഫിഷറീസ് സയന്‍സ് കേരള യൂണിവേഴ്‌സിറ്റി ഫോര്‍ ഫിഷറീസ് ആന്റ് ഓഷ്യാനോഗ്രാഫിക്ക് സ്റ്റഡീസിന്റെ കീഴിലുമാണ്. ബി.വി.എസ്‌സി. ആന്റ് എ.എച്ച് കേരള വെറ്ററിനറി സര്‍വ്വകലാശാലയുടെ കീഴിലാണ്.
ബി.എസ്‌സി.
അഗ്രിക്കള്‍ച്ചര്‍
ബി.എസ്‌സി. അഗ്രിക്കള്‍ച്ചര്‍ പഠിയ്ക്കാന്‍ കേരളത്തില്‍ വെള്ളായണി (തിരുവനന്തപുരം) വെള്ളാനിക്കര (തൃശ്ശൂര്‍), പടന്നക്കാട് (കാസര്‍ഗോഡ്), അമ്പലവയല്‍ ( വയനാട് ) എന്നിവിടങ്ങളില്‍ നാലു കോളേജുകളുണ്ട്. അഗ്രോണമി, പ്ലാന്റ് ജനറ്റിക്‌സ്, സോയില്‍ സയന്‍സ്, എന്റമോളജി, അഗ്രിക്കള്‍ച്ചര്‍ എന്‍ജിനിയറിങ്്, കാലാവസ്ഥാശാസ്ത്രം, പാത്തോളജി, ഹോര്‍ട്ടിക്കള്‍ച്ചര്‍, അഗ്രിക്കള്‍ച്ചര്‍, എക്സ്റ്റന്ഷന് എന്നിവ കോഴ്‌സിലെ പാഠ്യവിഷയങ്ങളാണ്. കാര്‍ഷിക തൊഴില്‍നൈപുണ്യ പരിശീലനവും ലഭിക്കും. മേല്‍ സൂചിപ്പിച്ച കോഴ്‌സുകളില്‍ ബിരുദ, ബിരുദാനന്തര പഠനവും ഡോക്ടറല്‍ ഗവേഷണ സൗകര്യങ്ങളുമുണ്ട്. അഗ്രി ബിസിനസ് മികച്ച ഉപരിപഠന മേഖലയാണ്.
കോഴ്‌സ് പൂര്‍ത്തിയാക്കിയവര്‍ക്ക് അഗ്രിക്കള്‍ച്ചര്‍ ഓഫീസര്‍, പ്ലാന്റേഷന്‍ മാനേജര്‍, അഗ്രിക്കള്‍ച്ചര്‍ റിസര്‍ച്ച് സയന്റിസ്റ്റ്, അഗ്രിക്കള്‍ച്ചര്‍ ഡെവലപ്‌മെന്റ് ഓഫീസര്‍, അഗ്രിബിസിനസ് മാനേജര്‍, അസി. പ്രൊഫസര്‍, ബാങ്ക് ഓഫീസര്‍, ഇന്‍ഷൂറന്‍സ് ഓഫീസര്‍ തുടങ്ങിയ മേഖലകളില്‍ പ്രവര്‍ത്തിക്കാം. അഗ്രിക്കള്‍ച്ചര്‍ റിസര്‍ച്ച് സയന്റിസ്റ്റ്, അസി. പ്രൊഫസര്‍ തസ്തികയ്ക്കു ബിരുദാനന്തര ബിരുദ പഠനവും യഥാക്രമം ARS / NET പരീക്ഷയും പൂര്‍ത്തിയാക്കണം. കാര്‍ഷിക ഗവേഷണത്തില്‍ താല്‍പര്യമുള്ളവര്‍ക്കു വിദേശ പഠനത്തിനു ശ്രമിക്കാം.
ബി.വി.എസ്‌സി.
ആന്റ് എ.എച്ച്
വെറ്ററിനറി സയന്‍സ് പഠിയ്ക്കാന്‍ തൃശ്ശൂര്‍ ജില്ലയിലെ മണ്ണുത്തിയിലും വയനാട് ജില്ലയിലെ പൂക്കോട്ടും വെറ്ററിനറി കോളേജുകളുണ്ട്. അഞ്ച് വര്‍ഷ കോഴ്‌സില്‍ അവസാന സെമസ്റ്റര്‍ ഇന്റേണ്‍ഷിപ്പാണ്. ഫിസിയോളജി, ബയോ കെമിസ്ട്രി, ലൈവ്‌സ്റ്റോക്ക് മാനേജ്‌മെന്റ്, മൈക്രോ ബയോളജി, എക്സ്റ്റന്ഷന്, ക്ലിനിക്കല്‍ മെഡിസിന്‍, സര്‍ജറി, ഗൈനക്കോളജി, പബ്ലിക് ഹെല്‍ത്ത്, ജനറ്റിക്‌സ്, മീറ്റ് സയന്‍സ്, പൌള്‍ട്രി സയന്‍സ്, ഡെയറി സയന്‍സ്, ഫോഡര്‍ പ്രൊഡക്ഷന്‍ തുടങ്ങി നിരവധി വിഷയങ്ങളുണ്ട്. കോഴ്‌സ് പൂര്‍ത്തിയാക്കിയവര്‍ക്കു സംസ്ഥാന, കേന്ദ്ര സര്‍ക്കാരിന്റെ കീഴില്‍ വെറ്ററിനറി സര്‍ജന്‍, വെറ്ററിനറി കണ്‍സള്‍ട്ടന്റായി പ്രവര്‍ത്തിക്കാം. ക്ഷീരോല്‍പ്പാദക യൂണിയനുകള്‍, ബാങ്കുകള്‍, ഇന്‍ഷൂറന്‍സ് കമ്പനികള്‍, സ്വകാര്യ ഫാമുകള്‍, പൊതുമേഖലാ സ്ഥാപനങ്ങള്‍, ഗവേഷണ കേന്ദ്രങ്ങള്‍ എന്നിവിടങ്ങളിലും തൊഴിലവസരങ്ങളുണ്ട്. ബിരുദാനന്തര പഠനം പൂര്‍ത്തിയാക്കിയവര്‍ക്കു സയന്റിസ്റ്റ്, അസി. പ്രൊഫസറാകാം. ഏറെ വിദേശപഠന, ഗവേഷണ സാധ്യതയുള്ള കോഴ്‌സാണിത്.
ഇന്ത്യന്‍ കാര്‍ഷിക ഗവേഷണ കൗണ്‍സില്‍ രാജ്യത്തെ 15 ശതമാനത്തോളം കാര്‍ഷിക അനുബന്ധ കോഴ്‌സുകളിലേക്കു ദേശീയ പ്രവേശന പരീക്ഷ നടത്തുന്നു. ഇതിലൂടെ ബി.എസ്‌സി. അഗ്രിക്കള്‍ച്ചര്‍, ബി.എസ്‌സി. ഹോര്‍ട്ടിക്കള്‍ച്ചര്‍, ബി.എസ്‌സി. സോയില്‍ സയന്‍സ്, ബി.എസ്‌സി. ബയോ ടെക്‌നോളജി, ബി.ടെക് ഡെയറി ടെക്‌നോളജി, ബി.ടെക് അഗ്രിക്കള്‍ച്ചര്‍ എന്‍ജിനിയറിങ്, ഫുഡ് ടെക്‌നോളജി കോഴ്‌സുകളില്‍ ചേരാം. വെറ്ററിനറി കൗണ്‍സില്‍ ഓഫ് ഇന്ത്യ ദേശീയ തലത്തില്‍ രാജ്യത്തെ വെറ്ററിനറി കോളേജുകളിലേക്കുള്ള 15 ശതമാനം സീറ്റുകളിലേക്കു നീറ്റ് പരീക്ഷയിലൂടെ ബി.വി.എസ്‌സി. ആന്റ് എ.എച്ച് കോഴ്‌സിലേക്ക് പ്രവേശനം നല്‍കുന്നു.
നാഷണല്‍ ഇന്‍സ്റ്റിറ്റ്യൂട്ട് ഓഫ് ഫുഡ് ടെക്‌നോളജി ആന്റ് എന്റര്‍പ്രണര്‍ഷിപ്പ് മാനേജ്‌മെന്റ് ( NIFTEM ) ഹരിയാന, തഞ്ചാവൂരിലെ ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് ഫുഡ് ടെക്‌നോളജി എന്നിവിടങ്ങളിലെ ബി.ടെക് ഫുഡ് ടെക്‌നോളജി കോഴ്‌സിനു ജോയിന്റ് എന്‍ജിനിയറിങ് എന്‍ട്രന്‍സ് പരീക്ഷ മെയിനില്‍ നിന്നു അഡ്മിഷന്‍ നേടാം. യു.പി.യിലെ ജി.ബി. പാന്ത് സര്‍വ്വകലാശാലയില്‍ അഗ്രിക്കള്‍ച്ചര്‍, വെറ്ററിനറി സയന്‍സ്, ഡെയറി ടെക്‌നോളജി അഗ്രിക്കള്‍ച്ചറല്‍ കോഴ്‌സുകളുണ്ട്. പുതുച്ചേരി കാരയ്ക്കലിലെ പണ്ഡിറ്റ് ജവഹര്‍ലാല്‍ നെഹ്രു കാര്‍ഷിക ഇന്‍സ്റ്റിറ്റ്യൂട്ടില്‍ ബി.എസ്‌സി ആഗ്രിക്കള്‍ച്ചര്‍ സീറ്റിന് എന്‍.ആര്‍.ഐ. ക്വാട്ടയുണ്ട്.
പുതുച്ചേരിയിലെ രാജീവ്ഗാന്ധി ഇന്‍സ്റ്റിറ്റ്യൂട്ട് ഓഫ് വെറ്ററിനറി എഡുക്കേഷന്‍ ആന്റ് റിസര്‍ച്ചില്‍ ( RIVER ) എന്‍.ആര്‍.ഐ. ക്വാട്ടയില്‍ ബി.എസ്‌സി. ആന്റ് എ. എച്ച് കോഴ്‌സിനു ചേരാം. മദ്രാസ്, നാമക്കല്‍, ബാംഗ്ലൂര്‍, ധാര്‍വാര്‍ഡ്, വെങ്കിട്ടേശ്വര (ആന്ധ്ര) വെറ്ററിനറി കോളേജുകളിലും എന്‍.ആര്‍.ഐ. ക്വാട്ടയില്‍ വെറ്ററിനറിയ്ക്കു സീറ്റുകളുണ്ട്. തമിഴ്‌നാട് കാര്‍ഷിക സര്‍വ്വകലാശാലയുടെ കീഴില്‍ പൊള്ളാച്ചിയിലടക്കം അഞ്ച് കാര്‍ഷിക സ്വാശ്രയ കോളേജുകളില്‍ ബി.എസ്‌സി. അഗ്രിക്കള്‍ച്ചര്‍, ഹോര്‍ട്ടിക്കള്‍ച്ചര്‍ കോഴ്‌സുകളുണ്ട്. Amrita, VIT, SRM University ബി.എസ്‌സി. (അഗ്രിക്കള്‍ച്ചര്‍), തമിഴ്‌നാട് അഗ്രിക്കള്‍ച്ചര്‍ യൂണിവേഴ്‌സിറ്റി കോഴ്‌സുകളിലേക്കു ഫിസിക്‌സ്, കെമിസ്ട്രി, ബയോളജി ഗ്രൂപ്പെടുത്ത് പ്ലസ് ടു 50 ശതമാനം മാര്‍ക്കോടെ പാസായവര്‍ക്ക് അപേക്ഷിക്കാം. www.amrita.edu, www.srmuniv.ac.in, www.vit.ac.in, www.tnau.ac.in , www.kufos.ac.in, www.kvasu.ac.in, www.kau.in
11. ആര്‍ക്കിടെക്ചര്‍
ആന്റ് ഡിസൈന്‍
ആര്‍ക്കിടെക്ചര്‍ എന്‍ജിനിയറിങ്, ഡിസൈന്‍ എന്‍ജിനിയറിങ് കോഴ്‌സുകള്‍ക്ക് ഏറെ സാധ്യതയുണ്ട്. ബില്‍ഡിംഗ് ഡിസൈനിംഗ്, ലേ ഔട്ട് ഇന്റീരിയര്‍ ഡിസൈന്‍, പ്ലാനിംഗ് എന്നിവയില്‍ ആര്‍ക്കിടെക്ചര്‍മാര്‍ക്കു ഡിമാന്റ് കൂടും. അഞ്ചു വര്‍ഷത്തെ ബി.ആര്‍ക്ക് പ്രോഗ്രാമിനു പ്ലസ് ടു ഫിസിക്‌സ്, കെമിസ്ട്രി, മാത്തമാറ്റിക്‌സ് പഠിച്ച വിദ്യാര്‍ഥികള്‍ക്കു പ്രവേശനപ്പരീക്ഷയിലൂടെ അഡ്മിഷന്‍ നേടാം. താല്‍പ്പര്യം, ഭാവന, വരയ്ക്കാനുള്ള കഴിവ് എന്നിവ അത്യാവശ്യമാണ്. NATA, JEE ( Mains ) പേപ്പര്‍ 2 എന്നിവ അഡ്മിഷന്‍ ലഭിയ്ക്കാനുതകുന്ന പ്രവേശന പരീക്ഷകളാണ്.
ബില്‍ഡിംഗ് എന്‍ജിനിയറിങ് ആന്റ് മാനേജ്‌മെന്റ്, അര്‍ബന്‍ ഡിസൈന്‍, സുസ്ഥിര ആര്‍ക്കിടെക്ചര്‍, പ്ലാനിംഗ്, ഇന്‍ഡസ്ട്രിയല്‍ ഡിസൈന്‍, എന്‍വിറോണ്‍മെന്റല്‍ പ്ലാനിംഗ്, ആര്‍ക്കിടെക്ചറല്‍ ആന്റ് ഡിജിറ്റല്‍ പ്ലാനിംഗ് എന്നിവയില്‍ എം.ആര്‍ക്ക് പ്രോഗ്രാമുകളുണ്ട്.
കോഴ്‌സ് പൂര്‍ത്തിയാക്കിയവര്‍ക്കു പ്രൊജക്ട് ആര്‍ക്കിടെക്ട്, ആര്‍ക്കിടെക്ചര്‍ ഡിസൈനര്‍, പ്രൊജക്ട് മാനേജര്‍, ഡിസൈന്‍ ആര്‍ക്കിടെക്ട്, അര്‍ബന്‍ പ്ലാനര്‍, ഇന്റീരിയര്‍ ഡിസൈനര്‍, പ്രൊജക്ട് ആര്‍ക്കിടെക്ട് തുടങ്ങി നിരവധി മേഖലകളില്‍ രാജ്യത്തിനകത്തും വിദേശത്തും പ്രവര്‍ത്തിക്കാം. ഉപരിപഠനത്തിന് ഇന്ത്യയില്‍ മികച്ച അവസരങ്ങളുണ്ട്. SPA – School of Planning and Architecture, Delhi / Bhopal , Sir J.J College of Architecture – Mumbai , NIT s – National Institute of Technology , SPA Vijayawada – School of Planning and Architecture, Vijayawada , IIT s – Indian Institute of Technology , Ramaiah Institute of Technology, Bangalore , Sathyabama Institute of Science and Technology, Chennai , Dr M G R Educational and Research Institute, Chennai.
