സഹകരണപ്രസ്ഥാനത്തെ എം.വി.ആര്‍. ജനകീയമാക്കി: കൃഷ്ണന്‍ കോട്ടുമല
കേരളത്തിലെ സഹകരണപ്രസ്ഥാനത്തെ രാഷ്ട്രീയാതിപ്രസരത്തില്‍നിന്നു മോചിപ്പിക്കുകയും അതിനു ജനകീയമുഖം നല്‍കുകയും ചെയ്ത നേതാവായിരുന്നു മുന്‍സഹകരണമന്ത്രി എം.വി. രാഘവനെന്നു സി.എം.പി. സംസ്ഥാന സെക്രട്ടറി കൃഷ്ണന്‍ കോട്ടുമല പറഞ്ഞു. എം.വി. രാഘവന്റെ 10-ാംചരമവാര്‍ഷികത്തോടനുബന്ധിച്ചു മലപ്പുറത്ത് അനുസ്മരണസമ്മേളനം ഉദ്ഘാടനം ചെയ്യുകയായിരുന്നു അദ്ദേഹം.
സി.എം.പി. മലപ്പുറം ജില്ലാസെക്രട്ടറി വാസു കാരയില്‍ അധ്യക്ഷനായി. സി.പി. കാര്‍ത്തികേയന്‍, പി. അബ്ദുള്‍ഗഫൂര്‍, എം.ബി. രാധാകൃഷ്ണന്‍, ബിനൂപ് ഉഗ്രപുരം, രവീന്ദ്രന്‍ പുനത്തില്‍, വിനോദ് പള്ളിക്കര, സാജു അമ്പലപ്പടി, ബഷീര്‍ വലിയാട്ട്, മുതവാട്ടില്‍ അലി, സി. പ്രദീപ്കുമാര്‍, അഷറഫ് തച്ചറപ്പടിക്കല്‍, വി. ബിജിത, കെ. ഗീത, വി.കെ. ബിന്ദു, പി. ശ്രീമതി എന്നിവര്‍ സംസാരിച്ചു.
