നിക്ഷേപ സമാഹരണം ഉദ്ഘാടനം ചെയ്തു.
കോഴിക്കോട് കേരള സോഷ്യൽ വെൽഫെയർ സഹകരണ സംഘം നിക്ഷേപ സമാഹരണ യജ്ഞം സംഘടിപ്പിച്ചു. കാലിക്കറ്റ് സിറ്റി സഹകരണ ബാങ്ക് ചെയർമാൻ ജി. നാരായണൻകുട്ടി മാസ്റ്റർ ഉദ്ഘാടനം ചെയ്തു. ആദ്യ നിക്ഷേപം അസിസ്റ്റന്റ് രജിസ്ട്രാർ എൻ.എം.ഷീജ ഏറ്റുവാങ്ങി. നടി അമ്പിളി സോമൻ സപ്ലിമെന്റ് പ്രകാശനം ചെയ്തു. ആറ്റക്കോയ പള്ളിക്കണ്ടി ചടങ്ങിൽ അധ്യക്ഷത വഹിച്ചു. പി.എ. ഹംസ ചടങ്ങിൽ മുഖ്യാതിഥിയായിരുന്നു. സംഘം പ്രസിഡണ്ട് പി.ടി.നിസാർ സ്വാഗതവും ടി. പുരുഷു നന്ദിയും പറഞ്ഞു.
