ഇമ്പിച്ചിബാവ സഹകരണ ആശുപത്രിക്ക്‌ എന്‍.എ.ബി.എച്ച് അംഗീകാരം

moonamvazhi

ക്വാളിറ്റി കണ്‍ട്രോള്‍ ഓഫ് ഇന്ത്യയുടെ നാഷണല്‍ അക്രഡിറ്റേഷന്‍ ബോര്‍ഡ് ഫോര്‍ ഹോസ്പിറ്റല്‍സ് ആന്‍ഡ് ഹെല്‍ത്ത് കെയര്‍ (എന്‍.എ.ബി.എച്ച്.)
ഫൈനല്‍ അംഗീകാരം മലപ്പുറം ആലത്തിയൂര്‍ ഇമ്പിച്ചിവാവ സഹകരണ ആശുപത്രിക്ക് ലഭിച്ചു. ഇന്ത്യയില്‍ തന്നെ 1077 ആശുപത്രികള്‍ക്കും കേരളത്തില്‍ 60 ആശുപത്രികള്‍ക്കുമാണ് ഈ അംഗീകാരം ഇതുവരെ ലഭിച്ചിട്ടുള്ളത്. 2021 മാര്‍ച്ച് 25 ലാണ് എന്‍.എ.ബി.എച്ച് എന്‍ട്രി ലെവല്‍ ആശുപത്രിക്ക് ലഭിച്ചത്. കഴിഞ്ഞ വര്‍ഷം ഡിസംബറില്‍ എന്‍.എ.ബി.എച്ച് വിദഗ്ദരുടെ ഫൈനല്‍ ഓഡിറ്റിങ് പൂര്‍ത്തീകരിക്കുകയും ജനുവരി 4 ന് അംഗീകാരം ലഭിക്കുകയും ചെയ്തു.ആശുപത്രി കെട്ടിടം, ഉപകരണങ്ങള്‍, മരുന്നുകള്‍, സേവനങ്ങള്‍,ജീവനക്കാരുടെ യോഗ്യത, പരിശീലനങ്ങള്‍ തുടങ്ങിയവയുടെ ക്വാളിറ്റി പരിശോധനക്ക് വിധേയമാക്കിയതിന്റെ അടിസ്ഥാനത്തിലാണ് ഈ അംഗീകാരം ലഭിച്ചത്.

മെഡിക്കല്‍ കണ്‍സല്‍ട്ടേഷന്‍ പീഡിയാട്രിക്,ഒബ്‌സ്ട്രിക്‌സ് & ഗൈനക്കോളജി,ഓര്‍ത്തോപീഡിക്‌സ് ,ജനറല്‍ മെഡിസിന്‍,ജനറല്‍ സര്‍ജറി,ഡെര്‍മറ്റോളജി, അനസ്‌തേഷ്യോളജി,എമര്‍ജന്‍സി മെഡിസിന്‍,കാര്‍ഡിയോളജി,റെസ്പിറേറ്ററി മെഡിസിന്‍,ഇ.എന്‍.ടി, ഡെന്റല്‍,തുടങ്ങി മുഴുവന്‍ മെഡിക്കല്‍& നോണ്‍ മെഡിക്കല്‍ ഡിപ്പാര്‍ട്ടുമെന്റുകള്‍ക്കാണ് എന്‍.എ.ബി.എച്ച് അംഗീകാരം ലഭിച്ചത്.

Leave a Reply

Your email address will not be published.

Latest News