ശൂരനാട് ലേബര്‍ കോണ്‍ട്രാക്ട് സൊസൈറ്റിക്ക് എ-ക്ലാസിഫിക്കേഷന് പ്രത്യേക ഇളവ്
ശൂരനാട് ലേബര്‍ കോണ്‍ട്രാക്ട് സഹകരണ സംഘത്തിന് എ-ക്ലാസിഫിക്കേഷന് നിലനിലര്‍ത്താന്‍ സര്‍ക്കാരിന്റെ പ്രത്യേക ഇളവ്. ശൂരനാട് സംഘത്തിന്റെ എ-ക്ലാസിഫിക്കേഷന് ഉത്തരവിന്റെ കാലാവധി 2017 നവംബറില്‍ അവസാനിച്ചതാണ്. ഈ ഗ്രേഡ് ലഭിക്കുന്നതിന് ഓഡിറ്റില്‍ എ അല്ലെങ്കില്‍ ബി ക്ലാസിഫിക്കേഷന് ലഭിക്കണം. എന്നാല്‍, ശൂരനാട് ലേബര്‍ കോണ്‍ട്രാക്ട് സംഘത്തിന് 2014-15, 2015-16 വര്‍ഷങ്ങളില്‍ സി ക്ലാസിഫിക്കേഷനാണ് ലഭിച്ചത്. ഇതോടെയാണ് സര്‍ക്കാരിന്റെ പ്രത്യേക ഇളവിന് അപേക്ഷിച്ചത്.
സംഘത്തിന്റെ അപേക്ഷ പരിഗണിച്ച് ഇത് അനുവദിച്ച് നല്‍കാമെന്ന് കാണിച്ച് സഹകരണസംഘം രജിസ്ട്രാര്‍ സര്‍ക്കാരിന് ശുപാര്‍ശ നല്‍കി,. ഇതനുസരിച്ചാണ് ഇപ്പോള്‍ സര്‍ക്കാര്‍ ഉത്തരവിറക്കിയിട്ടുള്ളത്.