പ്രൊഫ. പി. ജെ. സിറിയകിനും ജോസഫ് ആന്റണിക്കും അവാര്‍ഡ് സമ്മാനിച്ചു
മീനച്ചില്‍ താലൂക്ക് കോ-ഓപ്പറേറ്റീവ് എംപ്ലോയീസ് കോ-ഓപ്പറേറ്റീവ് സൊസൈറ്റിയുടെ വാര്‍ഷിക പൊതുയോഗം സംഘം ഓഡിറ്റോറിയത്തില്‍ നടന്നു.
താലൂക്കിലെ മികച്ച സഹകാരിക്കുള്ള അവാര്‍ഡ് കുറവിലങ്ങാട് സര്‍വീസ് സഹകരണ ബാങ്ക് പ്രസിഡന്റ് പ്രൊഫ. പി. ജെ. സിറിയക് പൈനാപ്പള്ളിലിനും മികച്ച സഹകരണ ജീവനക്കാരനുള്ള അവാര്‍ഡ് കൊഴുവനാല്‍ സര്‍വീസ് സഹകരണ ബാങ്ക് സെക്രട്ടറി ജോസഫ് ആന്റണി കൈമരപ്ലാക്കലിനും പാലാ മുന്‍സിപ്പല്‍ ചെയര്‍മാന്‍ ആന്റോ ജോസ് പടിഞ്ഞാറേക്കര സമ്മാനിച്ചു.
ത്രിതലപഞ്ചായത്തിലേക്ക് തിരഞ്ഞെടുക്കപ്പെട്ട അംഗങ്ങളെ ആദരിക്കുകയും അംഗങ്ങളുടെ മക്കള്‍ക്കുള്ള വിദ്യാഭ്യാസ പ്രോത്സാഹന അവാര്‍ഡുകളും വിരമിച്ച അംഗങ്ങള്‍ക്കുള്ള ഉപഹാര സമര്‍പ്പണവും പാലാ മുന്‍സിപ്പല്‍ പ്രതിപക്ഷ നേതാവ് പ്രൊഫ. സതീഷ് ചൊള്ളാനി നിര്‍വഹിച്ചു.
പ്രസിഡന്റ് തുഷാര്‍ അലക്സ് അധ്യക്ഷത വഹിച്ചു. മുന്‍ പ്രസിഡന്റുമാരായ എം. എന്‍ ഗോപാലകൃഷ്ണപ്പണിക്കര്‍, കെ. എം തോമസ്, ചാള്‍സ് ആന്റണി, കെ. സി. ഇ. എഫ്. താലൂക്ക് പ്രസിഡന്റ് മനോജ് ജോസ് എന്നിവര്‍ സംസാരിച്ചു. സംഘം വൈസ്-പ്രസിഡന്റ് സന്തോഷ് സെബാസ്റ്റ്യന്‍ സ്വാഗതവും സെക്രട്ടറി എം. ആര്‍. സാബുരാജന്‍ നന്ദിയും പറഞ്ഞു.
