കേരഫെഡില്‍ മാനേജര്‍, അസിസ്റ്റന്റ് മാനേജര്‍ നിയമനം
കേരള കേരകര്‍ഷക സഹകരണ ഫെഡറേഷനില്‍ (കേരഫെഡ്) ഡെപ്യൂട്ടേഷന്‍ വ്യവസ്ഥയില്‍ മാനേജര്‍ (ഫിനാന്‍സ്), അസിസ്റ്റന്റ് മാനേജര്‍ (മാര്‍ക്കറ്റിങ് ആന്റ് സെയില്‍സ്) തസ്തികകളില്‍ നിയമനത്തിനായി ജീവനക്കാരില്‍നിന്ന് അപേക്ഷ ക്ഷണിച്ചു. പി.എസ്.സി.മുഖേന സ്ഥിരനിയമനം നടത്തുന്നതുവരെയോ ഒരുവര്‍ഷംവരെയോ ആണു നിയമനം. സര്‍ക്കാര്‍, അര്‍ധസര്‍ക്കാര്‍, പൊതുമേഖലാസ്ഥാപനങ്ങളില്‍ ജോലി ചെയ്യുന്നവര്‍ക്ക് അപേക്ഷിക്കാം. മാനേജര്‍ തസ്തികയില്‍ അപേക്ഷിക്കാന്‍ വേണ്ടത് സി.എ/സി.എം.എ (സംസ്ഥാന/കേന്ദ്ര/പൊതുമേഖലാസ്ഥാപനങ്ങളില്‍നിന്ന്) ആണ്. ഈ യോഗ്യതയുള്ളവര്‍ ഇല്ലെങ്കില്‍ ഏഴുവര്‍ഷം പ്രവൃത്തിപരിചയമുള്ള എം.ബി.എ (ഫിനാന്‍സ്) ക്കാരെ (സര്‍ക്കാര്‍/അര്‍ധസര്‍ക്കാര്‍/പൊതുമേഖല/അംഗീകൃതസ്വകാര്യമേഖലാസ്ഥാപനങ്ങളില്‍നിന്ന്) പരിഗണിക്കും. ശമ്പളം 77200-140500 രൂപ.
അസിസ്റ്റന്റ് മാനേജര്‍ (മാര്‍ക്കറ്റിങ് ആന്റ് സെയില്‍സ്) തസ്തികയില്‍ അപേക്ഷിക്കാന്‍ വേണ്ടത് എം.ബി.എ.യും (മാര്‍ക്കറ്റിങ്) സമാനമേഖലയില്‍ മൂന്നുവര്‍ഷത്തെ പ്രവൃത്തിപരിചയവും (സര്‍ക്കാര്‍/അര്‍ധസര്‍ക്കാര്‍/പൊതുമേഖല/അംഗീകൃത സ്വകാര്യമേഖലാ സ്ഥാപനങ്ങളില്‍നിന്ന്) ആണ്. ശമ്പളം 56500-118100 രൂപ.മാതൃവകുപ്പില്‍നിന്നുള്ള നിരാക്ഷേപപത്രം സഹിതം കെ.എസ്.ആര്‍. പാര്‍ട്ട് ഒന്ന് റൂള്‍ 144 പ്രകാരമുള്ള മാതൃകയിലാണ് അപേക്ഷിക്കേണ്ടത്. ഡിസംബര്‍ 16നു വൈകിട്ട് അഞ്ചിനകം സമര്‍പ്പിക്കണം. മാനേജിങ് ഡയറക്ടര്‍, കേരഫെഡ് ഹെഡ് ഓഫീസ്, കേരാ ടവര്‍, വെള്ളയമ്പലം, വികാസ്ഭവന്‍ പി.ഒ, തിരുവനന്തപുരം 695033 എന്ന വിലാസത്തിലാണു സമര്‍പ്പിക്കേണ്ടത്. ഫോണ്‍: 0471-2322736, 0471- 2320504. ഇ-മെയില്‍ വിലാസം: [email protected] വെബ്‌സൈറ്റ്: www.kerafed.com
[mbzshare]
