കര്‍ഷകര്‍ക്കായി ഭാരത്‌ വിസ്‌താര്‍ ആപ്പ്‌

കര്‍ഷകര്‍ക്കായി ഭാരത്‌ വിസ്‌താര്‍ ആപ്പ്‌ പുറത്തിറക്കി. കേന്ദ്രമന്ത്രി ശിവരാജ്‌സിങ്‌ ചൗഹാന്‍ ജയ്‌പൂരിലാണിതു പുറത്തിറക്കിയത്‌. കേന്ദ്രകൃഷി-കര്‍ഷകക്ഷേമമന്ത്രാലയത്തിന്റെ നിര്‍മിതബുദ്ധിയധിഷ്‌ഠിതപദ്ധതിയാണ്‌ ഭാരത്‌ വിസ്‌താര്‍. സാങ്കേതകിവിദ്യയുടെ സഹായത്തോടെ കര്‍ഷകര്‍ക്കുവേണ്ട വിവരങ്ങള്‍ നല്‍കുകയാണു ലക്ഷ്യം. കര്‍ഷകര്‍ക്കു സ്‌മാര്‍ട്ട്‌ഫോണുകളിലൂടെയോ സാധാരണമൊബൈല്‍ഫോണുകളിലൂടെയോ സഹായം തേടാം. സ്‌കീമില്‍ കര്‍ഷകര്‍ക്കായുള്ള പ്രത്യേകതിരിച്ചറിയല്‍ കാര്‍ഡും കിട്ടും. കര്‍ഷകരെക്കുറിച്ചുള്ള വിവരങ്ങളെല്ലാം അതിലുണ്ടാകും. പ്രധാനമന്ത്രി ഫസല്‍ ഭീമ യോജന, മണ്ണിന്റെ ആരോഗ്യകാര്‍ഡ്‌ എന്നിവ ഇതിലുണ്ടാകും. കര്‍ഷകര്‍ക്ക്‌ 155261 ല്‍ വിളിച്ച്‌ അറിയാനുള്ള കാര്യങ്ങള്‍ ചോദിക്കാം. പ്രാദേശികഭാഷയില്‍ മറുപടി കിട്ടും. ഹിന്ദിയും ഇംഗ്ലീഷുമാണ്‌ ഇപ്പോഴുള്ളത്‌. 11 ഭാഷകളില്‍കൂടി വൈകാതെ മറുപടി കിട്ടും.