നബാര്‍ഡില്‍ അസിസ്റ്റന്റ് മാനേജര്‍മാരുടെ 91 ഒഴിവ്‌
- നവംബര്‍ 30നകം അപേക്ഷിക്കണം
- ഓണ്‍ലൈനായി മാത്രമേ അപേക്ഷിക്കാവൂ
അന്താരാഷ്ട്രസഹകരണസഖ്യത്തില്‍ പൂര്‍ണാംഗത്വമുള്ള ദേശീയകാര്‍ഷികഗ്രാമവികസനബാങ്കില്‍ (നബാര്‍ഡ്‌) ഗ്രേഡ്‌ എ അസിസ്റ്റന്റ് മാനേജര്‍മാരുടെ 91 ഒഴിവിലേക്ക്‌ അപേക്ഷ ക്ഷണിച്ചു. www.nabard.orghttp://www.nabard.org ല്‍ നവംബര്‍ 30നകം അപേക്ഷിക്കണം. ഓണ്‍ലൈനായിമാത്രമേ അപേക്ഷിക്കാവൂ. പ്രായം 21നും 30നും മധ്യേ. പ്രോട്ടോകോള്‍ ആന്റ്‌ സെക്യൂരിറ്റി സര്‍വീസസിലെ അസിസ്റ്റന്റ് മാനേജര്‍ തസ്‌തികയിലെ പ്രായപരിധി 25-40. വിവിധവിഭാഗങ്ങള്‍ക്ക്‌ പ്രായപരിധിയിളവുണ്ട്‌. 2025 നവംബര്‍ ഒന്നു വച്ചാണു പ്രായം കണക്കാക്കുക. യോഗ്യതകളും അതിനകം നേടിയതാകണം. ഒരാള്‍ക്ക്‌ ഒരു വിഭാഗത്തിലെ ഒരു തസ്‌തികയിലേക്കേ അപേക്ഷിക്കാനാവൂ.
ശമ്പളം 44500-3500(4) -54500-2850 (7) -74450 -ഇബി -2850(4) – 85850 – 3300 (17വര്‍ഷം) രൂപ.. ഡിഎ, ലോക്കല്‍ കോമ്പന്‍സേറ്ററി അലവന്‍സ്‌, വീട്ടുവാടക, ഗ്രേഡ്‌ അലവന്‍സ്‌ എന്നിവയും കിട്ടും. നിലവില്‍ തുടക്കത്തില്‍ ഒരുലക്ഷംരൂപയോളം കിട്ടും.പട്ടികജാതിക്കാര്‍ക്കും പട്ടികവര്‍ഗക്കാര്‍ക്കും ഒബിസിക്കും ഭിന്നശേഷിക്കാര്‍ക്കും സൗജന്യമായി ഓണ്‍ലൈന്‍ പരീക്ഷാപൂര്‍വപരിശീലനം ലഭ്യമാണ്‌. ഇത്‌ ആവശ്യമുണ്ടെങ്കില്‍ അപേക്ഷയില്‍ കാണിക്കണം.
കേരളത്തില്‍ ആലപ്പുഴ, എറണാകുളം, കണ്ണൂര്‍, കോട്ടയം, കോഴിക്കോട്‌, പാലക്കാട്‌, തൃശ്ശൂര്‍, തിരുവനന്തപുരം, കൊല്ലം എന്നിവിടങ്ങളില്‍ പരീക്ഷാകേന്ദ്രങ്ങളുണ്ടാകും. രണ്ടാംഘട്ടപ്പരീക്ഷക്കു കേരളത്തില്‍ തിരുവനന്തപുരം മാത്രമാണു കേന്ദ്രം.പട്ടികജാതിക്കാര്‍ക്കും പട്ടികവര്‍ഗക്കാര്‍ക്കും ഭിന്നശേഷിക്കാര്‍ക്കും അപേക്ഷാഫീസില്ല. എന്നാല്‍ 150 രൂപ ഇന്റിമേഷന്‍ ചാര്‍ജ്‌ അടക്കണം. മറ്റുള്ളവര്‍ അപേക്ഷാഫീസായി 700 രൂപയും ഇന്റിമേഷന്‍ ചാര്‍ജായി 150 രൂപയും അടക്കം 850 രൂപ അടക്കണം. നബാര്‍ഡ്‌ജീവനക്കാരും ഇതടക്കണം. അവര്‍ക്കു പിന്നീടു തുക തിരിച്ചുകിട്ടും.
പട്ടികജാതി, പട്ടികവര്‍ഗം, മറ്റുപിന്നാക്കസമുദായം, സാമ്പത്തികദുര്‍ബലവിഭാഗം, ഭിന്നശേഷിസംവരണങ്ങളുണ്ട്‌. ക്രീമീലേയറില്‍പെട്ട ഒബിസിക്കാര്‍ക്കു സംവരണം കിട്ടില്ല. അവര്‍ ജനറല്‍ കാറ്റഗറി എന്നുവേണം അടയാളപ്പെടുത്താന്‍. സംവരണമുള്ളവരും സംവരണം ചെയ്യപ്പെടാത്ത തസ്‌തികകളിലേക്ക്‌ അപേക്ഷിക്കാന്‍ ആഗ്രഹിക്കുന്നുണ്ടെങ്കില്‍ യുആര്‍ കാറ്റഗറിയില്‍ വേണം അപേക്ഷിക്കാന്‍. ആര്‍ഡിബിഎസ്‌ വിഭാഗത്തില്‍ ഏഴ്‌ ഒഴിവ്‌ ഭിന്നശേഷിസംവരണമാണ്‌.ഡിസംബര്‍ 20ന്‌ ഓണ്‍ലൈനായി പ്രാഥമികപരീക്ഷയും 2026 ജനുവരി 25നു പ്രധാനപരീക്ഷ നടത്തും. മൂന്നാംഘട്ടം സൈക്കോമെട്രിക്‌ പരീക്ഷയാണ്‌. അതു പിന്നീട്‌ അറിയിക്കും.ജനറല്‍ 48, ചാര്‍ട്ടേഡ്‌ അക്കൗണ്ടന്റ്‌ 4, കമ്പനി സെക്രട്ടറി 2, ഫിനാന്‍സ്‌ 5, കമ്പ്യൂട്ടര്‍/ വിവരസാങ്കേതികവിദ്യ 10, കാര്‍ഷികഎഞ്ചിനിയറിങ്‌ 1, പ്ലാന്റേഷന്‍ ആന്റ്‌ ഹോര്‍ട്ടികള്‍ച്ചര്‍ 2, ഫിഷറീസ്‌ 2, ഭക്ഷ്യസംസ്‌കരണം 2, ലാന്റ്‌ ഡവലപ്‌മെന്റ്‌ ആന്റ്‌ സോയില്‍ സയന്‍സ്‌ 2, സിവില്‍ എഞ്ചിനിയറിങ്‌ 2, മാധ്യമസ്‌പെഷ്യലിസ്റ്റ്‌ 1, ധനശാസ്‌ത്രം 2 എന്നിങ്ങനെ ഗ്രാമവികസനബാങ്കിങ്‌ സേവന (ആര്‍ഡിബിഎസ്‌) വിഭാഗത്തില്‍ എണ്‍പത്തഞ്ചും നിയമവിഭാഗത്തില്‍ രണ്ടും പ്രോട്ടോകോള്‍ ആന്റ്‌ സെക്യൂരിറ്റി വിഭാഗത്തില്‍ നാലും അടക്കം ആകെ 91 ഒഴിവാണുള്ളത്‌.
- ആര്‍ആര്‍ബിഎസ്‌ വിഭാഗത്തില്‍ ജനറല്‍ കാറ്റഗറിയില്‍ അപേക്ഷിക്കാന്‍വേണ്ട വിദ്യാഭ്യാസയോഗ്യത 60% മാര്‍ക്കോടെ (പട്ടികജാതിക്കാര്‍ക്കും പട്ടികവര്‍ഗക്കാര്‍ക്കും ഭിന്നശേഷിക്കാര്‍ക്കും 50%മതി) ബിരുദം. അല്ലെങ്കില്‍ 55%മാര്‍ക്കോടെ (പട്ടികജാതിക്കാര്‍ക്കും പട്ടികവര്‍ഗക്കാര്‍ക്കും ഭിന്നശേഷിക്കാര്‍ക്കും 50%) ബിരുദാനന്തരബിരുദം/ എംബിഎ/ പിജിഡിഎ. അല്ലെങ്കില്‍ സിഎ/ സിഎസ്‌/ സിഎംഎ/ ഐസിഡബ്ലിയുഎ. അല്ലെങ്കില്‍ പിഎച്ച്‌ഡി.
- ചാര്‍ട്ടേഡ്‌ അക്കൗണ്ടന്റുമാരുടെ കാറ്റഗറിയില്‍ അപേക്ഷിക്കാന്‍ വേണ്ട യോഗ്യത ബിരുദവും ഇന്സ്റ്റിറ്റിയൂട്ട് ഓഫ്‌ ചാര്‍ട്ടേഡ്‌ അക്കൗണ്ടന്റ്‌സ ഓഫ്‌ ഇന്ത്യയില്‍ (ഐസിഎഐ) അംഗത്വവും. അംഗത്വം 2025 നവംബര്‍ ഒന്നിനെങ്കിലും കിട്ടിയതായിരിക്കണം.
- കമ്പനി സെക്രട്ടറി കാറ്റഗറിയില്‍ അപേക്ഷിക്കാന്‍വേണ്ട യോഗ്യത: ബിരുദവും ഇന്സ്റ്റിറ്റിയൂട്ട് ഓഫ്‌ കമ്പനി സെക്രട്ടറീസില്‍ (ഐസിഎസ്‌ഐ) അസോസിയറ്റ്‌ അംഗത്വം/ ഫെല്ലോ അംഗത്വും.
- ഫിനാന്‍സ്‌ കാറ്റഗറിയില്‍ അപേക്ഷിക്കാന്‍വേണ്ട യോഗ്യത 60%മാര്‍ക്കോടെ (പട്ടികജാതിക്കാര്‍ക്കും പട്ടികവര്‍ഗക്കാര്‍ക്കും ഭിന്നശേഷിക്കാര്‍ക്കും 55%) ബിബിഎ (ഫിനാന്‍സ്‌/ ബാങ്കിങ്‌)/ ബിഎംഎസ്‌ (ഫിനാന്‍സ്‌/ ബാങ്കിങ്‌) ആണ്‌. അല്ലെങ്കില്‍ 55% മാര്‍ക്കോടെ (പട്ടികജാതിക്കാര്‍ക്കും പട്ടികവര്‍ഗക്കാര്‍ക്കും ഭിന്നശേഷിക്കാര്‍ക്കും 50%) മാനേജ്‌മെന്റില്‍ (ഫിനാന്‍സ്‌) ബിരുദാനന്തരഡിപ്ലോമ/ എംബിഎ (ഫിനാന്‍സ)്‌/ എംഎംഎസ്‌ (ഫിനാന്‍സ്‌). അല്ലെങ്കില്‍ 60% മാര്‍ക്കോടെ (പട്ടികജാതിക്കാര്‍ക്കും പട്ടികവര്‍ഗക്കാര്‍ക്കും ഭിന്നശേഷിക്കാര്‍ക്കും 55%) ഫിനാന്‍ഷ്യന്‍ ആന്റ്‌ ഇന്‍വെസ്റ്റ്‌മെന്റ്‌ അനാലിസിസില്‍ ബിരുദം. അല്ലെങ്കില്‍ ബിരുദവും ഐസിഎഐ അംഗത്വവും. അല്ലെങ്കില്‍ ബിരുദവും ഇന്സ്റ്റിറ്റിയൂട്ട് ഓഫ്‌ കോസ്‌റ്റ്‌ ആന്റ്‌ മാനേജ്‌മെന്റ്‌ അക്കൗണ്ടന്റ്‌സ്‌ ഓഫ്‌ ഇന്ത്യ (എസിഎംഎ/ എഫ്‌സിഎംഎ/ ഐസിഡബ്ലിയുഎ). അല്ലെങ്കില്‍ ബിരുദവും സിഎഫ്‌എ ഇന്സ്റ്റിറ്റിയൂട്ട് യുഎസ്‌എയില്‍നിന്നുള്ള ചാര്‍ട്ടേഡ്‌ ഫിനാന്‍ഷ്യല്‍ അനലിസ്റ്റ്‌ സര്ട്ടിഫിക്കേഷന്/ ഗ്ലോബല്‍ അസോസിയേഷന്‍ ഓഫ്‌ റിസ്‌ക്‌ പ്രൊഫഷണല്‍സില്‍നിന്നുള്ള ഫിനാന്‍ഷ്യല്‍ റിസ്‌ക്‌ മാനേജര്‍ (എഫ്‌ആര്‍എം) സര്ട്ടിഫിക്കേഷന്.
- കമ്പ്യൂട്ടര്‍/ ഇന്‍ഫര്‍മേഷന്‍ ടെക്‌നോളജി കാറ്റഗറിയില്‍ അപേക്ഷിക്കാന്‍ വേണ്ട യോഗ്യത 60% മാര്‍ക്കോടെ (പട്ടികജാതിക്കാര്‍ക്കും പട്ടികവര്‍ഗക്കാര്‍ക്കും ഭിന്നശേഷിക്കാര്‍ക്കും 55%) കമ്പ്യൂട്ടര്‍ സയന്‍സിലോ കമ്പ്യൂട്ടര്‍ എഞ്ചിനിയറിങ്ങിലോ കമ്പ്യൂട്ടര്‍ ആപ്ലിക്കേഷന്‍സിലോ വിവരസാങ്കേതികവിദ്യയിലോ ഇലക്ട്രോണിക്‌സിലോ ഇലക്ട്രോണിക്‌സ്‌ ആന്റ്‌ ടെലികമ്മൂണിക്കേഷന്‍സിലോ ഇലക്ട്രോണിക്‌സ്‌ ആന്റ്‌ കമ്മൂണിക്കേഷനിലോ ഡാറ്റാസയന്‍സിലോ ആര്‍ടിഫിഷ്യന്‍ ഇന്റലിജന്‍സിലോ മെഷീന്‍ ലേണിങ്ങിലോ നാലുവര്‍ഷ എഞ്ചിനിയറിങ്‌/ സാങ്കേതികവിദ്യാബിരുദം. അല്ലെങ്കില്‍ 55%മാര്‍ക്കോടെ (പട്ടികജാതിക്കാര്‍ക്കും പട്ടികവര്‍ഗക്കാര്‍ക്കും ഭിന്നശേഷിക്കാര്‍ക്കു 50%) കമ്പ്യൂട്ടര്‍ സയന്‍സിലോ കമ്പ്യൂട്ടര്‍ എഞ്ചിനിയറിങ്ങിലോ കമ്പ്യൂട്ടര്‍ ആപ്ലിക്കേഷന്‍സിലോ വിവരസാങ്കേതികവിദ്യയിലോ ഇലക്ട്രോണിക്‌സിലോ ഇലക്ട്രോണിക്‌സ്‌ ആന്റ്‌ ടെലികമ്മൂണിക്കേഷന്‍സിലോ ഇലക്ട്രോണിക്‌സ്‌ ആന്റ്‌ കമ്മൂണിക്കേഷനിലോ ഡാറ്റാസയന്‍സിലോ നിര്‍മിതബുദ്ധിയിലോ മെഷീന്‍ ലേണിങ്ങിലോ ബിരുദാനന്തരബിരുദം. അല്ലെങ്കില്‍ 60% മാര്‍ക്കോടെ (പട്ടികജാതിക്കാര്‍ക്കും പട്ടികവര്‍ഗക്കാര്‍ക്കും ഭിന്നശേഷിക്കാര്‍ക്കും 55%) ബിരുദവും ഡിപ്പാര്‍ട്ടുമെന്റ്‌ ഓഫ്‌ ഇലക്ട്രോണികസ്‌ ആന്റ്‌ അക്രഡിറ്റേഷന്‍ ഓഫ്‌ കമ്പ്യൂട്ടര്‍ കോഴ്‌സസിന്റെ (ഡിഒഇഎസിസി) ബി ലെവല്‍പരീക്ഷാവിജയവും.
- കാര്‍ഷികഎഞ്ചിനിയറിങ്‌ കാറ്റഗറിയില്‍ അപേക്ഷിക്കാന്‍വേണ്ട യോഗ്യത 60%മാര്‍ക്കോടെ (ഭിന്നശേഷിക്കാര്‍ക്ക്‌ 55%) കാര്‍ഷികഎഞ്ചിനിയറിങ്ങില്‍ ബിരുദം. അല്ലെങ്കില്‍ 55% മാര്‍ക്കോടെ (ഭിന്നശേഷിക്കാര്‍ക്ക്‌ 50%) കാര്‍ഷികഎഞ്ചിനിയറിങ്ങില്‍ ബിരുദാനന്തരബിരുദം.
- പ്ലാന്റേഷന്‍ ആന്റ്‌ ഹോര്‍ട്ടികള്‍ച്ചര്‍ കാറ്റഗറിയില്‍ അപേക്ഷിക്കാന്‍വേണ്ട യോഗ്യത 60% മാര്‍ക്കോടെ (ഭിന്നശേഷിക്കാര്‍ക്ക്‌ 55%) ഹോര്‍ട്ടികള്‍ച്ചറില്‍ ബിരുദം. അല്ലെങ്കില്‍ 55%മാര്‍ക്കോടെ (ഭിന്നശേഷിക്കാര്‍ക്ക്‌ 50%) ഹോര്‍ട്ടികള്‍ച്ചറില്‍ ബിരുദാനന്തരബിരുദം.
- ഫിഷറീസ്‌ കാറ്റഗറിയില്‍ അപേക്ഷിക്കാന്‍വേണ്ട യോഗ്യത 60% മാര്‍ക്കോടെ (പട്ടികവര്‍ഗക്കാര്‍ക്കും ഭിന്നശേഷിക്കാര്‍ക്കും 55%) ഫിഷറീസ്‌ സയന്‍സില്‍ ബിരുദം. അല്ലെങ്കില്‍ 55% മാര്‍ക്കോടെ (പട്ടികവര്‍ഗക്കാര്‍ക്കും ഭിന്നശേഷിക്കാര്‍ക്കും 50%) ഫിഷറീസ്‌ സയന്‍സില്‍ ബിരുദാനന്തരബിരുദം.
- ഫുഡ്‌പ്രോസസിങ്‌ കാറ്റഗറിയില്‍ അപേക്ഷിക്കാന്‍വേണ്ട യോഗ്യത 60% മാര്‍ക്കോടെ (പട്ടികജാതിക്കാര്‍ക്കും ഭിന്നശേഷിക്കാര്‍ക്കും 55%) ഫുഡ്‌പ്രോസസിങ്ങിലോ ഫുഡ്‌ ടെക്‌നോളജിയിലോ ബിരുദം. അല്ലെങ്കില്‍ 55% മാര്‍ക്കോടെ (പട്ടികജാതിക്കാര്‍ക്കും ഭിന്നശേഷിക്കാര്‍ക്കും 50%) ഫുഡ്‌ പ്രോസസിങ്ങിലോ ഫുഡ്‌ ടെക്‌നോളജിയിലോ ബിരുദാനന്തരബിരുദം.
- ലാന്റ്‌ ഡവലപ്‌മെന്റ്‌ ആന്റ്‌ സോയില്‍ സയന്‍സ്‌ കാറ്റഗറിയില്‍ അപേക്ഷിക്കാന്‍വേണ്ട യോഗ്യത 60% മാര്‍ക്കോടെ (ഭിന്നശേഷിക്കാര്‍ക്ക്‌ 55%) സോയില്‍ സയന്‍സിലോ കൃഷിയിലോ പരിസ്ഥിതിശാസ്‌ത്രത്തിലോ ബിരുദം. അല്ലെങ്കില്‍ 55% മാര്‍ക്കോടെ (ഭിന്നശേഷിക്കാര്‍ക്ക്‌ 50%) സോയില്‍ സയന്‍സിലോ കൃഷിയിലോ പരിസ്ഥിതിശാസ്‌ത്രത്തിലോ ബിരുദാനന്തരബിരുദം.
- സിവില്‍ എഞ്ചിനിയറിങ്‌ കാറ്റഗറിയില്‍ അപേക്ഷിക്കാന്‍വേണ്ട യോഗ്യത 60% മാര്‍ക്കോടെ (പട്ടികജാതിക്കാര്‍ക്കും പട്ടികവര്‍ഗക്കാര്‍ക്കും ഭിന്നശേഷിക്കാര്‍ക്കും 55%) സിവില്‍ എഞ്ചിനിയറിങ്ങിലോ സ്‌ട്രക്‌ചറല്‍ എഞ്ചിനിയറിങ്ങിലോ ബിരുദം. അല്ലെങ്കില്‍ 55% മാര്‍ക്കോടെ (പട്ടികജാതിക്കാര്‍ക്കും പട്ടികവര്‍ഗക്കാര്‍ക്കും ഭിന്നശേഷിക്കാര്‍ക്കും 50%) സിവില്‍ എഞ്ചിനിയറിങ്ങിലോ സ്‌ട്രക്‌ചറല്‍ എഞ്ചിനിയറിങ്ങിലോ ബിരുദാനന്തരബിരുദം.
- ഇലക്ട്രിക്കല്‍ എഞ്ചിനിയറിങ്ങ ്‌കാറ്റഗറിയില്‍ അപേക്ഷിക്കാന്‍വേണ്ട യോഗ്യത 60%മാര്‍ക്കോടെ (ഭിന്നശേഷിക്കാര്‍ക്ക്‌ 55%) ഇലക്ട്രിക്കല്‍ എഞ്ചിനിയറിങ്ങിലോ ഇലക്ട്രിക്കല്‍ ആന്റ്‌ ഇലക്ട്രോണിക്‌സ്‌ എഞ്ചിനിയറിങ്ങിലോ പവര്‍സിസ്റ്റംസിലോ ബിരുദം. അല്ലെങ്കില്‍ 55% മാര്‍ക്കോടെ (ഭിന്നശേഷിക്കാര്‍ക്ക്‌ 50%) മേല്‍പറഞ്ഞവയിലൊന്നില്‍ ബിരുദാനന്തരബിരുദം.
- മീഡിയാസ്‌പെഷ്യലിസ്റ്റ്‌ കാറ്റഗറിയില്‍ അപേക്ഷിക്കാന്‍വേണ്ട യോഗ്യത 55% മാര്‍ക്കോടെ (ഭിന്നശേഷിക്കാര്‍ക്ക്‌ 50%) മാസ്‌മീഡിയയിലോ മാസ്‌ കമ്മൂണിക്കേഷനിലോ കമ്മൂണിക്കേഷനിലോ ജേര്‍ണലിസത്തിലോ ബിരുദാനന്തരബിരുദം.
- ഇക്കണോമിക്‌സ്‌ കാറ്റഗറിയില്‍ അപേക്ഷിക്കാന്‍വേണ്ട യോഗ്യത 55% മാര്‍ക്കോടെ (പട്ടികജാതിക്കാര്‍ക്കും ഭിന്നശേഷിക്കാര്‍ക്കും 50%) അപ്ലൈഡ്‌ ഇക്കണോമിക്‌സില്‍ ബിരുദാനന്തരബിരുദം. എല്ലാവര്‍ഷവും/ എല്ലാസെമസ്‌റ്ററിലും ധനശാസ്‌ത്രം പ്രധാനവിഷയമായി പഠിച്ചവര്‍ക്കുമാത്രമാണ്‌ അപേക്ഷിക്കാന്‍ യോഗ്യത.
- നിയമവിഭാഗത്തില്‍ അസിസ്റ്റന്റ് മാനേജര്‍ ഗ്രേഡ്‌ എ (ലീഗല്‍ സര്‍വീസ്‌) തസ്‌തികയിലേക്ക്‌ അപേക്ഷിക്കാന്‍വേണ്ട യോഗ്യത എല്ലാസെമസ്‌റ്ററിലും/ വര്‍ഷത്തിലും 60% മാര്‍ക്കോടെ നിയമബിരുദം. അല്ലെങ്കില്‍ എല്ലാകൊല്ലവും/സെമസ്‌റ്ററിലും 55% മാര്‍ക്കോടെ എല്‍എല്‍എം. അഭിഭാഷകരായി പ്രവര്‍ത്തിക്കുന്നവര്‍ ബാര്‍കൗണ്‍സില്‍ രജിസ്‌ട്രേഷന്‍ സര്‍ട്ടിഫിക്കറ്റിന്റെ കോപ്പിയും നിര്‍ദിഷ്‌ടകാലം പ്രാക്ടീസ്‌ ചെയ്‌ത കോടതിയുടെ പ്രസൈഡിങ്‌ ഓഫീസര്‍ നല്‍കിയതോ അംഗമായ ബാര്‍അസോസിയേഷന്‍ നല്‍കിയതോ ആയ സര്‍ട്ടിഫിക്കറ്റും ഇന്റര്‍വ്യൂവിനു ഹാജരാക്കണം.
പ്രായം 21നും 30നും മധ്യേ. 2025 നവംബര്‍ ഒന്ന്‌ അടിസ്ഥാനമാക്കിയാണു പ്രായം കണക്കാക്കുക. 1995 നവംബര്‍ രണ്ടിനുമുമ്പും 2004 നവംബര്‍ ഒന്നിനുശേഷവും ജനിച്ചവരാകരുത്‌. ഒബിസിക്കു മുന്നുകൊല്ലവും പട്ടികജാതിക്കാര്‍/ പട്ടികവര്‍ഗക്കാര്‍/ എകസ്‌ സര്‍വീസ്‌മെന്‍/ എമര്‍ജന്‍സി കമ്മീഷന്‍ഡ്‌ ഓഫീസര്‍മാര്‍/ ഷോര്‍ട്ട്‌ സര്‍വീസ്‌ കമ്മീഷന്‍ഡ്‌ ഓഫീസര്‍മാര്‍/ 1984ലെ കലാപങ്ങളുടെ ഇരകളുടെ കുടംബാംഗങ്ങളും മക്കളും എന്നീ വിഭാഗങ്ങള്‍ക്കു അഞ്ചുകൊല്ലവും ഭിന്നശേഷിക്കാരിലെ പൊതുവിഭാഗത്തിനു 13 കൊല്ലവും അവരിലെ പട്ടികജാതിക്കാര്‍ക്കും പട്ടികവര്‍ഗക്കാര്‍ക്കും 15 കൊല്ലവും പ്രായപരിധിയില്‍ ഇളവുണ്ട്‌. ഇളവുകള്‍ ഒന്നാകെ ലഭിക്കില്ല.
- പ്രോട്ടോകോള്‍ ആന്റ്‌ സെക്യൂരിറ്റി സേവനവിഭാഗത്തില്‍ അസിസ്റ്റന്റ് മാനേജര്‍ ഗ്രേഡ്‌ എ (പ്രോട്ടോകോള്‍ ആന്റ്‌ സെക്യൂരിറ്റി സര്‍വീസ്‌) തസ്‌തികയില്‍ അപേക്ഷിക്കാനുള്ള പ്രായപരിധി 25നും 40നും മധ്യേയാണ്‌. കരസേനയിലോ നാവികസേനയിലോ വ്യോമസേനയിലോ 10കൊല്ലമെങ്കിലും കമ്മീഷന്‍ഡ്‌ സര്‍വീസ്‌ (ഭിന്നശേഷിക്കാര്‍ക്ക്‌ 5കൊല്ലം) ഉള്ള ഓഫീസര്‍മാരായിരുന്നവര്‍ക്ക്‌ അപേക്ഷിക്കാം. എക്‌സ്‌ സര്‍വീസ്‌ മെന്‍ ഐഡന്റിറ്റി കാര്‍ഡ്‌ ഉണ്ടായിരിക്കണം.
കൂടുതല്‍ വിവരങ്ങളും പൂര്‍ണവിജ്ഞാപനവും നബാര്‍ഡിന്റെ വെബ്‌സൈറ്റില്‍ (www.nabard.orghttp://www.nabard.org ) ലഭിക്കും.
