ദുര്‍ബലസംഘം ജീവനക്കാര്‍ക്ക് ഓണസമാശ്വാസത്തിന് അപേക്ഷിക്കാം
കേരളസ്റ്റേറ്റ് കോ-ഓപ്പറേറ്റീവ് എംപ്ലോയീസ് വെല്‍ഫയര്‍ബോര്‍ഡില്‍ അംഗങ്ങായവരും ഓണത്തിനു ബോണസ്/ഉല്‍സവബത്ത ലഭിക്കാത്തവരുമായ സഹകരണസംഘം ജീവനക്കാര്‍ക്കു സമാശ്വാസസഹായം നല്‍കും. ഇതിനു നിര്‍ദിഷ്ട മാതൃകയില്‍ അപേക്ഷിക്കണം. സാമ്പത്തികബാധ്യതമൂലം പ്രവര്‍ത്തിക്കാത്ത സഹകരണസംഘം രജിസ്ട്രാറുടെ കീഴിലുള്ള സംഘങ്ങളിലെയും കയര്‍, കൈത്തറി, ഖാദി-ഗ്രാമവ്യവസായം, വ്യവസായം തുടങ്ങിയ വകുപ്പുകളുടെ കീഴിലുള്ള സംഘങ്ങളിലെയും വെല്‍ഫയര്‍ബോര്‍ഡില്‍ അംഗങ്ങായ ദുര്‍ബലവിഭാഗം സംഘങ്ങളിലെ ജീവനക്കാര്‍ക്കും കമ്മീഷന്‍ ഏജന്റുമാര്‍ക്കും അപേക്ഷിക്കാം.
ബോണസ്/ഉല്‍സവബത്ത നല്‍കാന്‍ സാധിക്കില്ലെന്ന സംഘം പ്രസിഡന്റിന്റെയും സെക്രട്ടറിയുടെയും സത്യവാങ്മൂലവും സ്ഥാപനത്തിന്റെ ഭരണനിയന്ത്രണച്ചുമതലയുള്ള താലൂക്ക്/ജില്ല/സംസ്ഥാനതലമേലുദ്യോഗസ്ഥന്റെ ശുപാര്‍ശയും (കൗണ്ടര്‍സൈന്‍)സഹിതമുള്ള അപേക്ഷ സെപ്റ്റംബര്‍ 13നകം കിട്ടണം. തപാലിലോ ഇമെയിലിലോ അയക്കാം. യഥാസമയം കിട്ടിയെന്ന്് ഉറപ്പാക്കണം. അപേക്ഷാഫോറവും വിശദവിവരവും ബോര്‍ഡിന്റെ വെബ്‌സൈറ്റില്‍ www.kscewb.kerala.gov.in കിട്ടും. ബോര്‍ഡിന്റെ 04/2024 നമ്പര്‍ സര്‍ക്കുലറിലും വിശദവിവരങ്ങളുണ്ട്. നിര്‍ദിഷ്ടമാതൃകയിലല്ലാത്ത അപേക്ഷ പരിഗണിക്കില്ല. അപേക്ഷിക്കണ്ട വിലാസം അഡീഷണല്‍ രജിസ്ട്രാര്‍/സെക്രട്ടറി-ട്രഷറര്‍, കേരള സ്റ്റേറ്റ് കോ-ഓപ്പറേറ്റീവ് എംപ്ലോയീസ് വെല്‍ഫയര്‍ ബോര്‍ഡ്, പി.ബി. നമ്പര്‍-427, ഏഴാംനില, ജവഹര്‍ സഹകരണഭവന്‍, ഡി.പി.ഐ. ജങ്ഷന്‍, തൈക്കാട് പി.ഒ. തിരുവനന്തപുരം 695014. ഫോണ്‍ 0471 2333300.
