മള്‍ട്ടി സ്റ്റേറ്റ് സഹകരണസംഘം നിയമഭേദതിബില്‍: ജെ.പി.സി. റിപ്പോര്‍ട്ട് സമര്‍പ്പിച്ചു
2022 ഡിസംബര്‍ ഏഴിനു കേന്ദ്ര സഹകരണമന്ത്രി അമിത് ഷായാണു ഭേദഗതിബില്‍ ലോക്‌സഭയില്‍ അവതരിപ്പിച്ചത്. സഹകരണ താല്‍പ്പര്യങ്ങള്‍ക്കെതിരാണു ബില്‍ എന്നു പ്രതിപക്ഷം വിമര്ശനമുന്നയിച്ചതിനെത്തുടര്
ബില്ലിലെ ചില വ്യവസ്ഥകള്‍ ബാങ്കിങ് നിയന്ത്രണനിയമത്തിന് എതിരാകുമെന്ന റിസര്‍വ് ബാങ്കിന്റെ ആശങ്കയ്ക്കു അടിസ്ഥാനമില്ലെന്നു ബില്ലിലെ ഭേദഗതികള്‍ക്ക് അംഗീകാരം നല്‍കിയ ജെ.പി.സി. വ്യക്തമാക്കി. വിദ്യാഭ്യാസനിധിയുടെ സൂക്ഷിപ്പ് തങ്ങള്‍ക്കു മാത്രമായിരിക്കണമെന്ന ദേശീയ സഹകരണ യൂണിയന്റെ ( എന്‍.സി.യു.ഐ. ) വാദം ജെ.പി.സി. അംഗീകരിച്ചില്ല. വിദ്യാഭ്യാസനിധിയിലെ പണം ചെലവഴിക്കുന്ന കാര്യത്തില്‍ നിര്‍ണായകതീരുമാനം കൈക്കൊള്ളുന്നതു എന്‍.സി.യു.ഐ. ആയിരിക്കുമെങ്കിലും നിധിയുടെ കസ്റ്റോഡിയന്‍ കേന്ദ്രസര്‍ക്കാരായിരിക്കുമെന്ന വ്യവസ്ഥയാണു ജെ.പി.സി. അംഗീകരിച്ചത്. സഹകരണ തിരഞ്ഞെടുപ്പ് അതോറിറ്റി, സഹകരണ ഓംബുഡ്‌സ്മാന്‍, സഹകരണ പുനരധിവാസനിധി തുടങ്ങിയ കാര്യങ്ങളിലെല്ലാം ഭേദഗതിനിര്‍ദേശങ്ങളോട് സമിതി യോജിപ്പു പ്രകടിപ്പിച്ചു. നടപ്പു ബജറ്റുസമ്മേളനത്തില്‍ത്തന്നെ ഈ ജെ.പി.സി. റിപ്പോര്‍ട്ട് ചര്‍ച്ചക്കെടുക്കാന്‍ സാധ്യതയുണ്ട്.
