അന്താരാഷ്ട്രസഹകരണസഖ്യത്തില്‍ ഫിനാന്‍സ്‌ ഓഫീസര്‍ ഒഴിവ്‌

അന്താരാഷ്ട്രസഹകരണസഖ്യത്തില്‍ (ഐസിഎ) ഫിനാന്‍സ്‌ ഓഫീസറുടെ ഒഴിവുണ്ട്‌. നവംബര്‍ 10നകം അപേക്ഷിക്കണം. ബ്രസ്സല്‍സിലെ അവന്യൂ മില്‍ക്യാമ്പ്‌സ്‌ 105ലുള്ള ഐസിഎ ആഗോളകാര്യാലയങ്ങളിലാവും നിയമനം. ശമ്പളം മാസം 3000-3500 യൂറോ. ബെല്‍ജിയത്തില്‍ ജോലി ചെയ്യാനുള്ള നിയമപരമായ അവകാശം ഉണ്ടായിരിക്കണം. അക്കൗണ്ടിങ്‌/ഫൈനാന്‍സസ്‌-എ1/എ2(അല്ലെങ്കില്‍ തത്തുല്ല്യം) ബിരുദമുള്ളയാളോ (ഫൈനലിസ്റ്റുമാകാം) പ്രൊഫഷണലോ ആയിരിക്കണം. ഇംഗ്ലീഷ്‌ അനായാസം കൈകാര്യം ചെയ്യാന്‍ കഴിയണം, അക്കൗണ്ടന്‍സിയിലും ബുക്ക്‌ കീപ്പിങ്‌ സോഫ്‌റ്റുവെയറിലും പരിജ്ഞാനം, അതിവേഗം യഥാസമയം കാര്യങ്ങള്‍ നടത്തി ഫലമുളവാക്കാനുള്ള കഴിവ്‌. സൂക്ഷ്‌്‌മാംശങ്ങള്‍വരെ ശ്രദ്ധിക്കാനും മുന്‍ഗണനകള്‍ നിശ്ചയിക്കാനുമുള്ള കഴിവ്‌, വിവിധസംസ്‌കാരങ്ങളില്‍ നിന്നുള്ളവരുമൊത്തു പ്രവര്‍ത്തിക്കാനുളള കഴിവ്‌, വിവരസാങ്കേതികവിദ്യയിലും ആശയവിനിമയത്തിലും നല്ല വൈദഗ്‌ധ്യം, സഹകരണമൂല്യങ്ങളോടും തത്വങ്ങളോടുമുള്ള പ്രതിബദ്ധത എന്നിവയും ഉണ്ടായിരിക്കണം. മറ്റുഭാഷകള്‍ (പ്രത്യേകിച്ചു സ്‌പാനിഷും ഫ്രഞ്ചും) അറിഞ്ഞിരിക്കുന്നതും അന്താരാഷ്ട്രപ്രോജക്ടുകളിലെ (പ്രത്യേകിച്ചു യൂറോപ്യന്‍ സാമ്പത്തികസഹായത്തോടെയുളള) സാമ്പത്തികറിപ്പോര്‍ട്ടിങ്‌ പരിജ്ഞാനവും പരിചയവും അഭികാമ്യം. കൂടുതല്‍ വിവരം www.ica.coop ല്‍ കിട്ടും.