പദ്ധതിധനസഹായം: അന്തിമമാര്‍ഗനിര്‍ദേശങ്ങളായി
ബാങ്കുകളും ധനകാര്യസ്ഥാപനങ്ങളും വിവിധ പദ്ധതികള്‍ക്കു ധനസഹായം നല്‍കുമ്പോള്‍ റിസ്‌കുകള്‍ നേരിടാന്‍ കരുതലായി വകയിരുത്തേണ്ട വിഹിതം സംബന്ധിച്ച വ്യവസ്ഥകളില്‍ കൂടുതല്‍ അയവുവരുത്തുക്കൊണ്ട്‌ റിസര്‍വ്‌ ബാങ്ക് പദ്ധതിധനസഹായങ്ങള്‍ക്കുള്ള അന്തിമവിവേകമാര്‍ഗനിര്‍ദേശങ്ങള്‍
ഇതനുസരിച്ചു തിരിച്ചടവു വ്യവസ്ഥകളും മാറും. നിര്‍മാണത്തിലിരിക്കുന്ന പദ്ധതികള്‍ക്കു റിസ്‌കിന്റെ കാര്യത്തില്‍ നിശ്ചയിച്ചിട്ടുള്ള സ്റ്റാന്റേഡ്‌ ആസ്‌തി വകയിരുത്തല്‍തുക ഒരു ശതമാനമാണ്‌. കരടുവിജ്ഞാപനത്തില്‍ അഞ്ചുശതമാനം വകയിരുത്തണമെന്നാണു പറഞ്ഞിരുന്നത്‌. ഡിസിസിഒ പ്രകാരം വാണിജ്യാടിസ്ഥാനത്തില്‍ പ്രവര്‍ത്തനം തുടങ്ങേണ്ട ദിവസം തുടങ്ങിയില്ലെങ്കില്‍, വൈകുന്ന ഒരോ മൂന്നുമാസംതോറും ഈ തുക കൂടിക്കൊണ്ടിരിക്കും. നിര്‍മാണത്തിലുള്ള വാണിജ്യറിയല്‍എസ്‌റ്റേറ്റ്‌ (സിആര്‍ഇ) പദ്ധതികളുടെ റിസ്‌കിനു വകയിരുത്തേണ്ട തുക 1.25 ശതമാനമാണ്‌. പ്രവര്‍ത്തനം തുടങ്ങിയാല്‍ സിആര്‍ഇക്കുള്ള ആസ്‌തിവകയിരുത്തല്‍ ഒരു ശതമാനവും സിആര്‍ഇ-ഭവനപദ്ധതികള്‍ക്കുള്ള ആസ്‌തിവകയിരുത്തല്‍ മുക്കാല്‍ ശതമാനവും ആയിരിക്കും. മറ്റുപദ്ധതികള്‍ക്കു 0.40 ശതമാനവും. നേരത്തേയുള്ള കരടുനിര്‍ദേശങ്ങളില്‍ ഇത്‌ ഒരു ശതമാനവും രണ്ടരശതമാനവും ഒക്കെ വേണമെന്നു പറഞ്ഞിരുന്നു.
