കമ്പനി സെക്രട്ടറി കോഴ്‌സിന് സാധ്യത ഏറുന്നു
ആഗോള സാമ്പത്തികമാന്ദ്യത്തിലും തൊഴില്‍സാധ്യതയുള്ള കോഴ്‌സാണു കമ്പനി സെക്രട്ടറി കോഴ്‌സ്. മൂന്നു വര്‍ഷമാണു കോഴ്‌സിന്റെ കാലയളവ്. കമ്പനി സെക്രട്ടറി കോഴ്‌സ് പൂര്‍ത്തിയാക്കിയവര്‍ക്കു കോര്‍പ്പറേറ്റ്തലത്തില്‍ രാജ്യത്തിനകത്തും വിദേശത്തും നല്ല അവസരങ്ങളുണ്ട്. പ്ലസ് ടു പൂര്‍ത്തിയാക്കിയവര്‍ക്കു കമ്പനി സെക്രട്ടറീസ് കോഴ്‌സിനു പഠിക്കാം. ഫൗണ്ടേഷന്‍, എക്‌സിക്യൂട്ടീവ്, പ്രൊഫഷണല്‍ എന്നീ മൂന്നു പ്രോഗ്രാമുകള്‍ കോഴ്‌സിന്റെ ഭാഗമായുണ്ട്. ബിരുദം പൂര്‍ത്തിയാക്കിയവര്‍ക്ക് എക്‌സിക്യൂട്ടീവ്, പ്രൊഫഷണല്‍ പ്രോഗ്രാമുകള്‍ മതിയാകും. പ്ലസ് ടു ഫൈനാര്‍ട്‌സ് വിദ്യാര്‍ഥികള്‍ ഒഴികെ മറ്റെല്ലാവര്‍ക്കും ഫൗണ്ടേഷന്‍ പ്രോഗ്രാമിനു ചേരാം. ഫൈനാര്‍ട്‌സ് ഒഴികെയുള്ള ബിരുദം പൂര്‍ത്തിയാക്കിയവര്‍ക്ക് എക്്‌സിക്യൂട്ടീവ് പ്രോഗ്രാമിനു ചേരാം. ഫൗണ്ടേഷന്‍ പ്രോഗ്രാമിനു വര്‍ഷത്തില്‍ ഡിസംബര്‍, ജൂണ്‍ മാസങ്ങളില്‍ പരീക്ഷയുണ്ടാകും. ഇതിനായി യഥാക്രമം മാര്‍ച്ച് 31 നും സെപ്റ്റംബര്‍ 30 നുമുള്ളില്‍ അപേക്ഷിക്കണം.
ഫൗണ്ടേഷന്‍ പ്രോഗ്രാമിനു നാലു പേപ്പറുകളുണ്ട്. ബിസിനസ് എന്‍വിറോണ്‍മെന്റ് ആന്റ് ലോ, ബിസിനസ് മാനേജ്‌മെന്റ്, എത്തിക്‌സ് ആന്റ് സംരംഭകത്വം, ബിസിനസ് ഇക്കണോമിക്‌സ്, ഫണ്ടമെന്റല്‍സ് ഓഫ് അക്കൗണ്ടിംഗ് ആന്റ് ഓഡിറ്റിംഗ് എന്നിവയാണു നാലു പേപ്പറുകള്‍. എക്്‌സിക്യൂട്ടീവ് പ്രോഗ്രാമില്‍ നാലു കോഴ്‌സുകള്‍ വീതമുള്ള രണ്ടു മൊഡ്യൂളുകളുണ്ട്. എക്‌സിക്യൂട്ടീവ് പ്രോഗ്രാമില്‍ മൂന്നു മൊഡ്യൂളുകളിലായി എട്ട് പേപ്പറുകളും എലെക്റ്റീവ് പേപ്പറുമുണ്ട്.
4500 രൂപയാണു ഫൗണ്ടേഷന്‍ പ്രോഗ്രാമിന്റെ ഫീസ്. എക്‌സിക്യൂട്ടീവ് പ്രോഗ്രാമിനു 12,500 രൂപവരെ വേണ്ടിവരും. പ്രൊഫഷണല്‍ പ്രോഗ്രാം ഫീസ് 12,000 രൂപയാണ്. പരീക്ഷാഫീസ് മോഡ്യൂളിനു 1200 രൂപവരെ വേണ്ടിവരും. കോര്‍പ്പറേറ്റ് കാര്യങ്ങള്‍ക്കായുള്ള മന്ത്രാലയത്തിന്റെ കീഴിലുള്ള ഇന്‍സ്റ്റിറ്റ്യൂട്ട് ഓഫ് കമ്പനി സെക്രട്ടറീസ് ഓഫ് ഇന്ത്യയാണു പരീക്ഷ നടത്തുന്നത്. കൂടുതല്‍ വിവരങ്ങള്‍ക്ക് : ംംം.ശരശെ.ലറൗ
എ.സി.സി.എ. ക്ക്
പഠിക്കാന്‍
എ.സി.സി.എ ( Association of Certified Chartered Accountants ) കോഴ്‌സിനു കൂടുതല്‍ വിദ്യാര്‍ഥികള്‍ താല്‍പ്പര്യം പ്രകടിപ്പിക്കാറുണ്ട്. ആഗോള അംഗീകാരമുള്ള ഇന്റര്‍നാഷണല്‍ ഫെഡറേഷന്‍ ഓഫ് അക്കൗണ്ടന്റ്‌സിന്റെ ( IFAC ) പ്രൊഫഷണല്‍ യോഗ്യതയാണിത്. ലോകത്തിലെ 178 രാജ്യങ്ങളില്‍ അംഗീകാരമുള്ള അക്കൗണ്ടിംഗ് പ്രോഗ്രാമാണിത്. പ്ലസ് ടു പൂര്‍ത്തിയാക്കിയ, 18 വയസ് കഴിഞ്ഞ വിദ്യാര്‍ഥികള്‍ക്ക് എ.സി.സി.എ. ക്കു പഠിക്കാം. പ്ലസ് ടു തലത്തില്‍ കണക്കും ഇംഗ്ലീഷും പഠിച്ചിരിക്കണം. മൊത്തം 65 ശതമാനം മാര്‍ക്ക് ലഭിച്ചിരിക്കണം. തിരഞ്ഞെടുത്ത വിഷയങ്ങളില്‍ കുറഞ്ഞത് 50 ശതമാനമെങ്കിലും മാര്‍ക്ക് നേടിയിരിക്കണം. മൊത്തം 13 പേപ്പറുകളുണ്ട്. ഇതില്‍ അറിവിനായി മൂന്നും തൊഴില്‍ നൈപുണ്യം, പ്രൊഫഷണല്‍തലം എന്നിവയ്ക്കായി അഞ്ചു വീതം പേപ്പറുകളുമുണ്ട്. പ്ലസ് ടു പൂര്‍ത്തിയാക്കിയവര്‍ക്കു മൂന്നു വര്‍ഷവും ബിരുദം പൂര്‍ത്തിയാക്കിയവര്‍ക്കു രണ്ടു മുതല്‍ രണ്ടര വര്‍ഷവും വേണ്ടിവരും. വര്‍ഷത്തില്‍ മാര്‍ച്ച്, ജൂണ്‍, സെപ്റ്റംബര്‍, ഡിസംബര്‍ മാസങ്ങളിലാണ് പരീക്ഷ. കൂടുതല്‍ വിവരങ്ങള്‍ക്ക് : www.ifac.org, www.accaglobal.com
വിദേശ
പഠനം
വിദേശത്തു പഠിയ്ക്കാന്‍ പോകുന്ന വിദ്യാര്‍ഥികളുടെ എണ്ണം വര്‍ധിച്ചുവരികയാണ്. രാജ്യത്തു നിന്നു പ്രതിവര്‍ഷം ഏഴര ലക്ഷത്തോളം വിദ്യാര്‍ഥികള്‍ വിദേശ വിദ്യാഭ്യാസസ്ഥാപനങ്ങളില്‍ അഡ്മിഷന്‍ നേടുന്നുണ്ട്. ഇവരില്‍ കേരളത്തില്‍ നിന്നുള്ള നാല്‍പ്പതിനായിരത്തോളം വിദ്യാര്‍ഥികളുമുണ്ട്. മുന്‍കാലങ്ങളില്‍ ബിരുദം, ബിരുദാനന്തര ബിരുദം എന്നിവയ്ക്കുശേഷമാണു വിദ്യാര്‍ഥികള്‍ വിദേശപഠനത്തിനു താല്‍പ്പര്യം കാണിച്ചിരുന്നത്. എന്നാല്‍, കോവിഡിനുശേഷം അവസ്ഥയില്‍ മാറ്റം വന്നു. പ്ലസ് ടു കഴിഞ്ഞു വിദേശ സര്‍വകലാശാലകളില്‍ ബിരുദ (അണ്ടര്‍ഗ്രാഡുവേറ്റ്) പ്രോഗ്രാമിനു പഠിയ്ക്കുന്നവരുടെ എണ്ണം ഇപ്പോള്‍ കൂടിവരികയാണ്.
പഠനത്തിന് ഏതു രാജ്യത്തു പോകണം, ഏതാണു മികച്ച ഉപരിപഠനമേഖല, നടപടിക്രമങ്ങള്‍ എന്തൊക്കെ, എത്ര ചെലവ് വരും, സ്‌കോളര്‍ഷിപ്പ് കിട്ടുമോ തുടങ്ങിയ ചോദ്യങ്ങള്‍ വിദ്യാര്‍ഥികളുടെയും രക്ഷിതാക്കളുടെയും മനസ്സിലുണരുക സ്വാഭാവികം. വിദേശപഠനത്തിനാഗ്രഹിക്കുന്ന രാജ്യങ്ങളെക്കുറിച്ചു വ്യക്തമായി പഠിച്ചിരിക്കണം. ഉപരിപഠന സാധ്യത, കോഴ്‌സുകള്‍, സ്‌കോളര്‍ഷിപ്പിനുള്ള സാധ്യത തുടങ്ങിയ കാര്യങ്ങള്‍ അറിഞ്ഞിരിക്കണം. ഇതുമായി ബന്ധപ്പെട്ട് ഇനി പറയുന്ന വെബ്‌സൈറ്റുകള്‍ സന്ദര്‍ശിക്കാം. അമേരിക്ക, യു.കെ, ഓസ്‌ട്രേലിയ, കാനഡ, ന്യൂ സിലാന്‍ഡ്, യൂറോപ്യന്‍ യൂണിയന്‍ രാജ്യങ്ങള്‍, ജര്‍മനി, ഫ്രാന്‍സ്, സിംഗപ്പൂര്‍ എന്നിവിടങ്ങളിലാണു സാധ്യതയേറെ. അമേരിക്ക https://educationusa.state.gov/ www.usief.org.in/chennai, യു.കെ- https://study-uk.britishcouncil.org, www.britishcouncil.org, www.gov.ik, www.ucas.com. ഓസ്‌ട്രേലിയ – www.idp.com, www.studyaustralia.gov.au, www.cricos.education.gov.au. കാനഡ www.educanada.ca, www.canada.ca, www.immigration.ca. ന്യൂസിലന്‍ഡ് – https://www.studywithnewzealand.govt.nz, www.education.govt.nz, www.studywithnewzealand.govt.nz. ജര്‍മനി – www.daad.in, https://www.deutschland.de/en/study-in-germany. ഫ്രാന്‍സ് – www.campusfrance.org. യൂറോപ്യന്‍ യൂണിയന്‍ – www.study.eu, https:// www.deutschland.de/en/study-in. സിംഗപ്പൂര്‍ – www.moe.gov.sg.
കേന്ദ്ര സര്‍വകലാശാല
പൊതു പ്രവേശനപ്പരീക്ഷ
കേന്ദ്ര സര്‍വകലാശാലകളുടെ കീഴില്‍ ബിരുദപ്രവേശനത്തിനുള്ള പൊതുപ്രവേശനപ്പരീക്ഷയായ യൂണിവേഴ്‌സിറ്റി എന്‍ട്രന്‍സ് ടെസ്റ്റിന് ( ഇഡഇഋഠ ഇലിൃേമഹ ഡിശ്‌ലൃശെ്യേ ഇീാാീി ഋിൃേമിരല ഠലേെ) ഇപ്പോള്‍ അപേക്ഷിക്കാം. നാഷണല്‍ ടെസ്റ്റിംഗ് ഏജന്‍സിയാണു പരീക്ഷ നടത്തുന്നത്. മാര്‍ച്ച് 12 വരെ ഓണ്‍ലൈനായി അപേക്ഷിക്കാം. പരീക്ഷയ്ക്കു നാലു ഭാഗങ്ങളുണ്ട്. സെക്ഷന്‍1 എ.യില്‍ പതിമൂന്നു ഭാഷകളുണ്ട്. മലയാളത്തിലും പരീക്ഷയെഴുതാം. സെക്ഷന്‍1 ബി. യില്‍ 20 ഭാഷകളുമുണ്ട്. സെക്ഷന്‍ സി. പൊതുവിജ്ഞാനം, മെന്റല്‍ എബിലിറ്റി, ന്യൂമെറിക്കല്‍ എബിലിറ്റി, ക്വാണ്ടിറ്റേറ്റീവ് റീസണിംഗ് എന്നിവയടങ്ങിയ പേപ്പറാണ്. സെക്ഷന്‍ ഒന്നില്‍ എ. വിഭാഗത്തില്‍ ഭാഷാവിഷയം തിരഞ്ഞെടുക്കാം. സെക്ഷന്‍ രണ്ടില്‍ പരമാവധി ആറു വിഷയങ്ങള്‍ തിരഞ്ഞെടുക്കാം. സെക്ഷന്‍ മൂന്നില്‍ പൊതുവായ ചോദ്യങ്ങളാണ്. ഇതില്‍ പൊതുവിജ്ഞാനം, ന്യൂമെറിക്കല്‍ എബിലിറ്റി, മെന്റല്‍ എബിലിറ്റി, റീസണിംഗ് എന്നിവയ്ക്കു പ്രാധാന്യമുണ്ടായിരിക്കും. പരീക്ഷത്തീയതി മെയ് 21 മുതല്‍ 31 വരെയാണ്. പ്ലസ് ടു ജയിച്ചവര്‍, ഈ വര്‍ഷം അവസാനവര്‍ഷ പരീക്ഷയെഴുതുന്നവര്‍ എന്നിവര്‍ക്ക് അപേക്ഷിക്കാം. പരീക്ഷയ്ക്ക് ംംം.രൗല.േമൊമൃവേ.മര.ശി വഴി അപേക്ഷിക്കാം. ബിരുദ പ്രോഗ്രാമിനു ചേരാനുദ്ദേശിക്കുന്ന വിഷയങ്ങള്‍ കൂടുതലായി സെക്ഷന്‍ രണ്ടില്‍ പരീക്ഷയ്ക്കായി തിരഞ്ഞെടുക്കാം. ജെ.എന്‍.യു, ഡല്‍ഹി സര്‍വകലാശാലകളുടെ കീഴിലുള്ള കോളേജുകളിലും ഇഡഇഋഠ റാങ്ക് ലിസ്റ്റ് വഴിയാണ് ഈ വര്‍ഷം പ്രവേശനം. പരീക്ഷയ്ക്കു സിലബസ്സിനനുസരിച്ച് തയാറെടുക്കണം.
കോസ്‌മെറ്റോളജിക്ക്
ഡിമാന്റ് കൂടുന്നു
അടുത്തകാലത്തായി വിദ്യാര്‍ഥികള്‍ താല്‍പ്പര്യം പ്രകടിപ്പിക്കുന്ന മേഖലയാണു സൗന്ദര്യവര്‍ധക ശാസ്ത്രം അഥവാ കോസ്‌മെറ്റോളജി. പ്രായം കുറച്ചു കാണാനുള്ള പ്രവണത വര്‍ധിച്ചുവരികയാണ്. ഇതിനുതകുന്ന രീതിയില്‍ റീജനറേറ്റീവ് ബയോളജി, ടെക്‌നോളജി എന്നിവയില്‍ കൂടുതലായി ഗവേഷണപ്രവര്‍ത്തനങ്ങള്‍ നടന്നുവരുന്നു. കോസ്‌മെറ്റോളജിയില്‍ ക്ലിനിക്കല്‍, ജനറല്‍ / നോണ്‍ ക്ലിനിക്കല്‍ വിഭാഗങ്ങളുണ്ട്. രജിസ്േ്രടഡ് മെഡിക്കല്‍ പ്രാക്റ്റീഷണറുടെ മേല്‍നോട്ടത്തില്‍ ചെയ്യേണ്ടവ ക്ലിനിക്കല്‍ വിഭാഗത്തില്‍പ്പെടും. കോസ്‌മെറ്റിക് ചികിത്സയ്ക്കായി എത്തുന്നവരില്‍ കൂടുതല്‍ പേരും ഉയര്‍ന്ന ഫീസ് താങ്ങാന്‍ ശേഷിയുള്ളവരാണ്.
പ്ലസ് ടു ഏതു ഗ്രൂപ്പെടുത്തവര്‍ക്കും ചെയ്യാവുന്ന കോസ്‌മെറ്റോളജി ബിരുദ കോഴ്‌സുകളുണ്ട്. ബയോളജി ഗ്രൂപ്പെടുത്തവര്‍ക്കു പഠിക്കാന്‍ എളുപ്പമായിരിക്കും. ബി.എസ്‌സി കോസ്‌മെറ്റോളജിയാണു ബിരുദ കോഴ്‌സ്. മൂന്നു വര്‍ഷമാണ് കോഴ്‌സ് കാലയളവ്. ത്വക്ക് സംരക്ഷണത്തിലും മികച്ച ശരീരപ്രകൃതിയിലും പ്രായക്കുറവ് കാണിക്കുന്നതിലും ഊന്നല്‍ നല്‍കുന്ന കോഴ്‌സാണിത്. കോഴ്‌സ് പൂര്‍ത്തിയാക്കിയവര്‍ക്കു മികച്ച തൊഴില്‍ ലഭിക്കും. സ്വന്തമായി സംരംഭങ്ങളും തുടങ്ങാം.
മേക്കപ്പ്, ത്വക്ക് സംരക്ഷണം, സൗന്ദര്യവര്‍ധക സേവനങ്ങള്‍, ശരീരം, തലമുടി, നഖങ്ങള്‍ മുതലായവയുടെ സംരക്ഷണം, ഇവന്റ് മാനേജ്മന്റ് തുടങ്ങി നിരവധി മേഖലകളില്‍ പരിശീലനം ലഭിക്കും. നിരവധി കോസ്‌മെറ്റിക് കമ്പനികള്‍, പ്രസിദ്ധീകരണങ്ങള്‍, മീഡിയ, ഫാഷന്‍ ഡിസൈന്‍, കമ്യൂണിക്കേഷന്‍ സ്ഥാപനങ്ങള്‍ക്കും കോസ്‌മെറ്റോളജി വിദഗ്ദ്ധരെ ആവശ്യമുണ്ട്. അടുത്തകാലത്താണ് ഈ മേഖലയ്ക്കു കൂടുതല്‍ പ്രാധാന്യം ലഭിച്ചുതുടങ്ങിയത്. 3-6 മാസം വരെ നീളുന്ന ബ്യൂട്ടീഷ്യന്‍, മേക്കപ്പ് ആര്‍ട്ടിസ്റ്റ്, ഹെയര്‍ ട്രാന്‍സ്പ്ലാന്റ്, പെര്‍ഫ്യൂമറി, ആയുര്‍വേദിക് തെറാപ്പി തുടങ്ങിയ കോഴ്‌സുകളാണു രാജ്യത്ത് കൂടുതലായി ഇപ്പോഴുള്ളത്. ഈ മേഖലയില്‍ പ്രൊഫഷണലിസം വന്നതോടെയാണു ബിരുദ കോഴ്‌സുകള്‍ രാജ്യത്തിനകത്തും വിദേശത്തും വിപുലപ്പെടാന്‍ തുടങ്ങിയത്. കോഴ്‌സ് പൂര്‍ത്തിയാക്കിയവര്‍ക്കു മികച്ച കമ്പനികളില്‍ പ്രതിവര്‍ഷം 18 ലക്ഷം രൂപവരെ ശമ്പളം പ്രതീക്ഷിക്കാം.
കോഴ്‌സ് കൂടുതലും
സ്വകാര്യമേഖലയില്‍
കോസ്‌മെറ്റിക് ബിരുദ കോഴ്‌സുകള്‍ കൂടുതലും സ്വകാര്യ മേഖലയിലാണുള്ളത്. Chandigarh University, Amity University, Symbiosis Skills and Professional University, Punjab University, University of Madras, Bharathiar University, National Institute of Ayurveda, Calicut University, Alagappa University, School of wellness Trivandrum, Kannur University, JD Institute of Fashion Technology, Kochi,
പേള്‍ അക്കാദമി,(ഡല്‍ഹി, മുംബൈ, നോയിഡ), ലണ്ടന്‍ സ്‌കൂള്‍ ഓഫ് ട്രെന്‍ഡ്‌സ്, ഡല്‍ഹി, വി.എല്‍.സി.സി. അക്കാദമി, ഡല്‍ഹി, ഷാനവാസ് ഹുസൈന്‍ ഇന്റര്‍നാഷണല്‍ ബ്യൂട്ടി അക്കാദമി എന്നിവയോടൊപ്പം ബ്യൂട്ടി കോസ്‌മെറ്റോളജിയില്‍ ബി. വോക് കോഴ്‌സുകളുമുണ്ട്. ബിരുദം പൂര്‍ത്തിയാക്കിയവര്‍ക്ക് അഡ്വാന്‍സ്ഡ് ഡിപ്ലോമ , ബിരുദാനന്തര കോഴ്‌സുകള്‍ക്കഴ ചേരാം. മികച്ച ഇന്റേണ്‍ഷിപ്പും ഭൗതിക സൗകര്യങ്ങളും പ്ലേസ്‌മെന്റുമുള്ള സ്ഥാപനങ്ങള്‍ കണ്ടെത്തണം. വിദേശത്തുള്ള മികച്ച കോളേജുകള്‍ : Empire Beauty School, FL, USA, ABI School of Barbering and Cosmetology, New York, St Paul College, Minnesota, Maryland Community College, North Carolina, USA, AOFM Makeup School, London, University of arts, London, University of Sunderland, University for Creative Arts, BA Makeup and hair design, Solent University, Buckinghamshire New University, University of Birmingham, London Metropolitan University, Edinburgh University, UK. Liverpool John Moores University, UK, Webster University, USA, Australian Academy of Cosmetic dermal sciences, Australia,
