ജാം, കാറ്റ് പരീക്ഷയ്ക്ക് അപേക്ഷിക്കാം

ദേശീയതലത്തില്‍ മികച്ച ഗവേഷണ സ്ഥാപനങ്ങളില്‍ ബിരുദാനന്തര പ്രോഗ്രാമിനുള്ള ജോയിന്റ് അഡ്മിഷന്‍ ടെസ്റ്റ് ഫോര്‍ മാസ്റ്റേഴ്സ് ( ഖഅങ ) ന് അപേക്ഷ ക്ഷണിച്ചു. ഗുവാഹട്ടി ഐ.ഐ.ടി. യാണ് ഈ വര്‍ഷം പരീക്ഷ കോ-ഓര്‍ഡിനേറ്റ് ചെയ്യുന്നത്. ഭിലായ്, ഭൂവനേശ്വര്‍, ബോംബെ, ഡല്‍ഹി, ധന്‍ബാദ്, ഗാന്ധിനഗര്‍, ഗുവാഹട്ടി, ഹൈദരാബാദ്, ഇന്‍ഡോര്‍, ജമ്മു, ജോധ്പൂര്‍, കാണ്‍പൂര്‍, ഖരഗ്പൂര്‍, പാട്ന, പാലക്കാട്, മാണ്ഡി, തിരുപ്പതി, റൂര്‍ഖി, റോപാര്‍, വാരാണാസി ഐ.ഐ.ടി. കളില്‍ ജാം വിലയിരുത്തിയാണു ബിരുദാനന്തര ബിരുദ പ്രവേശനം.

ബയോ ടെക്നോളജി, കെമിസ്ട്രി, ഇക്കണോമിക്സ്, ജിയോളജി, മാത്തമാറ്റിക്സ്, സ്റ്റാറ്റിസ്റ്റിക്സ്, ഫിസിക്സ് വിഷയങ്ങളില്‍ 2023 ഫെബ്രുവരി 12 നു രാവിലെയും കെമിസ്ട്രി, ജിയോളജി, ബയോ ടെക്നോളജി തുടങ്ങിയ വിഷയങ്ങളില്‍ ഉച്ചയ്ക്ക് ശേഷവും പരീക്ഷയെഴുതാം. ഒരാള്‍ക്ക് അധിക ഫീസടച്ച് രണ്ടു പരീക്ഷകളുമെഴുതാം. അപേക്ഷ ംംം.ഷമാ.ശശഴേ.മര.ശി വഴി സെപ്റ്റംബര്‍ ഏഴു മുതല്‍ ഒക്ടോബര്‍ 11 വരെ ഓണ്‍ലൈനായി സമര്‍പ്പിയ്ക്കാം. മൂന്നു മണിക്കൂര്‍ ദൈര്‍ഘ്യമുള്ള പരീക്ഷയില്‍ മള്‍ട്ടിപ്പിള്‍ ചോയ്സ്, മള്‍ട്ടിപ്പിള്‍ സെലക്ട്, ന്യൂമറിക്കല്‍ ആന്‍സര്‍ ടൈപ്പ് ചോദ്യങ്ങളുണ്ടാവും.

CAT 2022 പരീക്ഷ
നവംബറില്‍

രാജ്യത്തെ ഐ.ഐ.എമ്മുകള്‍, മികച്ച മാനേജ്മെന്റ് ഇന്‍സ്റ്റിറ്റ്യൂട്ടുകള്‍ എന്നിവയില്‍ പ്രവേശനത്തിനുള്ള കാറ്റ് പരീക്ഷ (ഇീാാീി അറാശശൈീി ഠെേല ) യ്ക്കു 50 ശതമാനം മാര്‍ക്കോടെ ബിരുദം പൂര്‍ത്തിയാക്കിയവര്‍ക്കും അവസാന വര്‍ഷ ബിരുദ വിദ്യാര്‍ഥികള്‍ക്കും അപേക്ഷിക്കാം. പ്രതിവര്‍ഷം രണ്ട് ലക്ഷത്തോളം വിദ്യാര്‍ഥികളെഴുതുന്ന പരീക്ഷയാണിത്. കംപ്യൂട്ടറധിഷ്ഠിത പരീക്ഷയില്‍ ക്വാണ്ടിറ്റേറ്റീവ് ആപ്റ്റിറ്റിയൂഡ്, ഡാറ്റ ഇന്റര്‍പ്രറ്റേഷന്‍, ലോജിക്കല്‍ റീസണിംഗ്, വെര്‍ബല്‍ എബിലിറ്റി, റീഡിംഗ് കോംപ്രിഹെന്‍ഷന്‍ സ്‌കില്ലുകള്‍ വിലയിരുത്തുന്ന ചോദ്യങ്ങളുണ്ടാകും. രണ്ടു മണിക്കൂറാണു പരീക്ഷാസമയം. പരീക്ഷാ സ്‌കോറിന് ഒരു വര്‍ഷത്തെ വാലിഡിറ്റിയുണ്ട്.

ഈ വര്‍ഷം ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് മാനേജ്മെന്റ് ബാംഗ്ലൂരാണു കാറ്റ് 2022 പരീക്ഷ നടത്തുന്നത്. അപേക്ഷ സെപ്റ്റംബര്‍ 14 വരെ ഓണ്‍ലൈനായി സമര്‍പ്പിയ്ക്കാം. നവംബര്‍ 27 നാണു പരീക്ഷ. കഇണഅ, ഇഅ, ഇട, ആക്ച്വറിയല്‍ സയന്‍സ് പൂര്‍ത്തിയാക്കിയവര്‍ക്കും കാറ്റ് പരീക്ഷയെഴുതാം. 40 മിനിട്ടു വീതം ദൈര്‍ഘ്യമുള്ള മൂന്നു ഭാഗങ്ങളിലായി മൊത്തം രണ്ട് മണിക്കൂര്‍ പരീക്ഷയാണിത്. നെഗറ്റീവ് മാര്‍ക്കിംഗ് രീതി നിലവിലുണ്ട്.
ഡാറ്റ ഇന്റര്‍പ്രെറ്റേഷന്‍ ആന്റ് ലോജിക്കല്‍ റീസണിംഗ്, വെര്‍ബല്‍ എബിലിറ്റി ആന്റ് റീഡിംഗ് കോംപ്രിഹെന്‍ഷന്‍, ക്വാണ്ടിറ്റേറ്റീവ് എബിലിറ്റി എന്നിവയാണു മൂന്നു സെക്ഷനുകള്‍. രാജ്യത്തെ ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് മാനേജ്മെന്റുകളില്‍ എം.ബി.എ. അഡ്മിഷനു കാറ്റില്‍ മികച്ച സ്‌കോര്‍ നേടണം. ചിട്ടയോടെയുള്ള തയാറെടുപ്പുകള്‍ കാറ്റില്‍ മികച്ച സ്‌കോര്‍ നേടാനുപകരിക്കും. കാറ്റ് 2022 നു മൊബൈല്‍ ഫോണിലൂടെ അപേക്ഷിക്കരുത്. ഒപ്പ്, ഫോട്ടോ എന്നിവ നിശ്ചിത വലിപ്പത്തില്‍ അപ്ലോഡ് ചെയ്യണം. കൂടുതല്‍ വിവരങ്ങള്‍ക്ക് ംംം.ശശാരമ.േമര.ശി എന്ന വെബ്സൈറ്റ് സന്ദര്‍ശിക്കുക.

CAT നു
ശേഷം എന്ത് ?

കേന്ദ്ര സര്‍വകലാശാലകളിലെ ബിരുദ പ്രവേശനത്തിനുള്ള പൊതു പ്രവേശന പരീക്ഷ ( ഇഡഇഋഠ ) യ്ക്കു ശേഷമുള്ള നടപടിക്രമങ്ങളെക്കുറിച്ച് വിദ്യാര്‍ഥികളിലും രക്ഷിതാക്കളിലും സംശയങ്ങളുണ്ടാവും. റിസല്‍ട്ട് വന്നശേഷം കൗണ്‍സലിംഗ് പ്രക്രിയയാരംഭിക്കും. കേന്ദ്ര സര്‍വകലാശാലകളിലെ ബിരുദ, ഇന്റഗ്രേറ്റഡ് ബിരുദാനന്തര ബിരുദ പ്രോഗ്രാമുകളിലേയ്ക്കുള്ള പ്രവേശനം പൊതു പ്രവേശന പരീക്ഷാ റാങ്ക് ലിസ്റ്റില്‍ നിന്നാണ്.

കൗണ്‍സലിംഗ് പ്രക്രിയയില്‍ പൊതു പ്രവേശന പരീക്ഷാ മാനദണ്ഡം അംഗീകരിക്കുന്ന എല്ലാ സര്‍വകലാശാലകളും പങ്കെടുക്കും. ഓണ്‍ലൈന്‍ വഴിയായിരിക്കും കൗണ്‍സലിംഗ് നടക്കുന്നത്. അപേക്ഷയോടൊപ്പം തങ്ങള്‍ക്കു താല്‍പ്പര്യമുള്ള ഉപരിപഠന മേഖലയിലെ കോഴ്സുകള്‍ക്ക് ഇതിനകം അപേക്ഷ നല്‍കിയവരാണ് യോഗ്യത നേടിയ വിദ്യാര്‍ഥികള്‍്. ഈ കോഴ്സുകള്‍ നടത്തുന്ന സ്ഥാപനങ്ങളില്‍ കൗണ്‍സലിംഗ് പ്രക്രിയയ്ക്കായി വെവ്വേറെ രജിസ്റ്റര്‍ ചെയ്യണം. ഉദാഹരണത്തിന്, ഇംഗ്ലീഷ്, വിദേശഭാഷാ കോഴ്സുകളില്‍ താല്‍പ്പര്യമുള്ളവര്‍ക്ക് ഇംഗ്ലീഷ് ആന്റ് ഫോറിന്‍ ലാംഗ്വേജ് യൂണിവേഴ്സിറ്റി വെബ്സൈറ്റില്‍ രജിസ്റ്റര്‍ ചെയ്ത് അഡ്മിഷനു ശ്രമിക്കാം. കൗണ്‍സലിംഗിനുശേഷം സര്‍വകലാശാലകള്‍ സെലക്ഷന്‍ ലിസ്റ്റ് പ്രസിദ്ധീകരിക്കും.

കേന്ദ്ര സര്‍വകലാശാലകളുടെ പൊതു പരീക്ഷാ റാങ്ക് ലിസ്റ്റില്‍ കുറഞ്ഞ കട്ട് ഓഫ് മാര്‍ക്ക് നിബന്ധനയുണ്ടാകും. ഓണ്‍ലൈന്‍ കൗണ്‍സലിംഗിലൂടെ താല്‍പ്പര്യമുള്ള കോളേജുകളും കോഴ്സുകളും മുന്‍ഗണനാക്രമത്തില്‍ രേഖപ്പെടുത്താം. അഡ്മിഷന്‍ ഓഫര്‍ ലഭിച്ചാല്‍ ഫീസടച്ച് സീറ്റ് ഉറപ്പാക്കാന്‍ ശ്രമിക്കണം. അഡ്മിഷന്‍ നടപടിക്രമങ്ങള്‍ സെപ്റ്റംബര്‍-ഒക്ടോബര്‍ മാസങ്ങളില്‍ പൂര്‍ത്തിയാകും.

 

കീം
നടപടി
ക്രമങ്ങളും
സാധ്യതകളും

സംസ്ഥാന പ്രവേശന പരീക്ഷാ കമ്മീഷണര്‍ നടത്തിയ എഞ്ചിനീയറിംഗ് പ്രവേശന പരീക്ഷയായ കീമിന്റെ മാര്‍ക്ക് ഇതിനകം പ്രസിദ്ധീകരിച്ചു. നിശ്ചിത തീയതിയ്ക്കകം വിദ്യാര്‍ഥികള്‍ പ്ലസ് ടു ഫിസിക്‌സ്, കെമിസ്ട്രി, മാത്തമാറ്റിക്‌സ് മാര്‍ക്കുകള്‍ കാന്‍ഡിഡേറ്റ് പോര്‍ട്ടലില്‍ അപ്‌ലോഡ് ചെയ്യണം. പ്ലസ് ടു മാര്‍ക്കിനു 50 ശതമാനം വെയിറ്റേജ് നല്‍കിയാണു റാങ്ക് ലിസ്റ്റ് പ്രസിദ്ധീകരിക്കുന്നത്.

സംസ്ഥാനത്തെ എഞ്ചിനീയറിംഗ്, ഫാര്‍മസി, കാര്‍ഷിക, വെറ്ററിനറി, ഫിഷറീസ് കോളേജുകളിലെ ബി.ടെക് കോഴ്‌സുകളിലേക്കുള്ള ബി.ഫാം, ബി.ടെക് അഗ്രിക്കള്‍ച്ചര്‍ എഞ്ചിനീയറിംഗ്, ഫുഡ് എഞ്ചിനീയറിംഗ്, ഡെയറി സയന്‍സ് ആന്റ് ടെക്‌നോളജി, ഫുഡ് ടെക്‌നോളജി, ബയോടെക്‌നോളജി കോഴ്‌സുകള്‍ക്കുള്ള അഡ്മിഷന്‍ കീം റാങ്ക് ലിസ്റ്റില്‍ നിന്നാണ്. സര്‍ക്കാര്‍, സ്വാശ്രയ ഫാര്‍മസി കോളേജുകളിലെ ബി.ഫാം പ്രോഗ്രാമിനു പ്രവേശന പരീക്ഷാ കമ്മീഷണര്‍ കീം പരീക്ഷയുടെ ആദ്യ പേപ്പര്‍ പരീക്ഷ എഴുതിയവരില്‍ നിന്നും റാങ്ക് ലിസ്റ്റ് തയാറാക്കും. നാറ്റാ ( NATA) സ്‌കോറിന്റെ അടിസ്ഥാനത്തിലാണു ബി.ആര്‍ക്ക് ( ആര്‍ക്കിടെക്ചര്‍ ) കോഴ്‌സുകളിലേക്കുള്ള പ്രവേശനം. ബി.ടെക് നാലു വര്‍ഷവും ബി.ആര്‍ക്ക് അഞ്ചു വര്‍ഷവുമാണ.്

പ്രവേശന പരീക്ഷാ റാങ്ക് ലിസ്റ്റ് വരുന്നതിനു മുമ്പായി താല്‍പ്പര്യമുള്ള ബ്രാഞ്ചുകള്‍, കോളേജുകള്‍ എന്നിവയെക്കുറിച്ച് വ്യക്തമായ തീരുമാനമെടുക്കണം. വിദ്യാര്‍ഥി ഇഷ്ടപ്പെടുന്നതും പഠിയ്ക്കാന്‍ പ്രാപ്തിയുള്ളതും പ്രസക്തിയുള്ളതുമായ മേഖല ലക്ഷ്യത്തിനനുസരിച്ച് തിരഞ്ഞെടുക്കണം.
കോര്‍ എഞ്ചിനീയറിംഗ് ബ്രാഞ്ചുകള്‍ തിരഞ്ഞെടുക്കാം. കമ്പ്യൂട്ടര്‍ സയന്‍സ്, ഐ.ടി, എഞ്ചിനീയറിംഗ് ബ്രാഞ്ചുകളാണു വിദ്യാര്‍ഥികള്‍ കൂടുതലായി താല്‍പ്പര്യപ്പെടുന്നത്. കോവിഡിനുശേഷം കമ്പ്യൂട്ടര്‍ സയന്‍സ് എഞ്ചിനീയറിംഗ് മേഖലയില്‍ പ്ലേസ്‌മെന്റ് വര്‍ധിച്ചുവരുന്നുണ്ട്. കൂടാതെ, ആര്‍ട്ടിഫിഷ്യല്‍ ഇന്റലിജന്‍സ്, മെഷീന്‍ ലേണിംഗ്, ഡാറ്റാ സയന്‍സ്, ബ്ലോക്ക് ചെയിന്‍ ടെക്‌നോളജി, ഓട്ടമേഷന്‍ കോഴ്‌സുകള്‍ക്കും സാധ്യതയേറെയുണ്ട്.

ഭൗതിക സൗകര്യ വികസനം, ക്രിയേറ്റിവിറ്റി, രൂപകല്‍പ്പന എന്നിവയില്‍ സിവില്‍, ആര്‍ക്കിടെക്ചര്‍ കോഴ്‌സുകള്‍ക്കു സാധ്യതയുണ്ട്.
എനര്‍ജി, ഓട്ടമേഷന്‍, ഡിസൈന്‍ ഹൈബ്രിഡ് വാഹനങ്ങള്‍, നിര്‍മാണം എന്നിവയില്‍ മെക്കാനിക്കല്‍ എഞ്ചിനീയറിംഗിനും കണക്ടിവിറ്റി, കമ്യൂണിക്കേഷന്‍ രംഗത്ത് ഇലക്‌ട്രോണിക്‌സ് ആന്റ് കമ്യൂണിക്കേഷനും സാധ്യതയുണ്ട്. ഇലക്ട്രിക്ക് വാഹനങ്ങളുടെ വരവ് ഇലക്ട്രിക്കല്‍ എഞ്ചിനീയറിംഗിനു കരുത്തേകുന്നു. കെമിസ്ട്രിയില്‍ താല്‍പ്പര്യമുള്ളവര്‍ക്കു കെമിക്കല്‍ എഞ്ചിനീയറിംഗും ബയോളജിയില്‍ താല്‍പ്പര്യമുള്ളവര്‍ക്കു ബയോ ടെക്‌നോളജി, ബയോ മെഡിക്കല്‍, ഡെയറി സയന്‍സ് ആന്റ് ടെക്‌നോളജി, ഫുഡ് ടെക്‌നോളജി, അഗ്രിക്കള്‍ച്ചര്‍ എഞ്ചിനീയറിംഗ് കോഴ്‌സുകള്‍ തിരഞ്ഞെടുക്കാം.

ഇംഗ്ലീഷ് പ്രാവീണ്യം,
ആശയമിനിമയ ശേഷി

സര്‍ക്കാര്‍, സ്വാശ്രയ, സഹകരണ മേഖലയില്‍ എഞ്ചിനീയറിംഗ് കോളേജുകളുണ്ട്. സര്‍ക്കാര്‍ സീറ്റില്‍ ഫീസ് താരതമ്യേന കുറവാണ്. ഏത് എഞ്ചിനീയറിംഗ് ബ്രാഞ്ച് കഴിഞ്ഞവര്‍ക്കും 75 ശതമാനത്തോളം പ്ലേസ്‌മെന്റ് ഐ.ടി. മേഖലയിലായതിനാല്‍ പഠനത്തോടൊപ്പം C++, Java Outreach, Python കമ്പ്യൂട്ടര്‍ ലാംഗ്വേജുകള്‍ പഠിയ്ക്കുന്നതു നല്ലതാണ്. പഠനത്തോടൊപ്പം ഇംഗ്ലീഷ് പ്രാവീണ്യം, ആശയവിനിമയ ശേഷി എന്നിവ മെച്ചപ്പെടുത്താനും തൊഴില്‍ നൈപുണ്യത്തില്‍ വൈദഗ്ധ്യം കൈവരിക്കാനും ശ്രമിക്കണം.

കീം റാങ്ക് ലിസ്റ്റ് പ്രസിദ്ധീകരിച്ചുകഴിഞ്ഞാല്‍ പ്രവേശന പരീക്ഷാ കമ്മീഷണര്‍ ഓണ്‍ലൈന്‍ കൗണ്‍സലിംഗിനുള്ള വിജ്ഞാപനം പുറത്തിറക്കും. ഒരാള്‍ക്ക് എത്ര ഓപ്ഷനും നല്‍കാം. ഓപ്ഷന്‍ നല്‍കുന്നതിനു മുമ്പ് താല്‍പ്പര്യമുള്ള കോഴ്‌സ് കോഡ്, കോളേജുകളുടെ കോഡ് എന്നിവ A 4 പേപ്പറില്‍ തയാറാക്കുന്നതു നല്ലതാണ്. വളരെ ശ്രദ്ധയോടെ ഓപ്ഷന്‍ നല്‍കണം.

 

 

 

[mbzshare]