സഹകരണ ഡാറ്റാ ബേസില്‍ 7.91 ലക്ഷം സംഘങ്ങള്‍, 29 കോടി അംഗങ്ങള്‍
രാജ്യത്തെ സഹകരണസംഘങ്ങളെക്കുറിച്ചു മൂന്നു ഘട്ടങ്ങളിലൂടെ വിവരങ്ങള്‍ ശേഖരിച്ചു കേന്ദ്ര സഹകരണമന്ത്രാലയം തയാറാക്കുന്ന സഹകരണ ഡാറ്റാ ബേസ് അവസാനഘട്ടത്തിലാണെന്നു സഹകരണമന്ത്രി അമിത് ഷാ ലോക്‌സഭയെ അറിയിച്ചു. 2023 നവംബര്‍ 24 വരെയുള്ള വിവരങ്ങളനുസരിച്ചു രാജ്യത്തെ സഹകരണസംഘങ്ങളുടെ എണ്ണം 7,91,547 ആണ്. ഇതിലെല്ലാംകൂടി 29,07,60,537 അംഗങ്ങളാണുള്ളത്. ഏറ്റവും കൂടുതല്‍ സംഘങ്ങളുള്ളതു മഹാരാഷ്ട്രയിലാണ്. ഏറ്റവും കുറവ് ലക്ഷദ്വീപിലും.
മഹാരാഷ്ട്രയില്‍ ഇതുവരെയുള്ള കണക്കനുസരിച്ചു 2,22,158 സഹകരണസംഘങ്ങളാണുള്ളത്. ഇതിലെല്ലാംകൂടി 5.8 കോടി അംഗങ്ങളുണ്ട്. രണ്ടാംസ്ഥാനത്തു ഗുജറാത്താണ്. 80,992 സംഘങ്ങളാണിവിടെയുള്ളത്. ഇവയില്‍ 1.68 കോടി അംഗങ്ങളുണ്ട്. മൂന്നാംസ്ഥാനത്തുള്ള തെലങ്കാനയില്‍ 60,122 സംഘങ്ങളും 1.42 കോടി അംഗങ്ങളുമാണുള്ളത്. ഏറ്റവും കുറവുള്ള ലക്ഷദ്വീപില്‍ 35 സംഘങ്ങളേയുള്ളു. അവയില്‍ 84,393 അംഗങ്ങളുണ്ട്.
മൂന്നു ഘട്ടങ്ങളിലായുള്ള വിവരശേഖരണത്തിന്റെ ആദ്യഘട്ടം 2023 ഫെബ്രുവരിയില്‍ പൂര്‍ത്തിയായി. 2.64 ലക്ഷം പ്രാഥമിക സഹകരണസംഘങ്ങളാണിതിലുണ്ടായിരുന്
