മുൻ എം.എൽ.എയും ഗുരുവായൂർ അർബൻ ബാങ്ക് ചെയർമാനുമായ അഡ്വ.വി.ബൽറാം അന്തരിച്ചു.

മുൻ എം.എൽ.എയും തൃശൂർ ജില്ലാ കോൺഗ്രസ് കമ്മിറ്റി മുൻ അധ്യക്ഷനും ഗുരുവായൂർ അർബൻ കോ.ഓപ്പറേറ്റീവ് ബാങ്ക് ചെയർമാനുമായ അഡ്വക്കേറ്റ് ബി.ബൽറാം അന്തരിച്ചു. 72 വയസ്സായിരുന്നു. തൃശ്ശൂർ പൂങ്കുന്നത്തെ വീട്ടിൽ രാവിലെ ജോലികാരിയാണ് വീണു കിടക്കുന്നത് കണ്ടത്. തൃശ്ശൂരിലെ ആശുപത്രിയിലെത്തിച്ചെങ്കിലും മരിച്ചിരുന്നു. കുറച്ചുകാലമായി ശാരീരിക അസ്വസ്ഥതകൾ ഉണ്ടായിരുന്നെങ്കിലും രാഷ്ട്രീയരംഗത്തും സഹകരണ രംഗത്തും നിറസാന്നിധ്യമായിരുന്നു കോൺഗ്രസുകാരുടെയും സഹകാരികളുടെയും ബാലാജി. തൃശ്ശൂർ ജില്ല പീപ്പിൾസ് വെൽഫെയർ കോ-ഓപ്പറേറ്റീവ് സൊസൈറ്റിയുടെ പ്രസിഡന്റ്കൂടിയാണ് അദ്ദേഹം. സംസ്കാരം പിന്നീട്. രണ്ട് പെൺമക്കളുണ്ട്.