റിസര്‍വ്‌ ബാങ്ക് ഇന്നൊവേഷന്‍ ഹബ്ബില്‍ ചീഫ്‌ എക്‌സിക്യൂട്ടീവ്‌ ഓഫീസര്‍ ഒഴിവ്‌
റിസര്‍വ്‌ ബാങ്ക് ഓഫ്‌ ഇന്ത്യയുടെ റിസര്‍വ്‌ബാങ്ക്‌ ഇന്നൊവേഷന്‍ ഹബ്ബില്‍ (ആര്‍ബിഐഎച്ച്‌) ചീഫ്‌ എക്‌സിക്യൂട്ടീവ്‌ ഓഫീസറുടെ ഒഴിവുണ്ട്‌. ബിരുദാനന്തരബിരുദവും സാമ്പത്തികരംഗത്തെ വെല്ലുവിളികള്‍ വിശകലനംചെയ്‌തു പരിഹരിക്കാനുള്ള നല്ല വൈദഗ്‌ധ്യവും വേണം. ധനകാര്യം, പേമെന്റ്‌, സാങ്കേതികവിദ്യ തുടങ്ങിയരംഗങ്ങളിലടക്കം പതിനഞ്ചിലേറെവര്‍ഷം പരിചയം; ഡിജിറ്റല്‍ പൊതുസാമഗ്രികള്‍ നിര്‍മിക്കാനുള്ള അത്യാധുനിക കണ്ടുപിടിത്തങ്ങള്‍ക്കു ചുക്കാന്‍പിടിക്കാനുള്ള കഴിവവ്‌; ഫ്രോണ്ടിയര്‍ ടെക്‌നോളജികളില്‍ അവഗാഹം; രൂപപ്പെട്ടുവരുന്ന സാങ്കേതികവിദ്യാപ്രോജക്ടുകള്‍ കൈകാര്യം ചെയ്യാനും ഉത്തരവാദിത്വത്തോടെ ഇന്നൊവേഷന്‍ നടത്താനും സാങ്കേതികവിദ്യാകേന്ദ്രിതമായി ചിന്തിക്കാനുമുള്ള കഴിവ്‌ തുടങ്ങി നിരവധി അഭികാമ്യയോഗ്യതകളും നിര്‍ദേശിക്കുന്നുണ്ട്‌. ബംഗളൂരുവിലായിരിക്കും നിയമനം. മൂന്നുവര്‍ഷത്തേക്കാണിത്‌. ഫെബ്രുവരി 21നകം അപേക്ഷിക്കണം. കൂടുതല്‍ വിവരം rbi.org.in ല്‍ ലഭിക്കും.
