എം.ബി.എ. പ്രവേശനം തേടുമ്പോള്‍
(2020 ആഗസ്റ്റ് ലക്കം)
ഡോ. ടി.പി. സേതുമാധവന്‍
കോവിഡാനന്തരം ലോകത്തെമ്പാടും തൊഴില്‍ മേഖലയില്‍ വന്‍ പ്രതിസന്ധിയുണ്ടാകുമെന്നാണ് ഇന്റര്‍നാഷണല്‍ ലേബര്‍ ഓര്‍ഗനൈസേഷന്‍ വിലയിരുത്തുന്നത്. വര്‍ധിച്ചുവരുന്ന തൊഴിലില്ലായ്മ പരിഹരിക്കാന്‍ തൊഴില്‍ലഭ്യതാ മികവിന് ഊന്നല്‍ നല്‍കേണ്ടതുണ്ട്.
ബിരുദം പൂര്‍ത്തിയാക്കിയവരും അവസാന വര്‍ഷ ബിരുദ വിദ്യാര്‍ഥികളും എം.ബി.എ. പഠനത്തിന് ഇന്നു കൂടുതലായി താല്‍പര്യം കാണിക്കുന്നു. നിരവധി ബിസിനസ് സ്‌കൂളുകളാണ് രാജ്യത്തിനകത്തും വിദേശത്തും കൂണുകള്‍ പോലെ മുളച്ചുവരുന്നത്. ഏതു വിഷയം പഠിച്ചവരും മാനേജ്‌മെന്റ് പഠനത്തിന് താല്‍പര്യപ്പെടുന്നു. ഈ രംഗത്ത് ഗുണനിലവാരമില്ലാത്ത ബി. സ്‌കൂളുകള്‍ നിരവധിയുണ്ട്. ഇത്തരം സ്ഥാപനങ്ങളില്‍ നിന്നു എം.ബി.എ. പൂര്‍ത്തിയാക്കിയവര്‍ തൊഴില്‍ലഭ്യതാ മികവില്‍ ഏറെ പിറകിലായിരിക്കും. എം.ബി.എ.പഠനത്തിന് ശ്രമിക്കുന്നവര്‍ ഇനി പറയുന്ന കാര്യങ്ങള്‍ശ്രദ്ധിക്കേണ്ടതുണ്ട്
1. എം.ബി.എ. രാജ്യത്തിനകത്താണോ വിദേശത്താണോ ചെയ്യാനുദ്ദേശിക്കുന്നതെന്ന് ആദ്യം തീരുമാനിക്കണം
2. രാജ്യത്തിനകത്തെ മികച്ച എ.ഐ.എമ്മുകളടക്കമുള്ള ബിസിനസ് സ്‌കൂളുകളില്‍ പ്രവേശനത്തിന് CAT സ്‌കോര്‍ആവശ്യമാണ്. കൂടാതെ XAT, KAT, CMAT, NMAT, GMAT, MAT തുടങ്ങി നിരവധി പ്രവേശന പരീക്ഷകളുണ്ട്. ബിസിനസ് സ്‌കൂളുകളുടെ നിലവാരമനുസരിച്ചാണ് അഭിരുചി പരീക്ഷ അഡ്മിഷന് മാനദണ്ഡമാക്കുന്നത്.
3. വ്യവസായ സ്ഥാപനങ്ങളുമായുള്ള സഹകരണം ബിസിനസ് സ്‌കൂളുകള്‍ക്ക് അത്യന്താപേക്ഷിതമാണ്. ഇവയില്ലാത്ത സ്ഥാപനങ്ങള്‍ തിരഞ്ഞെടുക്കരുത്.
4. പഠിക്കാനാഗ്രഹിക്കുന്ന സ്‌പെഷലൈസേഷന്‍ താല്‍പ്പര്യം, അഭിരുചി, ലക്ഷ്യം, തൊഴില്‍ലഭ്യത എന്നിവയ്ക്കനുസരിച്ച് തിരഞ്ഞെടുക്കണം.
5. തൊഴില്‍ നൈപുണ്യശേഷി വികസനം, സോഫ്റ്റ് സ്‌കില്‍, ആശയവിനിമയം, ഇന്റേണ്‍ഷിപ്പ് എന്നിവയ്ക്ക് ഊന്നല്‍ നല്‍കുന്ന കാമ്പസ് തിരഞ്ഞെടുക്കണം.
6. ബിസിനസ് സ്‌കൂളുകളുടെ റാങ്കിംഗ്, മുന്‍ വര്‍ഷ അഡ്മിഷന്റെ ടെസ്റ്റ് സ്‌കോറുകള്‍ എന്നിവ അറിഞ്ഞിരിക്കണം.
7. എം.ബി.എ. യ്ക്ക് തുല്യമാണെന്ന രീതിയില്‍ പരസ്യംചെയ്യുന്ന ബിരുദാനന്തര ഡിപ്ലോമ പ്രോഗ്രാമുകള്‍ ഉപേക്ഷിക്കുന്നതാണ് നല്ലത്.
8. ഇന്ത്യയില്‍ AICTE അംഗീകാരമുണ്ടോയെന്ന് വിലയിരുത്തണം.
9. വിദേശത്തെ് QS, THE, EQUIS,AMBA റാങ്കിംഗ് രീതികള്‍ വിലയിരുത്തണം.
10. വെബ്‌സൈറ്റുകള്‍ മാത്രം വിലയിരുത്തി എം.ബി.എ. അഡ്മിഷന് ശ്രമിക്കരുത്
11. വിദേശ എം.ബി.എ. അഡ്മിഷന് GMAT/GRE , TOEFL/IELTS സ്‌കോറുകള്‍ ആവശ്യമാണ്.
12. മുന്‍കാല പ്ലേസ്‌മെന്റ്, ശമ്പളം എന്നിവ വിലയിരുത്തുന്നത് നല്ലതാണ്.
13. പ്രവേശന പരീക്ഷകളായ CAT, GMAT എന്നിവയ്ക്ക് കുറഞ്ഞത് ആറു മാസത്തെ തയാറെടുപ്പ് ആവശ്യമാണ്. KMAT പരീക്ഷ വര്‍ഷത്തില്‍ രണ്ടു തവണ നടത്തും. ഇംഗ്ലീഷ് ഭാഷ, ക്വാണ്ടിറ്റേറ്റീവ് ആപ്റ്റിറ്റിയൂഡ്, പൊതുവിജ്ഞാനം, ബിസിനസ് ട്രെന്‍ഡുകള്‍ എന്നിവയില്‍ നിന്ന് ചോദ്യങ്ങളുണ്ടാകും.
14. വിദേശ എം.ബി.എ. യ്ക്ക് യു.കെ, ഫ്രാന്‍സ്, സിങ്കപ്പൂര്‍ എന്നിവ മികച്ച രാജ്യങ്ങളാണ്. വിദേശത്ത് ഒരു വര്‍ഷത്തെ പ്രൊഫഷണല്‍ എം.ബി.എ. യും 18-24 മാസം വരെ നീളുന്ന റിസര്‍ച്ച് എം.ബി.എ. യുമുണ്ട്. ഇന്ത്യയില്‍ അക്കാദമിക് രംഗത്ത് പ്രവര്‍ത്തിക്കാന്‍ റിസര്‍ച്ച് എം.ബി.എ. ആവശ്യമാണ്.
കൂടുതല്‍ വിവരങ്ങള്‍ക്ക് www.gmat.org, www.ielts.org, www.toefl.org, www.iimcat.ac.in എന്നീ വെബ്‌സൈറ്റുകള്‍ സന്ദര്‍ശിക്കുക.
ബയോളജിയില്‍ അവസരങ്ങളേറെ
കോ വിഡിനു ശേഷം ലോകത്തെമ്പാടും ഉന്നത വിദ്യാഭ്യാസ, ആരോഗ്യ രക്ഷാ മേഖലകളില്‍ ഇന്റര്‍ ഡിസിപ്ലിനറി ഗവേഷണം കൂടുതല്‍ കരുത്താര്‍ജിക്കും. പ്ലസ് ടുവിന് ശേഷം ജീവശാസ്ത്ര കോഴ്‌സുകളെടുത്ത് ബിരുദം നേടിയ വിദ്യാര്‍ഥികള്‍ക്ക് ഉന്നത പഠന തൊഴില്‍ മേഖലകളെക്കുറിച്ച് ഏറെസംശയങ്ങളുണ്ടാവും. ലൈഫ് സയന്‍സ് വിഭാഗത്തില്‍പ്പെടുന്ന കോഴ്‌സുകളില്‍ സുവോളജി, ബോട്ടണി, ബയോകെമിസ്ട്രി, മോളിക്കുളാര്‍ ജെനറ്റിക്‌സ്, ബയോ സ്റ്റാറ്റിസ്റ്റിക്‌സ്, നഴ്‌സിംഗ്, ഡെന്റല്‍, മെഡിക്കല്‍, ആയുര്‍വ്വേദ, അഗ്രിക്കള്‍ച്ചര്‍, ഹോര്‍ട്ടിക്കള്‍ച്ചര്‍, ബയോളജി, വെറ്ററിനറി സയന്‍സ്, ഫുഡ് സയന്‍സ്, മൈക്രോ ബയോളജി, ആന്ത്രപ്പോളജി, ഇക്കോളജി, എന്‍വിറോണ്‍മെന്റല്‍ സയന്‍സ്, സൈക്കോളജി, സോഷ്യോളജി തുടങ്ങി നിരവധി ലൈഫ് സയന്‍സ് കോഴ്‌സുകളുണ്ട്. അമേരിക്ക, കാനഡ, ആസ്‌ട്രേലിയ, ന്യൂസിലാന്റ്, യു.കെ. തുടങ്ങിയ വികസിത രാജ്യങ്ങളില്‍ ലൈഫ് സയന്‍സ് കോഴ്‌സുകള്‍ക്ക് ഏറെ സാധ്യതകളുണ്ട്. മെഡിക്കല്‍, വെറ്ററിനറി, ഡെന്റല്‍, നഴ്‌സിംഗ് പ്രൊഫഷണല്‍ കോഴ്‌സുകളൊഴികെയുള്ളവ പൂര്‍ത്തിയാക്കിയവരാണ് ഉപരിപഠന മേഖലയെക്കുറിച്ച് തീരുമാനമെടുക്കാന്‍ പ്രയാസപ്പെടുന്നത്.
ഗവേഷണ മേഖലയില്‍ അവസരം
ജീവശാസ്ത്ര ബിരുദം നേടിയവര്‍ക്ക് ഗവേഷണ മേഖലകളില്‍ ഏറെ അവസരങ്ങളുണ്ട്. STEM കോഴ്‌സുകളില്‍ 40 ശതമാനം അവസരങ്ങളും ഇവയിലുണ്ട്. പരമ്പരാഗത മേഖലയിലുള്ള ബിരുദാനന്തര കോഴ്‌സുകള്‍ക്കുപരിയായി പുത്തന്‍ തൊഴിലുകളും ന്യൂജനറേഷന്‍ കോഴ്‌സുകളുമുണ്ട്.
ലൈഫ് സയന്‍സ് ബിരുദധാരികള്‍ക്ക് പഠിച്ച മേഖലയില്‍ത്തന്നെ ബിരുദാനന്തര ബിരുദം, ഗവേഷണം എന്നിവ ചെയ്യാം. അക്കാദമിക് ഗവേഷണ മേഖലകളില്‍ തൊഴില്‍ ചെയ്യാന്‍ താല്‍പര്യമുള്ളവര്‍ക്ക് വിദേശത്ത് നിരവധി അവസരങ്ങളുണ്ട്.
എംബ്രിയോളജി, അസിസ്റ്റഡ് റീപ്രൊഡക്ഷന്‍, ഹെല്‍ത്ത് അനലറ്റിക്‌സ്, വൈറോളജി, മെഡിക്കല്‍ കോഡിങ്, വാക്‌സിനോളജി എന്നിവയില്‍ ബിരുദാനന്തര പഠനത്തിന് ചേരാം. ഏറെ തൊഴിലവസരങ്ങളാണ് ഈ മേഖലയിലുള്ളത്. പ്രതിമാസം ഒരു ലക്ഷം രൂപയിലധികം വേതനം എബ്രിയോളജിസ്റ്റുകള്‍ക്ക് രാജ്യത്ത് ലഭിച്ചുവരുന്നു. വിദേശത്തും എബ്രിയോളജിസ്റ്റുകള്‍ക്ക് നിരവധി സാധ്യതകളുണ്ട്.
മൈക്രോ ബയോളജി, ബയോ കെമിസ്ട്രി, ഇമ്യൂണോളജി, ജനറ്റിക്‌സ്, സൈക്കോളജി തുടങ്ങിയ കോഴ്‌സുകള്‍ പൂര്‍ത്തിയാക്കിയവര്‍ക്ക് ക്ലിനിക്കല്‍ മേഖലകളില്‍ മൈക്രോ ബയോളജിസ്റ്റ്, ബയോ കെമിസ്റ്റ്, ഇമ്യൂണോളജിസ്റ്റ്, സൈറ്റോ ജനറ്റിനിസ്റ്റ്, സൈക്കോളജിസ്റ്റുകളാകാം. രോഗപര്യവേക്ഷണ രംഗത്ത് പ്രവര്‍ത്തിയ്ക്കുന്ന എപ്പിഡമോളജിസ്റ്റാകാന്‍ എപ്പിഡമോളജിയില്‍ ബിരുദാനന്തര പഠനത്തിന് ചേരാം.
ബയോ മെഡിക്കല്‍ സയന്‍സ്, ഫുഡ് സയന്‍സ്, ന്യൂട്രീഷന്‍ ആന്റ് ഡയറ്റെറ്റിക്‌സ് എന്നിവ പൂര്‍ത്തിയാക്കുന്നവര്‍ക്ക് ഗവേഷണ-അക്കാദമിക്ക് മേഖലകളിലും സ്വകാര്യ മേഖലകളിലും തൊഴിലുകള്‍ ലഭിയ്ക്കും. ബയോ ഇന്‍ഫോര്‍മാറ്റിക്‌സ് രംഗത്ത് ഫാര്‍മസി ബിരുദധാരികള്‍ക്ക് അവസരങ്ങളുണ്ട്. ഡിസാസ്റ്റര്‍ മാനേജ്‌മെന്റ്, പബ്ലിക് ഹെല്‍ത്ത്, ബയോസ്റ്റാറ്റിസ്റ്റിക്‌സ്, വെറ്റ്‌ലാന്റ്/റിവര്‍/ഇക്കോസിസ്റ്റം/കമ്യൂണിറ്റി ഇക്കോളജി, അഗ്രി ബിസിനസ്, ഫുഡ് പ്രോസസിംഗ്, നാനോ ടെക്‌നോളജി, ഹെല്‍ത്ത് അനലറ്റിക്‌സ്, സോഷ്യല്‍ അനലറ്റിക്‌സ് മുതലായവ മികച്ച ഉപരിപഠന മേഖലകളാണ്.
അമേരിക്കയില്‍ ഗ്രാഡുവേറ്റ് പഠനത്തിനായി ജി.ആര്‍.ഇ, ടോഫല്‍ എന്നിവയും മറ്റു വികസിത രാജ്യങ്ങളില്‍ ഐ.ഇ.എല്‍.ടി.എസ്സും ഉയര്‍ന്ന സ്‌കോറോടെ പൂര്‍ത്തിയാക്കണം. നൂറുകണക്കിന് ഗവേഷണ മേഖലകളില്‍ അവര്‍ക്ക് പ്രവര്‍ത്തിക്കാനവസരം ലഭിയ്ക്കും. യു.എസ്. ഫിഷ് ആന്റ് വൈല്‍ഡ് ലൈഫില്‍ ( www.fws.gov ) ജീവശാസ്ത്ര ബിരുദധാരികള്‍ക്ക് നിരവധി അവസരങ്ങളുണ്ട്. യു.കെ. യിലെ ആആടഞഇ ബയോടെക്‌നോളജി ആന്റ് ബയോളജിക്കല്‍ സയന്‍സസ് റിസര്‍ച്ച് കൗണ്‍സിലില്‍ ( www.bbsrc.ukri.org, US Federal Assistance , www.studentaid.ed.gov/sa/tata ) ഇന്‍ലാക്‌സ് ഷിവദാസനി ഫൗണ്ടേഷന്‍ സ്‌കോളര്‍ഷിപ്പ് , Aichi Scholarship for Asian students, DST Astar Singapore – India Research grants, Fulbright scholarships, Campus France Charpak Scholarship, ബ്രിട്ടീഷ് കൗണ്‍സില്‍ GREAT സ്‌കോളര്‍ഷിപ്പ്, ഓക്‌സ്‌ഫോര്‍ഡ് ആന്റ് കേംബ്രിഡ്ജ് സൊസൈറ്റി ഓഫ് ഇന്ത്യ സ്‌കോളര്‍ഷിപ്പ്, രത്തന്‍ ടാറ്റ ഫെല്ലോഷിപ്പ്, സ്റ്റാന്‍ഫോര്‍ഡ് റിലയന്‍സ് ധിരുബായ് ഫെല്ലോഷിപ്പ് എന്നിവ ബയോളജി വിദ്യാര്‍ഥികള്‍ക്ക് ആശ്രയിക്കാവുന്ന സാമ്പത്തിക സ്രോതസ്സുകളാണ്. ബയോളജിയില്‍ അവസരങ്ങളില്ലെന്ന തെറ്റിദ്ധാരണ വിദ്യാര്‍ഥികളും രക്ഷിതാക്കളും ഇനിയും വെച്ചു പുലര്‍ത്തരുത്.
ഓപ്ഷന്‍ ശ്രദ്ധയോടെ വേണം
കേ രളത്തിലെ എന്‍ജിനീയറിംഗ് കോഴ്‌സുകളിലേയ്ക്കുള്ള KEAM റാങ്ക്‌ലിസ്റ്റ് വരുന്നതോടെ രക്ഷിതാക്കളും വിദ്യാര്‍ഥികളും ഏതു കോഴ്‌സിന് അഡ്മിഷന് ലഭിക്കുമെന്ന കാര്യത്തില്‍ ആകാംക്ഷയിലാകും. എന്‍ജിനീയറിംഗ് കോളേജുകളിലേക്കുള്ള ബി.ടെക്് പ്രവേശനം എന്‍ജിനീയറിംഗ് റാങ്ക് ലിസ്റ്റിന്റെ അടിസ്ഥാനത്തിലാണ്. NATA പരീക്ഷയുടെ അടിസ്ഥാനത്തില്‍ തയാറാക്കിയ ആര്‍ക്കിടെക്ചര്‍ ബി.ആര്‍ക്ക് റാങ്ക് ലിസ്റ്റ്, എന്‍ജിനീയറിംഗ് പ്രവേശന പരീക്ഷയുടെ ഒന്നാം പേപ്പറിന്റെ അടിസ്ഥാനത്തില്‍ ഫാര്‍മസി കോഴ്‌സുകള്‍ക്ക് വേണ്ടിയുള്ള ഫാര്‍മസി റാങ്ക് ലിസ്റ്റ്, ആയുര്‍വ്വേദ ബിരുദ കോഴ്‌സായ ബി.എ.എം.എസ്സിനു വേണ്ടിയുള്ള റാങ്ക് ലിസ്റ്റ് എന്നിവയുണ്ടാകും.
റാങ്കിനനുസരിച്ച് 2019 ലെ അവസാന റാങ്ക് വിലയിരുത്തുന്നത് നല്ലതാണ്. ഓപ്ഷന്‍ രജിസ്‌ട്രേഷന്‍ www.cee.kerala.gov.in ലൂടെ ശ്രദ്ധയോടെ ചെയ്യണം. ഓപ്ഷന്‍ രജിസ്റ്റര്‍ ചെയ്യുന്നതിനു മുമ്പ് താല്‍പ്പര്യമുള്ള കോഴ്‌സുകള്‍, കോളേജുകള്‍ എന്നിവ മനസ്സിലാക്കി പ്രവേശന പരീക്ഷാ കമ്മീഷണറേറ്റ് തയാറാക്കിയ കോഡ് അറിയേണ്ടതാണ്. കോഴ്‌സിനും വിദ്യാഭ്യാസ സ്ഥാപനങ്ങള്‍ക്കും പ്രത്യേകം കോഡുണ്ടാകും. പ്രവേശന പരീക്ഷാ കമ്മീഷണറുടെ വെബ്‌സൈറ്റിലൂടെ കാന്‍ഡിഡേറ്റ് പോര്‍ട്ടലില്‍ കടന്ന് ഓപ്ഷന്‍ രജിസ്‌ട്രേഷന്‍ നടത്താം.
എന്‍ജിനീയറിംഗ് റാങ്ക് ലിസ്റ്റില്‍പ്പെട്ട വിദ്യാര്‍ഥികള്‍ക്ക് സീറ്റ് ലഭിക്കുമെന്നുറപ്പാണ്. മികച്ച റാങ്കുള്ളവര്‍ക്ക് സര്‍ക്കാര്‍ കോളേജുകളില്‍ അഡ്മിഷന് ലഭിക്കും. താല്‍പര്യം, അഭിരുചി എന്നിവ വിലയിരുത്തി കോഴ്‌സുകളും ബ്രാഞ്ചുകളും തിരഞ്ഞെടുക്കണം. മെഡിക്കല്‍, ഡെന്റല്‍ റാങ്ക് ലിസ്റ്റിലും മെഡിക്കല്‍ അനുബന്ധ റാങ്ക് ലിസ്റ്റിലും എന്‍ജിനീയറിംഗ് റാങ്ക് ലിസ്റ്റിലുമുള്ളവര്‍ ഏതു കോഴ്‌സാണ് വേണ്ടത് എന്ന കാര്യത്തില്‍ തീരുമാനമെടുക്കാന്‍ വൈകരുത്.
എല്ലാ കോഴ്‌സുകള്‍ക്കും ഒരുമിച്ച് ഓപ്ഷന്‍ നല്‍കാം. എല്ലാ കോഴ്‌സുകള്‍ക്കും ബിരുദത്തിനപ്പുറം ബിരുദാനന്തര പഠനം അത്യാവശ്യമായി വരും. അതിനായി മികച്ച ഉപരിപഠനത്തിലൂടെ ലക്ഷ്യം കൈവരിക്കാം. ഉപരിപഠനം രാജ്യത്തിനകത്തും വിദേശത്തുമാകാം. പ്രവേശന പരീക്ഷാ കമ്മീഷണര്‍ തയാറാക്കുന്ന റാങ്ക് ലിസ്റ്റ് അനുസരിച്ച് അതത് സമയങ്ങളില്‍ വരുന്ന വിജ്ഞാപന പ്രകാരം ഓപ്ഷന്‍ നല്‍കണം. ട്രയല്‍ അലോട്ട്‌മെന്റിലൂടെ സാധ്യത അറിയാം. ഓപ്ഷന്‍ നല്‍കിയാല്‍ പിന്നീട് മാറാന്‍ സാധിക്കില്ല. എന്നാല്‍, ഹയര്‍ ഓപ്ഷന്‍ പുനര്‍ക്രമീകരിക്കാം. സീറ്റ് ആദ്യറൗണ്ടില്‍ ലഭിച്ചാല്‍ നിശ്ചിത തുക ഓണ്‍ലൈനായി ബാങ്കിലടയ്ക്കാം. രണ്ടാം അലോട്ട്‌മെന്റില്‍ കോളേജില്‍ അഡ്മിഷന് എടുക്കണം.
ഐ.ഐ.ഐ.സി. കോഴ്‌സുകള്‍ക്ക് അപേക്ഷിക്കാം
സം സ്ഥാന ഗവണ്‍മെന്റിനു കീഴില്‍ പ്രവര്‍ത്തിക്കുന്ന, കൊല്ലം ചവറയിലെ ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് ഇന്‍ഫ്രാസ്ട്രക്ചര്‍ ആന്റ് കണ്‍സ്ട്രക്ഷന്‍ 31 കോഴ്‌സുകളിലേക്ക് അപേക്ഷ ക്ഷണിച്ചു. ടെക്‌നീഷ്യന്‍, സൂപ്പര്‍വൈസറി, മാനേജീരിയല്‍ ലെവല്‍ കോഴ്‌സുകളുണ്ട്. പത്താം ക്ലാസ്, പന്ത്രണ്ടാം ക്ലാസ്, ഡിപ്ലോമ, ഐ.ടി.ഐ. സര്‍ട്ടിഫിക്കറ്റ്, ബിരുദം, ബി.ടെക് പൂര്‍ത്തിയാക്കിയവര്‍ക്ക് മൂന്നു മാസം മുതല്‍ ഒരു വര്‍ഷം വരെ നീളുന്ന കോഴ്‌സുകള്‍ ഐ.ഐ.ഐ.സി. യിലുണ്ട്.
കേരള അക്കാദമി ഫോര്‍ സ്‌കില്‍സും കണ്‍സ്ട്രക്ഷന്‍, ഐ.ടി. രംഗത്തെ സഹകരണ സ്ഥാപനമായ യു.എല്‍.സി.സി.എസ്സും ചേര്‍ന്നാണ് കോഴ്‌സ് നടത്തുന്നത്. മികച്ച ഭൗതിക സൗകര്യം, ഹോസ്റ്റല്‍, പുത്തന്‍ ടെക്‌നോളജി, വ്യവസായ സ്ഥാപനങ്ങളുമായുള്ള സഹകരണം, പ്ലേസ്‌മെന്റ്, സോഫ്റ്റ് സ്‌കില്‍ പരിശീലനം മുതലായവ ഐ.ഐ.ഐ.സി. കോഴ്്‌സുകളുടെ പ്രത്യേകതകളാണ്. എല്ലാ കോഴ്‌സും സംസ്ഥാന ഗവണ്‍മെന്റും നാഷണല്‍ സ്‌കില്‍ ഡെവലപ്‌മെന്റ് കൗണ്‍സിലും അംഗീകരിച്ചവയാണ്.
പത്താം ക്ലാസ് പാസായവര്‍ക്ക് ഇലക്ട്രീഷ്യന്‍, കണ്‍സ്ട്രക്ഷന്‍, എസ്.ടി.പി. ഓപ്പറേറ്റര്‍, പെയിന്റിംഗ് ആന്റ് ഫിനിഷിംഗ് വര്‍ക്ക്‌സ്, റോഡ് കണ്‍സ്ട്രക്ഷന്‍, മെഷീനറി ഓപ്പറേറ്റര്‍ കോഴ്‌സുകളിലേക്ക് അപേക്ഷിക്കാം. ഡിപ്ലോമ കഴിഞ്ഞവര്‍ക്ക് ക്വാളിറ്റി ടെക്‌നീഷ്യന്‍ കോഴ്‌സുകളിലേക്ക് അപേക്ഷിക്കാം.
ബിരുദ ധാരികള്‍ക്കും ബി.ടെക് കഴിഞ്ഞവര്‍ക്കും ജി.ഐ.എസ്, ഫെസിലിറ്റി മാനേജ്‌മെന്റ്, റീട്ടെയില്‍ മാനേജ്‌മെന്റ, ത്രി ഡി പെയിന്റിങ് , ഡാറ്റ അനലറ്റിക്‌സ് ബിരുദാനന്തര കോഴ്‌സുകളിലേക്ക് അപേക്ഷിക്കാം. ഡാറ്റാ സെന്റര്‍ ഇന്‍സ്റ്റലേഷന്‍ ആന്റ് മെയിന്റനന്‍സ്, ഡാറ്റാ സെന്റര്‍ ഇന്‍ഫ്രാസ്ട്രക്ചര്‍ കോഴ്‌സുകളിലേക്ക് യഥാക്രമം ഡിപ്ലോമ, ബി.ടെക് ബിരുദധാരികള്‍ക്ക് അപേക്ഷിക്കാം. ബി. ടെക് സിവില്‍, മെക്കാനിക്കല്‍ പൂര്‍ത്തിയാക്കിയവര്‍ക്ക് ആറു മാസത്തെ ഗ്രാഡുവേറ്റ്ഷിപ്പ് പ്രോഗ്രാമിന് അപേക്ഷിക്കാം. ഇംഗ്ലീഷ് പ്രാവീണ്യം, ആശയവിനിമയം എന്നിവ മെച്ചപ്പെടുത്താനുള്ള കേംബ്രിഡ്ജ് ഇംഗ്ലീഷിന്റെ ലിംഗ്വാസ്‌കില്‍ പ്രോഗ്രാമും ഐ.ഐ.ഐ.സി. യിലുണ്ട്.
16 ടെക്‌നീഷ്യന്‍, സൂപ്പര്‍വൈസറി കോഴ്‌സുകളിലേക്കുള്ള അപേക്ഷ 2020 ആഗസ്റ്റ് 15 വരെയും 15 മാനേജീരിയല്‍ കോഴ്‌സുകളിലേക്കുള്ള അപേക്ഷ ഒക്ടോബര്‍ 15 വരെയും ഓണ്‍ലൈനായി സമര്‍പ്പിക്കാം. കൂടുതല്‍ വിവരങ്ങള്‍ക്ക് www.iiic.ac.in സന്ദര്‍ശിക്കുക. ഫോണ്‍ : 8078980000.
( കോഴിക്കോട്ടെ യു.എല്‍.സി.സി.എസ്. എഡ്യുക്കേഷന്‍ ഡയരക്ടറും ലോകബാങ്ക് കണ്‍സള്‍ട്ടന്റുമായ ലേഖകന്‍ വെറ്ററിനറി സര്‍വകലാശാല മുന്‍ ഡയരക്ടറാണ് )
[mbzshare]