കേരളബാങ്കില്‍ ഗോള്‍ഡ്‌ അപ്രൈസര്‍ ഒഴിവുകള്‍
കേരളബാങ്ക്‌ മലപ്പുറം ഒഴികെയുള്ള ജില്ലകളിലെ വിവിധശാഖകളിലെ ഗോള്‍ഡ്‌ അപ്രൈസര്‍മാരുടെ ഒഴിവുകളിലേക്ക്‌ അപേക്ഷ ക്ഷണിച്ചു. കമ്മീഷന്‍വ്യവസ്ഥയില്‍ താല്‍കാലികനിയമനമാണ്‌. പ്രായം 20നും 60നും മധ്യേ. അപേക്ഷകന്‌/അപേക്ഷകയ്‌ക്ക്‌ സ്വര്‍ണത്തിന്റെ മാറ്റു പരിശോധിക്കാന്‍ അംഗീകൃതസ്ഥാപനത്തിലോ ഏജന്‍സിയിലോ നിന്നുള്ള സര്‍ട്ടിഫിക്കറ്റോ ആഭരണനിര്മാണത്തൊഴിലാളിക്ഷേമനി
അഭിമുഖം, പ്രായോഗികപരിജ്ഞാനപരിശോധന, പൊലീസ്‌ വെരിഫിക്കേഷന്‍/ക്ലിയറന്‍സ്‌ എന്നിവയുടെ അടിസ്ഥാനത്തിലാവും നിയമനം. ബാങ്ക് നിഷ്‌കര്‍ഷിക്കുന്ന സെക്യൂരിറ്റിത്തുക, ഇന്‍ഡെമിനിറ്റ്‌ ബോണ്ട്‌, ബാങ്കിനു സ്വീകാര്യരും പൊതുസമ്മതരുമായ രണ്ടുപേരുടെ ജാമ്യം തുടങ്ങിയവ നിയമനം കിട്ടിയാല്‍ നല്‍കണം. അപ്രൈസര്‍മാരെ സംബന്ധിച്ച ബാങ്കിന്റെ നിബന്ധനകളെല്ലാം പാലിക്കണം. എല്ലാ പ്രവൃത്തിദിവസവും ബാങ്കിടപാടുസമയത്തു ബാങ്കിലുണ്ടായിരിക്കണം. ബാങ്കുമാനേജരോ അധികാരപ്പെട്ട ഓഫീസറോ നിര്‍ദേശിക്കുന്ന ബാങ്കുസംബന്ധമായ മറ്റുജോലികള്‍ ചെയ്യാനും സന്നദ്ധരായിരിക്കണം. കേരളബാങ്കിന്റെ ചീഫ്‌ എക്‌സിക്യൂട്ടീവ്‌ ഓഫീസറുടെ പേരില്‍ തയ്യാറാക്കിയ അപേക്ഷ ബാങ്കിന്റെ ജില്ലാഓഫീസുകളിലോ ജില്ലാകേന്ദ്രങ്ങളിലോ ഒക്ടോബര്‍ നാലിനു വൈകിട്ട്‌ അഞ്ചിനുമുമ്പു സമര്‍പ്പിക്കണം. കൂടുതല്‍ വിവരം ബാങ്കുവെബ്‌സൈറ്റില്‍ (www.keralabank.co.in) അറിയാം.
